السلام عليكم جميعا
والله مب عارفه كيف ابدا مشكلتي لاني مستحيه وماعندي حد اساله كيف اتخلص من عقدتي :44:
بقولكم مشكلتي واتمنى حد يساعدني كيف اتصرف او اتخطاها لانه العمر يركض
مشكلتي هي :
انا اتقدم لي اكثر عن شخص بس كل مره اطلع فيه عيب وارفض الين شارفت على الثلاثين
خواتي انا جميله ولله الحمد بس عندي مشكله في جسمي (عندي تشوه في ساقي ماياثر على المشي بس شكل رجلي غلط يعني غريب شوي ) من كنت صغيره .
وفي البيت دايما يعلقون علي من كنت صغيره والين الحين وهم يعلقون ويطنزون علي وها الشي كبر معاي وصار معاي عقده .
في قناعة نفسي اقول هذا الشي من الله والحمدالله ومافي شي كامل بس اهلي مب مخليني في حالي دايما يعلقون ويظحكون علي :44:
وانا اخاف ارتبط في شخص يشوف رجلي عقب العرس ويعلق وانا طبعي حساااااااااسه جدا مابقدر اتحمل الموقف
احس باحراج ..........
بنات الله يخليكم ساعدوني كيف اتصرف مع العلم حاليا في اثنين متقدمين لي وانا مارديت على اي واحد فيهم .
شاركي في النقاش
سجلي الدخول لإضافة تعليق.
التعليقات
65- عزيزتي انصحك اذا جاك انسان يخاف الله ترضي في دينه واخلاقه ما ترديه
واذا يوم الشوفه جا علميه واتوكلي على الله
اذا مرت السنين وكبرت وما عاد بقى لك احد ولا صار عندك عيال رح تندمين انك على الاقل ما حاولت تعلمي العرسان بالمشكل يمكن احد يرضى فيه
واذا ما صار نصيب على الاقل تقولي انا ربي عطاني هالعيب وانا حاولت وما قبلني احد يعني هذا حكم الله ورضيت فيه
اما تمضي السنين بدون ما تحاولي رح تندمي على ذا الشي
الله يوفقك بابن الحلال الي يسعدك ويكرمك ويعزك وكثير عندهم مشاكل اكبر بكثييييييييييير من الي عندك وماشاء الله تبارك الله تزوجوا وما عليهم خلاف وعندهم عيال ومبسوطين الله يتمم عليهم وعليك بخير - اذا جالك احد تشوفيه مناسب
كلميه عن العيب الي فيك من باب الامانه وختى مايقولك بعدين غشيتينا او ليه ماقلتيلي او شئ من هذا القبيل
واهم شي يكون الرجل صالح الاخلاق والدين لانه مافي بشر كامل اما اذا جلستي تطلعي عيوب كلنا فينا عيوب
واحلى شعور للبنت لما تنستر بولد الحلال
بالتوفيق - ارجو ياعزيزتي ان تقتنعي بان الله لخلقك ميهملك ووحده ليرزقك بزوج يتفهم مشكلتك حاولي ان تثقي بنفسك اكتر لان ثقت النفس تعطيك قوة والقوة تقدري تقنعي بيها اي عريس يعجبك متكوني ضعيفة اسمعي كلامي ولا تستسلمي لاكلام انتي مو مسوالة عليه ولو تحبي تتواصلي معك لانصحك اكتر انا مستعدة
- انتي ياعمري قمر ........
استخيري .....كثري الدعاء ....تصدقي ....كثري الاستغفار ..
وربي حبيبي بيسهل امرك ..ويرزقك الزوج الصالح ..اللي يقولك في غرقت النوم ...............لبيه .........*_^ - حبيبتي اذا جاك عريس يخاف الله لاترديه
وياما اعرف حريم زي حالتك وبعظهم والله مقعدات
والله رازقهم ازواج وعيال ومبسوطين بحياتهم
مواضيع مشابهة
تابعي تجارب أخرى من هذا القسم.