شاركي في النقاش

سجلي الدخول لإضافة تعليق.

التعليقات

105
  1. @hoaahaa_khlygy

    اول شيء الغلط على البناات المفرووض الوحدة تحافظ على نفسهـآآآآ
    واكبر غلط انو الاهل ماينتبهوون لبناتهم ويتساهلوووون ومايدرووون عنهم ..
    هم صح غلطوا وارتكبوا ذنب بس برضوا ياخي القتل مو حل بالعكس انت كذا ارتكبت اكبر غلللط ..
    الله يهدي بناأأت وشباب المسلمين ويصلح بالهم ..
  2. @dalaamydh


    أولاً: اللي كاتبين بخط حجمه قد شاشة الحاسب أقولهم "خافوا ربكم ولا تشيرون لفعلة البنات بالعار لأنك ماتدرين هم ارتكبوا عار ولا لأ"<<< الدنيا دواره ..والشماتة ماهي زينة.

    ثانياً: القصة أكيد لها جوانب مانعرفها وسيناريوهات كثيرة ، يعني أنا بقولكم واحد من السيناريوهات اللي قرأتها بالنت (أنه البنت الكبيرة مطلقة وأبوها رجع بنتها لطليقها اللي كان يطقها ليل نهار عشان الأب صاحب الشرف مايبي يصرف على البيبي، وطلعت من الزواج عشان تشوف وسيط ليبحث لها عن زوج مسيار وأخذت أختها عشان ماتصير خلوة) وطبعاً يأسها من الزواج بالطريقة الصحيحة كان نتيجة أن أبوها مارضى يرجعها لطليقها إلا بمهر جديد <<< صاحب شرف بقوووووة.... لحظة خلوني أكمل قبل ماتنشبون بحلقي : أدري طريقتها غلط وغلط بعد أنها وثقت برجل غريب وأنا أصلاً من معارضين زواج المسيار .... بس بالنهاية حللوه بعض شيوخا صح ولا لأ ؟ وطريقتها بالتسلل بهالطريقة تدل على قلة خبرتها بالحياة <<<< ومن وين لها الخبرة وأمها بعيدة عنها (لأن أمها مطلقة وهي أكبر خواتها وخوانها)
    يعني للأخوات اللي يقولون من حق أخوها يقتلها تخيلوا لو أن هذا السيناريو صحيح والبنت وأختها مظلومات ... برضو بتكتبين لنا بخط يفقع عيونا "غسل عاره" !!!!!!!

    ثالثاً : الرسول عليه الصلاة والسلام -أفضل من طلعت عليه الشمس هو وبعده ابو بكر الصديق- ماقتل الغامدية على طول عطاها مهلة سنتين لحد ولادتها وفطام طفلها ... وماورد عن رسولنا أنه لا حقها أو تبعها أو أرسل لها أحد عشان ينفذ الحد .. إلا هي اللي جات بنفسها عند الرسول واعترفت صراحةً بالذنب وترجع له كل مرة عشانها تابت توبة قال عنها الرسول فيما معناه أنها لو وزعت على أهل المدينة لكفتهم (أو كما قال عليه أفضل الصلاة والسلام)

    رابعاً: نجي لماعز اللي ارتكب جريمة الزنا برضو ... تدرون إيش ردة فعل رسولنا لما اعترفله ماعز بارتكابه الزنا ؟؟!! صد عنه الرسول وجاه من شق وجه الثاني واعترفله وصد عنه الرسول وبعدين قاله الرسول استغفر وقام عنه ولحق الرسول واعترفله بعد لحد ماقال الرسول لأصحابه : أبه جنون ؟ <<< شوفوا تصرفات رسول الرحمة ماقاللللك اللي يتشفى بالبنتين وهن بالقبر وهم مايدرون وش قصتهن بعد... والصحابة بعد قاموا يشوفون ماعز إذا كان شارب خمر ولا لأ .... وبالأخير أقام عليه الحد.

