الخلافات امام الخادمه

مرحبا بنات .. لا يكاد يخلو بيت من الخلافات الزوجيه واحيانا تحدث هذه الخلافات امام الشغاله التى تعتبر غريبه حيث لا يستطيع احد الزوجين السيطره على نفسه وقد تقوم هذه الخادمه بالثرثره او التحدث عن هذه الخلافات بالخارج فهل حدث لك هذا الشيء من قبل وماهو موقفك اذا حدث هذا الشيء ؟؟

14 تعليق 1,441 مشاهدة

شاركي في النقاش

سجلي الدخول لإضافة تعليق.

التعليقات

14
  1. @mys_oasyl

    انا جنوني من هالحركه

    ومن اول ما جت شغالتي وانا محذرته يعاتبني قدامها
    بس مره مدري وش سويت له وعاتبني عندها <<<<<<<< حلوه مدري وش سويت له خخخخ
    المهم بعدها صارت ماعااااد تسمع كلامي

    الله يهديه بس
  2. الصراحه اسؤا شي ان الزوج يعاتبج ويعلي صوته والخادمه موجوده لانها تتمرد عليج بعدين هذا غير الثرثره بالي صار لج
  3. اي والله صدقتووو اتذكر مره الوالد الله يهديه عاتبنا قدامهاا وعشاانها بعد يرحمهاا على قولته وعقبهااا تمردت الاخت لاا وصاارت تمون عليه وتشكى له
  4. @abryz

    خلافاتنا داخل غرفة النوم وبصوت منخفض مو بس عشان الخادمه لا
    عشان بزورتي نفسيتهم ما تتأثر،،
    والحمدلله أنا وزوجي حريصين إننا مانبين لهم شئ من خلافاتنا..
  5. @alghmam

    شوفي أختي..
    ترا الريال أحيانا كثيرة يعميه الغضب خاصة إذا تدخل عناد الأنثى في الموضوع...
    وسواء كانت الزفه أمام الخدامة أو العيال فهي في الحالتين غلط...
    إنتي من تشوفين بو الشباب عاقد الحواجب دخلي الخدامة بكلمة حازمة آمرة ...
    ومن يقول لج شي بو الشباب اسكتي وللا قولي إن شاء الله...
    بعدين عقب ما تستريح أعصابه راويه العين الحمراء :) قصدي نبهيه أنه يمسك نفسه أمام الأولاد أو الخدامة..
    المهم إذا تكرر الموقف إنت لا تردين عليه نهائيا أمام الخدامة...
    ولا تحاولين تبررين أمام الخدامة الموقف أو تشرحيلها إياه أو تجاوبين على فضولها..

تابعي تجارب أخرى من هذا القسم.