السلام..
جرح..حرم عليك..اول مره اشتهي حلا بهالشكل..
بنت الصقر.. هلا فيك..مشكورة على الدعوة..
حلم... الظاهر بنقول اشتغلي..عشان ما تشتغلين!!!!
خفي على نفسك يا بنت الحلال.. واذا عن الطفش.. يالله..ادخلي الورشه معنا وابدعي بالفوتوشوب..تراه مممممتع..
____________
يومياتي..
امس ..حامت كبدي من قصة لولو..طوييييلة.. ودايم على عيونها..
مسكت مقص الخبز وعرمتها..خخخخخ طلع نص الجبهه!!!! خربتها..
واليوم..
ولا شي..بس قهوة وغدا..وحوسة مواعين..
بس بخيت فليت على جحر نمل بالمطبخ..وخليت الهواية تشتغل..وقفلت الباب..
ولبست بناتي وطلعنا لمحل الاطفال.. شرينا لجود سيكل..من زماااان وهي تبيه..وحنا يومنا سنة..
واخذت ستارة لسرير الصغيرة..عشان يرد عنها براد المكيف..من عقب ما تعبت وحنا نقصر عليه ..ويذبحنا الحر..
وطلعنا منه لجرير بلازا.. دخلت صالون المميز ورتبت شعر الصغيرة..
ولولو راحت مع ابوها لتويز ار اص تختار دراجة على قولتها.. ويوم رجعو يدودلون يدينهم ..قصت شعرها..<<<وانت بقيتي شي!!!
وكانت جود لابسه صندلها المفضل لدي..ابيض سادة..وما يلمع..من مذر كير..يمشي مع اغلب ملابسها..
وانقطع عليها وحنا برا... ظاق صدري مره..
مريت محل اسمه زينة..ادور لها شي تلبسه..بس ما لقيت مقاسها..
وقعدت يا عمري تسحب رجلها..
وطلعنا على هايبر بنده اللي بالمجمع.. وخذنا دراجة ورجعنا للبيت..
انا على طول دخلت المطبخ..مسحت المكان اللي فلته..وجبت معجون وسديت الجحر بعد ما سميت..
وعسى افتك منه..
ودي اسوي شي..تنظيف مظبوط..بس مالي خلق..
وينك يا دلوعة بريدة.. وش ننظف..
انا من زمان ويدي تحكني على المقلط..بس اقول..بديت معهم ..اكمل معهم.. بس شكلك مطولة!!