السلام عليكم خواتي
صح من باب القافة مسجل معكم وانا رجل بدون محرم
بس بغيت اتكلم عن موضوع كثير ماتتكلمون عنه
وهو العنوسه
انا بعد ذابحتني العزوبيه
والمشكله من البنات نفسهم
الرجال والله مايبون جمال ولا يطلبونه كثير والله اهم شي عندهم الاخلاق لانهم تزوجو عشان يرتاحون
واذا الواحد راح وجاء وتعب وجمع وكون نفسه تجي البنت تشرط
اكيد كثير منكم تقول والله مااتشرط الا امور بسيطه من حقوقي
بس اسمحيلي اقول تكذبين على نفسك
كل واحد تتمنى بس تتزوج واول ماتنخطب تقول لالالالالا ابي بشروط
الي تبي شقه والي تبي مهر غالي والي والي وبنت فلان مش احسن مني
انا عمري 32 سنه تقريبا
الحمد لله مش ناقصني شي من وظيفه ولا شكل ولا اصل
والله لي عشر سنوات مالقيت
طبعا انا ادور بالمعقول اكيد فيه بنات
بس فيهم عيوب واهم شي اخلاقه (يعني عوبه) >>> ياليت تشروحونها
او امها او اخوانها يعني بتعيشني في نكد
والله مايذبحيني الا البنت الي تقول ابي بيت او شقه مستقله
طيب عيشي مع هلي في ملحق مستقل وعندك كل شي حتى المطبخ واذا فرجها ربي
مصيرنا بنستقل تقول لا ابي مملكتي الخاصه >>> اخسسس يانحله
يعني فوق الدين دين
والله كل مااخطب عاد اسمعو الاعذار
الي تبي مثل ماقلت شقه والي تبي تكمل دراستها وتصير دكتوره
وهي اذا شافت االصرصور اخترعت يعني تبي انتظرها بعد ثلاث او اربع سنوات
والي وش وظيفتك بالضبط يعني في شركه او عسكري او موظف حكومي وش تسوي بالضبط
وركزوا على كلمه بالضبط >>> مالت عليك ياملكه الطبخ والحلويات يعني
والي تقول انا ماتزوج قبل اختي الكبيره >>> وفيه من جد عاد هذي
والي يذبحيني ويقهرني ويخسرني ويتعبني
البيت الي يقولون تعالو وبعد مانجي يرفضون طيب ليش
اخر شي تبي الام والبنت الاموره تعلم الناس ان بناتي ينخطبون
طيب على حسابي وعلى صحتي اه بس
وغير طبعا الاعذار البايخه ابي اسكن عند امي وبنفس المدينه
مااحب الغربه والبعد عن امي
والله الود ودي اتزوج اربع وغيري بعد كثير يدورون بنات للزواج وبعدها ماتلقون ولا بنت عانس
بس الماده والزوجه بتقز في حلقك وهي اذا عانس تقول عادي >>> انانيه
ونصيحه للبنات اذا انخطبو لا تتشرطون الا شروط معقوله
والباقي يجس في الطريق مع الوقت
واذا فيه شوفه شرعيه خلو الولد يشوفكم
لا ن نظرتنا للحريم غير عن البنت للبنت
انتم تشوفون بنات عاديات وحنا نشوفهم جميلات والعكس صحيح
طبعا الأم والأخوات يدققون على كل شي ويبون البنت على مزاجهم وعلى نفس تفكيرهم
وحنا نبي والله البنت العاقلة الي تريح الرجل فقط فقط والجمال يذوب مع الوقت ومع تعود
العين عليها >>> طبعا بالمعقول
وان شاء الله يوفقكم ويفقنا بعد >>> انا اول طبعا
وأي استفسار انا حاضر
اخوكم الصغير >>> بالقوه صغير
الموضوع مغلق