السلام عليكم دكتوره...
بنتي عمرها 9 ايام... اول ماانولدت وزنها 2 كيلو و 800 قرام.. وقبل كم يوم وزناها طلع 3 كيلو.. بقولك مشكلتها
مدري هو شي طبيعي او لا... لأني بكريه
بنتي من امس بالليل مدري وش سالفتها فجأه تصحى من نومها وتصيح بقوه كأنها تعبانه من شي
بس لما اشيلها واهز فيها تسكت وتنام ولما ارجعها لسريرها تجلس شوي نايمه و ترجع تسوي
نفس الحركه وعلى هالحال ... حتى وهي نايمه فجأه تجلس تتلوى وتتعبط ووجهها يحمر وتصيح شوي وتسكت
ماندري وش سالفتها هل هي تحس بمغص...او جوع بس المشكله تسوي هالشي حتى لو انها
لسى راضعه... وغير كذا نعطيها مره يانسون ومره موية تمر... يعني اتوقع لو مغص كان ريحها
هالشي... امي تقول شكلها تحس بمغص ... قلت مااتوقع لو كان مغص كان يستمر
صياحها بس لما نشيلها ونهز فيها تسكت ولما نرجعها ترجع تصيح.... حتى وهي بالسرير ونايمه فجأه تتلوى وتتعبط ووجها يحمر
وتصيح... كأنه فيه شي يعورها
مره تعور قلبي لما اشوفه تتعبط ووجها يحمر احسها تعبانه
برضو لها كم يوم ترجع حليبها..... ونتعب معاها لحد ماتكرع وانتم بكرامه
يعني مو بعد كل رضعه تكرع...نحاول معاها بس تصير خلاص نامت مانقدر عليها...
مثلاً قبل شوي بعد مارضعت كرعت... وبعدها بساعه رجعت ثلاث مرات يعني كل الحليب طلع
مااستفادت منه...
هل الحليب ماناسبها او عندها مغص ؟؟؟
بالمستشفى كانوا يعطونها سيميلاك ادفانس ولما طلعت عطيتها من هالحليب تقريباً يومين
بس مدري حسيته مو كويس عليها غازات وسهال وانتم بكرامه... غيرته لها بـ اس 26
الأغلبيه اجمعوا على انه كويس... ممكن الحليب ماناسبها ؟؟
بالنسبه للرضعه اعطيها كل ساعتين او ثلاث
و كميتها 6 مل... واحياناً ماترضعها كامله لازم يبقى شوي
والطبيعي ماقدرت تمسك صدري صرت اشفط لها وارضعها.. باليوم مره وحده
بس هالحاله اللي فيها الحين من يومين بس...
نرحب بأسئلتكن للدكتورة الفاضلــه / نجـــلاء محمــــــــود ...
متابعة النقاش، صفحة 43
