شاركي في النقاش

سجلي الدخول لإضافة تعليق.

التعليقات

359
  1. @shtha_algnan

    hope smile:)
    للتصحيح .. العنوسه لفظ تعبيري يطلق على الرجل والمرأه على حد سواء وبالنسبه لاكمال الدراسه وان البنت تصير دكتوره احب اقول لك انا دكتوره وافتخر والرجال اخر همي واللي مايعجبه ان البنت تكمل دراستها ياكثر البنات اللي خلصوا ثانوي وقعدوا بالبيت …
    أنا أتفق معك على إنه المفروض يكون مقياس الزواج لدى الجنسين هو ((الدين والأخلاق))

    كما ورد في نص أحاديث كثيرة عن الرسول عليه السلام ( فاظفر بذات الدين تربت يداك )

    ( من جاءكم من ترضوا دينه وخلقه زوجوه إلا تفعلوا تكن فتنة في الأرض وفساد كبير )

    لكن تذكروا ( انتم يا الشباب ) إن المرأة الخلوقة الصالحة اللي تحافظ على نفسها وبيتها

    إنها ما تكون إلا للصالح يعني لرجل عفيف مثلها وديّن قال تعالى (( الطيبات للطيبين

    والطيبون للطيبات والخبيثات للخبيثين والخبيثون للخبيثات ...)) يعني إبدأ من نفسك وأصلح

    حالك وربي بيرزقك الطيبة .... لأن للأسف حال شبابنا هالأيام ما يسر وأغلبهم إلا من رحم

    ربي له علاقات قد تصل في كثير من الأحياااان حد الزنا والعياذ بالله ! وإذا جاء الواحد

    يتزوج بحث عن الصالحة الخلوقة وكله خوف أن يقع بامرأة مثل اللي كان يعرفهن !!!!!!

    وينسى إن مثل هذي المرأة ـ وعلى كثرتهن ـ إلا إنه ما يقدر يحصل عليها لأنها متعلقة

    بالله تعالى ومستحيل يجعل نصيبها مع مثل هالفاسقين .. والقصص كثيرة على ذلك ..



    أما من ناحية الشروط اللي ذكرتها من وجهة نظري من حق أي بنت إنها تطلب بيت لحالها ..

    وإذا على إن أمك وأبوك لحالهم في البيت عادي ممكن تسكن بجنبهم أو قريب منهم ..

    وتاصل فيهم وتبرهم وأنت ببيتك وتشوف حاجاتهم وأنت ببيتك مستقل .. لأن الحرمة

    تحب إنه يكون لها مكانها الخاص وحياتها الخاصة وتكون على طبيعتها وبراحتها

    هي زوجها حتى لو كان فيه مشاكل تكون بينهم وتكون خاصة ما يطّلع عليها أحد

    وشرط الدراسة أو الوظيفة عادي وش فيه؟!!! البيت ممكن نقول توفير وكذا بس

    الدراسة وش فيها بالعكس شيء حلو إن الزوجة تكون مثقفة وواعية ولو لها مصدر

    رزق راح يكون شيء طيب وممكن تعينك ...

    ونصيحة لك لا تأخر الزواج أكثر من كذا32 كبير ..شوف بنت الحلال ولا تصرف

    النظر لمجرد شروط عادية وبديهية ,,,,وتذكر حديث الرسول عليه السلام " يا معشر

    الشباب من استطاع منكم الباءة فليتزوج " وأنت موظف ولا ناقصك شيء !!!!!!!