    خامساً : اتقوا الله .... اتقوا الله ... اتقوا الله .... البنتين ماانعطوا فرصة للكلام وماندري وش اللي صار.

    سادساً : الهمجي (المراهق أبو عشرين سنة) اللي مسوي فيها غسل عار أسرته انظحك عليه وشوفوا عاد من ضحك عليه المجتمع ولا أبوه أبو شرف .... أنا أشوف أنه فضح الأسرة مو غسل عارها ... والله يعينه على تفكيره .. بس -ومرة ثانية أقول- جزء من همجيته أنا أحطها على ثقافة مجتمعنا الواطية وخزعبلاته زي "القتل يغسل العار" <<< أنا سعودية وقبيلية بقوة بعد أباً عن جد.. عشان ماتطلع لي وحده مسويه فيها ذكية.

    سابعاً: وهذي أوجهها لأبو البنات وأخوهن وكل من على شاكلتهم : إذا أنتم رجال صحيح وتقتلون بهالطريقة اقتلوا اللي غرر ببناتكم وحريمكم ولا مرجلتكم على الضعيفات بس ... وين الشباب والرجال اللي قتلتوا بناتكم عشانهم وجرحوا شرفكم على قولتكم ؟! لو أنتم صار لكم اللي صار لهن ياهالرجال وامسكتوا بوضع مخل (على افتراض أنهن كانن بوضع غير لائق) كان حدها تعهد بالشرطة تفاخرتوا بينكم بمجالسكم واستعرضتوا بعد بفحولتكم .... أنتم حتى بعد الزواج عجزوا حريمكم يردوكم عن الحرام..

    ثامناً: الله سبحانه أرحم من الأم برضيعها ... منهم هذولا ووش يكونون عشان يزهقون نفس مسلمة ووحدت الله ...

    تاسعاً: أنا ماأدري إذا يجوز أترحم على البنتين ولا لأ ... لأنهما ماتتا مقتولتين والقتيل شهيد والشهيد لا يُترحم عليه.
  3. @sweet_feeling

    صاحبة الموضوع
    د.العميده
    أولاً: اللي كاتبين بخط حجمه قد شاشة الحاسب أقولهم "خافوا ربكم ولا تشيرون لفعلة البنات بالعار لأنك ماتدرين هم ارتكبوا عار ولا لأ"<<< الدنيا دواره ..والشماتة ماهي زينة. ثانياً: القصة أكيد لها جوانب مانعرفها وسيناريوهات كثيرة ، يعني أنا بقو…
    كلامك يثلج القلب

    الله ينور لك حياتك ويستر على بنات المسلمين

    ويرحم اموات المسلمين يارب
  4. قصي ميه
    درس وعبره لمن يعتبر
    د.العميدة
    قالت اللي كنت ابغى اقوله ماشاء الله عليها

    انسانة واعية وفاهمة

    والدين ماحلل القتل

    80جلدة وصلى الله وبارك

    هادا لو زنت فقط

    فما بالك لو طلعت مع واحد وما عملت معاه شي

    واذا كانت محصنة الرجم حتى الموت

    والمثل للرجل بس زي ماانا ادري الرجال محلل له كل شي

    مو من قبل الدين لا من قبل العالم المتخلفة

    مااقول غير الله يعينهم على التخلف حتى بعد الاسلام مافي تطور اعوذ بالله
    متمسكين بالعادات الهبلة

    وصراحة

    الاخ قصدي القاتل

    حتى كلمة اخ ماتليق عليه

    اتمنى انه يحكمو عليه باقصى عقوبة

    بس سمعت انه في مادة تنص
    انه الرجل له الحق في غسل عاره
    والحكم عليه 6 اشهر ويطلع
    مو اقولكم مجتمع ذكوري
  5. وَمَنْ يَقْتُلْ مُؤْمِنًا مُتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا

تابعي تجارب أخرى من هذا القسم.