***( المــــــــــــــلـــــــــف الســــــــابـــع عــــشـــر فقط للسنعااات )***

9 يوليو 2009

سلامي..

أم حمودي.. كل تاخيرة وفيها خيرة..

مع ان وجهه مو وجه تدليع!!!!

جرح.. حاسه فيك..الله يعيننا ويسخر ازواجنا لنا يا رب..

ام دودي.. وسعي صدرك..وبلاش الفيس الحزين..

حلم.. ما ادري وش السالفة لكن يمكن اسلوبك وتوقيتك في العتاب غلط..وخلاه يزعل.. قلت يمكن..

انثى الاسد و عبائر..الله يقويكم..

السديم.. انتبهي لا تصدمين من هالتفحيط..

سأكون..الشاشة تتصلح.. شفتي الرابط اللي حطيته لك؟

شوفي كل جوال وش مميزاته..

لورا..ومدري من بعد.. اخباركم..

_____________
يومياتي..

البارح..قاعدة معكم طفشانة..ويوم اجتمعتو جا زوجي..

رحت اغسل المواعين..ورجعت وقعدت اطقطق على الكمبيوتر..

ودقت علي امي ورديت وبشرتني ان اختي ولدت ولادة طبيعية ولله الحمد..وجابت صديقة لروفي (^_^)

الحمد لله..كنت شايله همها..

واليوم.. كالعادة..تقومنا لولو بسماجتها ..وعصب عليها ابوها..وقال: ترا ان ما ذلفتي صفقتك كف يقطع وجهك..

وانهبلت وراحت تبكي...شوي ورجعت كنها قطوة تحوس!!!

ويوم قمت اعطي الصغيرة خافظ.. لقيت السكر مكبب على الكاونتر..ولحقت عليه قبل النمل..ومسحته..

وفتحت علبة القهوة والهيل اشيك لا تكون كببتهم على بعض كالعادة.. بس الحمد لله.. سلمو هالمرة!!

عطيتها فطورها وشغلت لها براعم..

ودخلت غرفتي الا ريحتها مو زينه ابد!! كانها حمامات عامة!!! تكرمون...

طلعت الصغيرة موسخة وطالع من ظهرها وواصل رقبتها!!!!

وفسختها ومسحتها وجهزت لبسها بالصالة وروشتها وخليتها بالصالة بعد ما لبستها..

ورحت شلت فراشها وملابسها اللي فيه.. ومسحت المرتبة وقلبتها.. الحمد لله اني ما شلت تغليغته..

ثم فرشت فراشها اللي امس غسلته.. ولبست بنتي قبعة ونومتها ..

ونمت.. وقمت وحدة..دخلت الحمام بغسل اصلي لقيت الشيخة مشرفة..

وركبت على القهوة وتقهوينا..ثم سويت الغدا برياني على طريقة غزال..

حلوة..نكهة النعناع طالعة..بس للاسف ما كان عندي كزبرة ولا بهار الكاري..

واللبن ما كثرت.. بس بيالة واظفت نقطة ما زهر ورشة زعفران..وعلى التسبيكة اظفت زنجبيل مطحون..

وتغدينا وغسلت المواعين..سويت لبعلي شاي اخضر مع نعناع..وانا كوب شمر..

وقعدت اظبط ملف للوثائق الرسمية.. واغلفه عشان ما يتشقق مع الكرف...

وقطو..

( المــــــــــــــلـــــــــف الســــــــابـــع عــــشـــر فقط للسنعااات )

التعليقات

ملفّ الهِمَـم (6)🏡✨اهلاً بالصيف☀️🍃."

ملفّ الهِمَـم (4)🏡✨غرفَـة الغسيل🧼🚰..

ملفّ الهِمَـم (3)🏡✨معقّـم و فوطَـة🧽🧻."

ملفّ الهِمَـم (2)🏡✨خزانـة الشتويّـة☃️🧣."

عَودة ملفّ الهِـمَم✨💨🚗..)