شاركي في النقاش

سجلي الدخول لإضافة تعليق.

التعليقات

137
  1. @ghryb_alfkr

    ياحليلكم انتم ومواقفكم <<والله ضحكت عليها

    لكن انا مااحب اذكرها ولا تضحكني بعد الا تخليني مكتئبه وحزينه
    بابا الله يحفظه لي عمره ماطقني الا مرتين والحمد لله ومو لغلط مني <بس يكون زعلان ومتنرفز من غيري
    وانا مااقول اني ماغلطت لا اكون على غلط بسيط مايحتاج << لكن اكلتها . بس ضربه وحده لكن من ابوي... كانه.. اعوذ بالله ماتنسى

    ذكرى شينه بالحيل
  2. @mrokh_troyk

    ههههههههههههههههههههههههههههه الله يسعدكم

    اتذكر مره يوم كان عمري 6 سنين واخوي اكبر مني بشوي كان يخليني العب كوره بالطيب بالغصب مع اني ماحبها بس اخاف منه يطقني

    ومره كان ابوي برا البيت وحنا نلعب بالصاله وكان ابوي شاري دولاب جديد كله قزاز المهم ويشوت اخوي الكوره وطرااااااخ تكسر القزاز
    من الخرعه رحنا سوينا انفسنا نايمين مع العلم انا ماننام الا بعد طلعت الروح لا واليوم اللي بعده كان اجازه يعني مافي امل احد يصدقنا وكان اخوي كل شوي يقولي نمتي؟.؟؟ عاد ما ارد عليه .. مسويه نايمه عشان ما اكل العلقه معه

    والله وكلها نص ساعه الا واسمع صوت ابوي ابي اغمض عيوني يمين شمال مافيه النوم مع الخرعه طار بيدينه ورجلينه...
    ويدخل علينا الغرفه معه ذيك الرشيقه( الخيزرانه) ... لا ومزينها الله يسعده بشطرطون لماع ههههههههههههه

    المهم ويروح لسريري اخوي ويفك عنه البطانيه وهاتك ياضرب... طبعا انا قلت يابنت مافي مفر الضرب جايك جايك .. لاتسوين نفسك نايمه قومي شوفي لك صرفه
    والله وهو منهمك د متعوب على منهمك... بضرب اخوي طبيت من السرير ومستعده للنحشه الا يمسكني مع شوشتي ويعطيني كم علقه... قعدنا نصيح ونمنا ههههههههههههههههههههههههههه

    الله يخلي امي وابوي لنا والله من زمان ماطقوني > لانسيتي ذا كبرك وتبين تنطقين هههههههههههه


    تحياتي لكم ولمواقفكم الروعه
  3. @kyrat_masy

    انا كان فيني طبع شيييييييين ينجن ابوي مني ما اتوب

    كنت اموت اسقي الزرع اللي بالحوش وجدار بيتنا قصير مو طويل

    دايم ما اطلع اسقي الا قبل جية ابوي من الدوام بربع ساعه اسقي الزرع والمويه بصراحه داااافيه وتكون غالبا" قويه

    اقوم ادفي رجليني بالمويه وانا اسقي شوي شوي يديني كمان شوي شوي اتسبح كامل بالحوش وكل ماصكيت المويه ابرد وارجع افتحها وغالبا" اشلح الروب والفنيله واتصادف مع دخلة ابوي من الباب ويشوفني بشكل فضيحه لا وكنت دبى بعد ههههههه انا ما انتبه الا على صرخة ابوي وعلى طول اقط الهوز اركض لداخل البيت ارجولي كلها طين الين اوصل حمام غرفتي

    يجيني طق محترم مره بالعقال ومره باللي في ارجوله ومسكينه امي كل ما شافتني اطلع اسقي تصارخ لي ارجعي لا تسويلنا فضيحه وتتسبحين والا لاخلي ابوي يذبحك

    ودايم اقول لها لا خلاص هالمره بس دقيقه وادخل اصلا" انا ماصرت احب اتسبح << انصب

    واكرر نفس الحركه

    ياحياتي يا ابوي كان يستخف ويتحلف فيني اني لن عاد طلعت للحوش ليكسر رجليني لكن مافيه فايده فيني مقدر اقاوم المويه الدافيه اعشقها <<< مهويه من يوم انتي صغيره

تابعي تجارب أخرى من هذا القسم.