ساعدوني يا بنات ... نفخة في رقبة ولدي

مرحبا بنات

قلبي يعورني و خايفة على ولدي , أبغاكم تطمنوني بخبرتكم
و أناإن شاء الله رايحة المستشفى الليلة بس من القلق كتبت

ولدي عمره 3 سنوات الله يخليه يارب

اليوم لما صحى من النوم لاحظت وجود نفخة بحجم الليمونة الصغيرة أو الجوزة تقريبا
مكان النفخة صاير في الرقبة على جنب تحت حلمة الأذن

الولد ما يشتكي من شي و لا عنده سخونة
بس عنده بحة في صوته صار له كم يوم و كحة خفيفة

لكن طبيعي جدا و يلعب و ياكل عادي

أبوه مسافر كلمته و قال لي يمكن تكون الغدد اللمفاوية لأن هذا مكانها
و قال لي ان هالشي طبيعي المفروض في الأطفال اذا عندهم التهاب تنتفخ هالمكان
و قال لي اوديه المستشفى طبعا للتأكد و الاطمئنان

بس انا قلت لازم اسألكم و اشوف مين صار لها مثلي علشان أطمن أكثر
لأن باقي كثير موعدي بالليل و انتوا كلكم امهات و عارفين قلب الأم

الشيطان قاعد يلعب براسي لعب و مافيه فكرة شينة ما جت على بالي !

تكفووووون طمنوني و ريحوني الله يخلي لكم اولادكم يارب

7 تعليق 7,314 مشاهدة

شاركي في النقاش

سجلي الدخول لإضافة تعليق.

التعليقات

7
  1. صاحبة الموضوع
    لا والله أختي ما معه شي الولد طبيعي جدا
    مجرد كحة بسيطة جدا و بحة خفيفة في صوته

    بس اذا مسكت النفخة تألمه ما يرضى أمسكها
  2. @dnyay_dnya

    حبيبتي تطمني تقريبا كل الاطفال كذا

    ويكون ناتج عن التهاب في الاذن او اللوز ويمكن يكون مرة خفيف وما حسيتي فية

    وعموما ودية الدكتور وتطمني علية اكثر ونسيت اقولك الحين انا بنتي عمرها سنة ونص وفيها نفس الشيء ولا فكرت اوديها
  3. @am_kadya

    دنياي دنيا
    حبيبتي تطمني تقريبا كل الاطفال كذا ويكون ناتج عن التهاب في الاذن او اللوز ويمكن يكون مرة خفيف وما حسيتي فية وعموما ودية الدكتور وتطمني علية اكثر ونسيت اقولك الحين انا بنتي عمرها سنة ونص وفيها نفس الشيء ولا فكرت اوديها
    كلام دنياي دنيا صحيح بنت اختي حصل معها كذا بس كان معها حراره وزي ولدك ماتبي احد يلمسها عاد الدكتور حلل لها وقال التهاب بالغدد اللمفاويه وصرف لها مضاد قوي شوي لمده 15يوم وتشافت الحمد لله

    ****الله ولدك مايشوف شر

تابعي تجارب أخرى من هذا القسم.