    والله يوفقك ويرزقك بنت الحلال الصالحة الطيبة ..(( وتذكر أصلح نفسك وبتلقى

    الصالحة الخلوقة .. ولاتنسى الدعاء )) .
  2. @zhr_alsosn_15

    عبير نجــــد
    شفيكم على الرجال اكلتوه وش فيها اذا سكنت مع اهله فى ملحق غرفتين انا ابوى مزوج اخوانى كلهم وساكنين فى نفس البيت .. فله كامله لامى وابوى تحت والدور الثانى والثالث سويتات عباره عن ( غرفتين وصاله وحمام ومطبخ ) والحمدلله مستانسين واغلبهم طلع…
    أنتي قلتي غرفتين ومطبخ وحمام يعني كأنها ساكنة في بيت لوحدها لكن غير لما تكون ساكنة معاهم ومشتركة في المطبخ ووقت الأكل وشغل البيت هذا يعتبر شيء ثاني...
  3. المشكلة من الحريم و الرجال سوا تتشرط بس الرجال يتشرطون أكثر و يخلى امه تدور له علي البنت المطابقة للمواصفات القياسية أبيها بيضاء طويلة شعرها طويل حلوة و أبيها صغيرة (صغير السن طيشاني) عشان أربيها وش صار الصغيرة هي اللي راح تتحكم فيك و تخليك ما تسوى ريال واحد و ماراح تتفهم اي مشكلة و راسها فاضي و طبعا العمر محدد أظن من الأدراة الرجالية من 18 الي 22 و مايزيد ومن لا تتوفر فيها الشروط تنقع في المستنقع ليه ما تاخذون يالرجال حرمة من قدكم في العمر يعني 30 و 32 ما يفرق كلة عمر ولا عشان العيال اعرف ناس يقولون نخطب صغيرة عشان تخلف عيال كثيرة و ناس لما تزوجت بنتهم و جابت بعدها بسنة بنت قامت أخت الزوج تقول لها عجلي في العيال جيبي كل سنه تعايرهها بأنها كبيرة و ماراح يبقي قدامك وقت و نعرف وحدة ما خلت بيت ما دخلت فية تدور لولدها عروس و تقول صغير و أبي له صغيرة و في الأخير طلع عمره 34 وش صغير فية ماشاء الله رجال وش كبرة و لما دخلت راحت مع بناتها يعني أشوف بنتكم و تشوفون بناتي أثنين في واحد صار شامبو برت بلس هاذي الحرمة قاهرتني و نعرفها ما خلت بيت و أخرتها الحمدللة علي النعمة تشوف القرد بعيونها غزال و الرجال بعد ممكن يتزوج وحدة و يقول أبي عيال أنت كبيرة أبي أكثر من 5 أطفال و يدور له علي حرمه غيرها و نعرف واحد تزوج أم 15 عشان يربيها قامت تمردت و قامت تلبس لبس غير محتشم في العزومات و ربت أهل البيت و الزوج تربية يعني اخذها يربيها علي كيفة ربة الرجال من جديد و خلت الرجال لعبة في أيديها الصغيرة ما تنفع ليش ما تصير العقول مثل باقي الدول تتزوج الحرمة و الرجال و تكون اعمارهم قريبة او نفس العمر
    وو الخطابات تقول عندي الرجال مليانه و لما تجيها ام تسجل بتها أول ما تسأل العمر عمرها كذا لا و الله الرجال يبون الصغير و الكبيرة مالها إلا متزوج او معدد أو مطلق و وراه درزن عيال ليش ينهضم حق كل من هي في الثلاثين سواء اولها و أخرها يعني وش ذبهم لو كان عليهم كان صاروا صغارو الخطابات بعضهم كذابات عندها بس تبي الفكة من المطلق و هي اللي تسوى فرز هذا يصلح مع هذا ليه بكيفيك ترضينها لبناتك أحد يجي و يحدد مصيرهم بدون ما يشاورك و بدون ما تاخذين رايها و رأيه
    و بالنسبة للبيت الكل يشرط بيت مستقل و هذا فية فايدة لكم يالرجال عشان ما تصير مشاكل الأم من جهة و الزوجة من جهة ثانية و الاخوات من كل جهة و ش راح تستفيدون مين المتضرر تصيرون مزعوجين و يطيح الفاس بالرأس و تهربون من البيت
    و المهر المتعارف 5
    0 ألف و إذا قل 40 ألف
    و اللي يقول ما اخطب الا الصغيرة و وما أخطب اللي فوقها عشان عمرها مع ان الفرق أحيانا 5 او 4
    و إلا انا ودي بالوسطية و هو اكبر منهم كلهم
    سؤال
    ليش الصغيرة بالذات و ش فيها زود كل الرجال يطلبونها من 18 الي 22 و مايزيد ؟
  4. وانت هالحين ليه ماتروح تخطب لاتيأس

    لاتجلس تحسر على عمرك

    ترا عمرك كبير كبرررررت يعني <<تحطيم

    وبنات الحلال واجد ماتوقع كل الي حولك كذا تفكيرهم

    بس اهم شي اهم شي

    انك انت تشوف البنت موو تروح اختك ولا امك تقول والله مي بزينه انت الي شف البنت

    وبالتووووووفيق
  5. @lysh_ana_ktha

    صاحبة الموضوع
    شذا الجنان
    أنا أتفق معك على إنه المفروض يكون مقياس الزواج لدى الجنسين هو ((الدين والأخلاق)) كما ورد في نص أحاديث كثيرة عن الرسول عليه السلام ( فاظفر بذات الدين تربت يداك ) ( من جاءكم من ترضوا دينه وخلقه زوجوه إلا تفعلوا تكن فتنة في الأرض وفساد كب…
    الله يجزاك خير على نصايحك

    ومشكوره على دعائك

تابعي تجارب أخرى من هذا القسم.