جزاكم الله كل خير
احمدلله على كل حال ,, له الحمد وله الشكر من قبل ومن بعد ,, انا لله وانا اليه راجعون
اللي صار لي ::
انا يوم السبت بعد ما رجعت الصبح من الدوام حسيت بألم في ضرسي وقلت بس يصير المغرب اروح لمستوصف اسويه
لما رحت المستوصف قالتلي الدكتوره يبغاله بنج ورفضت تسوي اي شي الين اجيب لها تقرير عن وضع الجنين
دكتورتي لها شهر ونص مسافره فرحت لدكتوره ثانيه
حولتني على استشاري لانه ما عندها جهاز يطلع تقارير مطبوعه
رحت للاستشاري وكان دوامه انتهى فرجعت البيت
طول الوقت وانا ادعي ( اللهم اني وكلت امري اليك ووضعت امري كله بين يديك فاختار لي مافيه الخير يارب )
رجعت البيت
واليوم الثاني على طول بعد العصر رحت للاستشاري ودخلني على طول
اول شي قاس حجمه طلع نفس حسابي بالضبط 16 اسبوع و6 ايام
وجلس يدور للنبض وهو ساكت عشر دقايق وانا شايفه الجنين بالشاشه اللي قدامي واضح كل شي فيه واضح يدينه ووجهه واصابعه وكل شي بس ما يتحرك كأنه نايم
قالي الدكتور للأسف الجنين متوفي قريب
انا استغفر الله العظيم بكيت من قلبي
مو اعتراض لا والله بس انصدمت لاني شايفته انسان كامل قدامي بالشاشه وما استوعبت
اخذت منه التقرير ورحت لاشهر استشاري عندنا في ابها
سويت عنده سونار طلع نفس الكلام
قالي الجنين توفى من يومين او ثلاثه بالكثير
ولا فيه اي سبب لانه طبيعي ونموه طبيعي ووزنه واعضاؤه ودماغه كل مافيه طبيعي
ولكن قدر الله وماشاء فعل
سألته عن ألم ضرسي هو السبب قال لا ما يسبب هالشي
الوفاه وفاة مفاجئه وبدون سبب واضح
وانا فعلا حسيت بالحركه من اول الرابع بس لي كم يوم ما احس فيها بس توقعت انه طبيعي لانها باقي ضعيفه
كان يوم الاحد القادم ادخل الشهر الخامس
للان الجنين في داخلي مانزل
ان شاء الله بكره باروح الرياض عند أمي انزله عندها اذا اراد الله ولم ينزل قبل
اللهم لك الحمد من قبل ومن بعد
انا راضيه بقضاء الله وقدره
وأسأل الله ان لا يفجع ولا وحده منكم بجنينها ويعوضني بخير يارب
انا لله وانا اليه راجعون
ادعولي
الله يخليكم ادعولي ان ربي يخفف عني ويصبرني جسديا ونفسيا
ما شاءالله التجمع (12)لااروع صديقات حوامل شهر اكتوبر 10_ونوفمبر 11_وديسمبر 12
متابعة النقاش، صفحة 206
