مشكلتي انا واختي




السلام عليكم يابنات
عندي مشكلة وماني عارفة القالها الحل تعبت من كثر التفكير

اتمنى اكون خفيفة على قلوبكم

اختي اكبر مني بعشر سنين ومتزوجة وعندها بنت
ومن بعد ماتزوجت ب4 سنوات صرت الاحظ ان ريلها نظراته موزينة وكنت اجذب نفسي لين بمرة من المرات كلمني وقالي انا معجب فيج طبعا انا صديته ورحت قلت حق امي وطلبت انها ماتقولها وراحت قالت حق اختي وقعدت تبجي لين ما الموضوع عدى وانتهى
بس وين ينتهي ماكو فايدة رد حق سوالفه وتمادى اكثر معاي ومع رفيجتي وبنت اختي وكلنا ساكتين
وانا كنت دايما اقول حق امي عن سوالفه
واحنا من سنتين قعدنا عندهم بالبيت كان توه خالص بنيانه وعطت شقة حق امي يعني تقعد فيها من غير ماتدفع ايجار
لين فبل شهر تقريبا سافرو اهلي وظليت انا واختي الصغيرة وخوي بالبيت
انا ظليت بالكويت ماسافرت لأني كنت اجهز حق زواجي
طبعا صار وايد يضايقني لحد ما خلاني اطلع عن طوري و وقفته عند حده وقلت حق اخوي اللي اصغر مني
طبعا اهو شراح سوى راح قال حق اختي ان احنا سبيناه وغلطنا عليه وان انا اتبلى عليه
اهي صدقت كلامه وجذبتني انا واخوي والكل والله يابنات قلب علي حتى اختي الصغيرة اللي كانت قاعدة معاي وقفت بصفه طبعا لأن اهو وظفها لازم توقف بصفه
واختي الكبيرة قالت تحرم علي ليوم الدين عني انا
وقالت عندكم لين اخر هالشهر شوفولكم مكان عشان ابي ابيع البيت
ورافضة ان تسمع مني اي كلام
حتى بنتها الصغيرة تشوفني ماتسلم علي ومنعتها ان ادش البيت عندنا
مادري هل انا غلطانه مع اني سويت المستحيل عشان اكلمها واهي مو راضية
ومو حابة اني اقول حق ريلي لأن لاحظ ان احنا مانكلم بعض واللي ذابحني ان بنت اختي اللي كان يتحرش فيها قالت لها اني انا قلت لها اتبلي عليه وماحبيت اني اسوي مشكله لأني مليت من المشاكل
كل اللي ابيه منكم يابنات هل انا غلطانة مثل ما الكل مطلعني غلطانة ؟

واسفة لأني طولت عليكم ...

16 تعليق 1,818 مشاهدة

شاركي في النقاش

سجلي الدخول لإضافة تعليق.

التعليقات

15
  1. ادعي لهم بالهدايه واصحي يقسى قلبك وتبعدين ......بالعكس انتي واثقه انك ماصار منك غلط خلاص سوي اللي عليك وطنشي ااي مضايقات عيشي حياتك بطريقتك.....موفقه
  2. @fdyt_hmody

    اختج خليها تولي ما عليها حسافه ... طول الزمن ولاقصر وساخته في النهايه بتطلع وحتطيح الاقنعه ياكرهي للمره اليه تبيع اختها علشان زوجها
  3. @samt_alwda3

    صاحبة الموضوع
    بعد عمري يابنات اشكر مروركم العطر
    حسستوني انكم خواتي واكثر والله كافي انكم خففتوا عني عسى الله يوفقكم

تابعي تجارب أخرى من هذا القسم.