بسم الله
اللهم لااعتراض
اللهم آجرني في مصيبتي واخلفني خير منها
سبق ونزلت موضوع انو زوجي ناوي على الطلاق
بينتهي الموضوع خلال كم يوم
المشكلة هي فيني انا حاسة اني مقدر اتحمل اعيش
بعد الطلاق مو عشان الناس أو شي
بس تعبآآآنه واللي تاعبني أكثر وشلون هنت عليه
صحيح اتفقنا على الطلاق لأنو ماعاد في مجال للصلح ماابغى اتكلم عن الأسباب والمحاولات الحين انا كم يوم واتطلق لاتقولون
حاولي كلميه
خلاص بينتهي الموضوع
اقول كذا علشان اوضح لكم هدفي من كتابة الموضوع
حاسه اني مقدر اتحمل لقب مطلقة
من جميع النواحي
يمكن لأني حساسة
مدري بس اللي اعرفه اني مااااقويت هالحال ومابعد صار شي وشلون عقب
ببداية العشرين والهموووم على قلبي كبرتني
حاسه اني مستحيل اجرب الزواج مره ثانية
يالله مدري كيف الناس ماعندهم قلب
بديت اضعف
مستعينه بالله
ابي القوة منه سبحانه
بدى الشيطان يلعب راسي
ربك خذلك
استغفر الله
يـــــــــارب انا على عهدك ووعدك مااستطعت
ربي لاتحملني مالاطاقة لي به
يارب اربط على قلبي وانتزع منه مابقي من محبة لزوجي
لو بصرخ واقول أكررررررررهه
كذابه
يمكن كرهت تصرفاته الأخيرة معي واللي خلتني أيئس من تعدل الأوضاع
بس مقدر اشيله من بالي ومقدر مااسأل نفسي وشلون هانت العشرة
بكل مكان وبكل شارع اتذكره
مرينا من هنا وداني من هنا
تمشينا وشرينا
مقدر اكمل......
شاركي في النقاش
سجلي الدخول لإضافة تعليق.
التعليقات
78- يااختي هذي فتره وان شاء الله تعدي استعيني بالله واستغفري الله كاتبلك هالشي يصير
وان شاء الله يرزقك باللي احسن منه اهم شي اشغلي نفسك عن التفكير فيه بذكر الله - يااقلبي اتكلي على الله وان شاالله ربي يربط على قلبك ويصير انسان عادي
- كم لك متزوجه اختي !!!
- استخيري قبل واذا حاسه ماراح ترتاحي معه او مراح يقدرك ويسعدك ويحترمك الطلاق ارحم دام لسى ماعندك اطفال انا ضيعت حياتي معاه ليتني لمن تطلقت منه مارجعتله لانه باختصار احقر من حقير وخسارة الحب والتضحيات معه

الله يعوضك ويربط على قلبك
اصبري ياحبوبة فانت الآن في ابتلاء وامتحان من الله
فاحرصي
أن تكون راضية قانعة بما كتب الله لك
وأكثري من
اللهم أجرني في مصيبتي واخلف لي خيراً منها .
مواضيع مشابهة
تابعي تجارب أخرى من هذا القسم.