الصيف أقبل وكل عام وصيفكم أحلى....
واجازة سعيدة وعلى طاعته سبحانه...
في السفر متعة و........فائدة........
وكثيرة هي المواقف المضحكة في السفر
نريد منها ماكان عبر الخطوط البرية .....
اي السفر عن طريق البر وليس جوا وبحرا ........
سأبتدي بموقف حدث لي في السفر عبر الخط البري...
في أحدى السفرات البرية حدث لي موقف مضحك ومخيف في نفس الوقت
تعرفون الاستراحات اللي على الخطوط البرية تخوف ومافيها أُنس....
في مرة من المرات وحنا في سفر نزلنا في استراحة طبعا انا كنت الحرمه الوحيدة في السفر لان سافرت انا واخوي ..................
وكنت مضطرة اروح دورة مياه وكانت الوقت بعد المغرب وللنساء دورة مياة خاصه ....
واضطريت اني اروح لحالي لان سيارات المسافرين اللي عند الاستراحه والحريم اللي معهم راحوا على طول لمطعم الاستراحه
فاضطريت اروح لوحدي :unsure:
واستعذت بالله من الشيطان الرجيم وقريت اذكاري
ودورة المياة ورى الاستراحه يعني تاخذين لفه لوراء مشي على رجولك وكان وقت اقبل الليل
بالاول تدخلين ممر ضيق وبعدها وراء زي الساحه فاضيه فيها غرف مفتوحه ومظلمه تخوف
المهم تقويت بذكر الله ورحت وايدي على قلبي المهم طلعت من الحمام وانتوا بكرامه ورحت
على طول للمغاسل ابي اتوضا وشوي الا زول حرمة عند بوابة دورة المياة تخيلو ساكته ماتكلمت ومعها طفله صغيرة
وظلت واقفه انا صابتني ام الركب ياربي وش ذا هذ وقتك
قلت وشفيها على الاقل سلمي طيب تكحكحي ..........:confused:
قعدت اخاطب نفسي بيني وبينها قلت شوفي اذا هي من بني ادم بيبين كل شي:biggrin:
واذاهي جنيه بيبين بعد كل شي .............:07:
قعدت اطالع رجولها ولا ايديها بعرف فيها رجل ناقصه ولايد ناقصه يبان ماشفت شي لانها كانت مستترة كلها بالحجاب الشرعي ...........
قعدت اقرا آية الكرسي يمكن حول ست مرات اقرا واغلط فيها من الخوف صابتني ام الركب :laughing:
وصلت حدي من الخوف ....خلاص بروح يمها واقرب منها اللي يصير يصير...وان كانها اللي بالي بالي من العالم الآخر
ابي اهجدها بكم آية يمكن تنحاش وتفكني
المهم سميت بالرحمن ورحت يمها
قلت عفوا اختي تبين شي
قالت:pinklove:
ايه بسالك ابي دورة المياة في احد بالحمامات داخل قلت لا مافي احد تفضلي
هههههههههههه
طلعت بالاخير واقفه هناك خايفه مني وش جابني هنا ....
بالاخير قالت ممكن يا اختي تمسكين بنتي لين اطلعي بس بالله لاتروحين وتتركيني
قلت ابشري ومسكت البنت لين اطلعت واخذتها
وسلامتكم ....
لاتنسون عند السفر قراءة الاذكار دائما وابدا..........
واستعينوا بالرحمن........
ولن يضركم شيئا ًباذن الله ........
أنتظر مواقفكن الطريفة ....
