السلام عليكم ورحمة الله
مرحبا حبيباتي عساكم بخير وسعادة يارب
مابي أطول عليكم
الله يسلمكن :arb::27: قاعدين نبني بيتنا الله يسكنا ويمتعنا فيه يارب
وحاليا تقريبا وصلنا لمرحلة البويات والتعتيق وخلافة
وأنا محتارة في الألوان
يعي أخاف أخلي كل غرقة لون يطلع البيت كتلوج ألوان
جا على بالي أحط لون أساسي للبيت كله مبدئيا أفكر في البيج وأدخل لون ثاني مختلف
يعني مجلس النساء مثلا يكون بيج وتفاحي أو أورنجي وغرفة المعيشة أدخل الأحمر ولون ثالث إن أمكن
والصاله بما أنها واجهة البيت أدخل اللون الذهبي وهكذا
ايشرايكم أنتم هل بيطلع حلو كذا وللا راح يخلي البيت كله شكل واحد ومتشابه وجامد وللا إيش الراااي
ياليت اللي بنت بيتها قريب وأنتهت من هالمرحلة تساعدني وتقول وش حطت ألوان
ولايهونون باقي الحبيبات طبعا أنا أتكلم عن الدور الأرضي يعن يفيه صالة ومجلسين رجال ونساء وغرفة معيشة
أما غرف النوم ماعندي مشكلة في الألوان لأنها مستقله في الدور الثاني
بس هاااا هالله هالله بالردود لأني من زماااان ما سألتكم في هالقسم الله يجزاكم كل خير يارب..
شاركي في النقاش
سجلي الدخول لإضافة تعليق.
التعليقات
16- up
up
لعيووووووني
سبحان الله وبحمده سبحان الله العظيم
اللهم صلي وسلم على نبينا محمد وعلى آله وصحبه أجمعين - حلو يكون لون واحد ( الصالة والممرات والمدخل )
لكن ذهبي ... احسه مو حلو كثير
واشوف هالحين يسوون المخملي روووووووووعة احلى من التعتيق - لاتتكلفين بالاصباغ الا اذا كنتي بتحطين اثاث مودرن او بسيط
اختاري واحد من الاثنين حتى يصير فيه انسجام وتناسق..
أنا اكرهـ التكلف بالاصباغ لانه مشكله يبي اثاث معين وتنسيق متعوووب عليه وغير هذا كله ماتضمنين تنحط لك الاصباغ على نفس ماتين ونفس الدرجة والاختيار<<بهذلــــه.. مجربـــه..
الافضل الوان هاديه وتدخلين جدار واحد يكون فيه لون مختلف او دهان بشكل ثاني..
والله يوفقك ودعواتكـ.. - عزيزاتي >>> السنيورة ,, وأشواك هادئة جزاكم الله خير عزيزاتي
وأرائكم محل أهتمامي أكيد
بس ويييين باقي الحبيبات مافيه حتى رفع للموضوع !!! - انا عن قريب باذن الله مرحلة البويه
وناويه احط لون واحد ساده وهو البيج غامق شوي
والسقف فاتح وبدون جبس لاني اكره الجبس وكثر اللخبطه
واكره التعتيق والفلفلت والجنز وكل هالموضات اللي هالحين
واذا تبين بيت انيق .. افتكي من الترقيع بالصبغ وكثرة الالوان
مواضيع مشابهة
تابعي تجارب أخرى من هذا القسم.