حبيبتي زي ماقالو البنات
الرسول عليه الصلاة والسلام امر بنتف الابط وحلق العانة
وماحدد رجال او نساء مشكلتنا اهالينا ماكان عندهم ثقافة دينية
اذكر امي كانت تقول لي الرجال هما بس الي يسوو بالموس
وياويل لو درت اني حلقت تصير حرب خخخخخخخخخخخخخخ
المهم الحمدلله الان الواحد صار يعرف امور دينه مع انتشار النت والفضائيات
والطب الان اثبت انو صحيا الموس افضل في حلق المنطقة ليييييييش
اولا لانو في بكتيريا طبيعية تحمي المنطقة مع النتف تروح دي البكتيريا فتصير
المنطقة معرضه للالتهابات والفيروسات وتاني شي يرهل المنطقة ودا كلام
كل وحده تستخدم الحلاوة تقدر تلاحظه وفي موضوع قريته بأحد المنتديات
انو من ناحية الشكل لو وحده عمرها 40 سنة وتستخدم الموس تلقى المنطقة
عندها مشدودة وكأنها وحده بالعشرين ولو وحده عمرها 20 وتستخدم الحلاوة
المنطقة تكون مرهلة وكانها لوحده بالاربعين شفتي الفرق كيف ؟؟؟؟
ادري الحلاوة انظف لمده طويلة وترا البياض والسمار من الاحتكاك
وماله دخل بالموس والحلاوة عشان كده جربي استخدمي شفرة فينوس
للحلاقة النسائية انا كنت اعمل حلاوة بس والله تعب كل ججسمك تسويه
بالحلاوة خلاص طفقشت فقررت انو دي المنطقة اشيلها بالموس والله ارتحت
المهم انك تستخدمي الشفرات النسائية وخليكي كل 4 او 5 ايام تجلسي نظيفة
وممكن مرة تعملي بالحلاوة ومرات بالموس معليش طولت بس اتمنى اكون افدتك
احين الموس ولا الحلاوه كل وحده حجي
متابعة النقاش، صفحة 5