اذا بيتك مو ملك بتزبطيه؟؟؟دعوة للنقاش

انا تكلفت مرررررررررة بالبيت اللاجار اللى ساكنه فية حتى اني سويت الارضية سيراميك وكل يوم اعدل واضبط اهم شي الراحة والنظافة

الله يرزقناااااااا وياك بالبيت الملك؟؟؟؟؟؟؟؟؟؟

شوفي أهلي زبطوا بيتهم, عملوا ديكورات جبس بتاخد العقل و رسم على الجدران و ستاير مخمل غالية كتير.. و هلأ صاحب البيت قرر يهد البيت و يبني مكانه عمارة و طلع حكم بالاخلاء من المحكمة :(
يعني كله راح على الفاضي.. بعدين فرشهم كتير على حسب مساحة البيت و كمان كبير.. يعني طاولة السفرة ل 12 شخص.. كتير كبيرة.. و هلأ متغلبين عم يدوروا على بيت كبير يوسع كل الفرش و ما عم يلاقوا :(

بقى خلي بيتك بسيط قد ما بتقدري.. و استخدمي ألوان حيادية.. يعني حمامك ملون, حطي فيه فرش سكري و لا بيج.. بينفع مع أكتر من لون..
البرادي دائماً إعملي قياسها ستاندرد.. يعني تكون طويلة للأرض و عريضة.. حتى لو طلعت أعرض من الشباك مو مشكلة.. بس هيك لما بتنتقلي فيكي تفكيها و تستخدميها.. لو طويلة بتتقصر و لو عريضة بتتديق.. بس لو كانت قصيرة مالها حل
حتى ممكن من تحت تعمليلها تنية مشان تقدري تطوليها لو احتجتي.. و نفس الشي من الأطراف.. اعمليلها تنيات

خلي دائماً فرشك بسيط و صغير مو دفش.. كان عندي غرفة قعدة بتاخد العقل بس دفشة كتير.. لما انتقلت ما وسعت و اضطريت بيعها بأقل من ربع سعرها
بقى خلي دائماً عفشك نعوم و بيوسع وين ما كان

الدهان مو مشكلة.. هيك هيك لازم تدهني البيت أول ما تنتقلي مشان التعقيم.. ما بتعرفي مين كان ساكن قبلك.. هيك بتعقمي البيت
بس العبي بالألوان.. يعني لا تعملي حركات تعتيق و رسم و مدري شو.. بس العبي بالألوان لأنو الألوان ما بتكلف كتير.. يعني كل جدارين متقابلين نفس اللون و يكونوا الألوان ملابقة للفرش.. بيطلع كتير حلو
مثلاً جدارين بيج و جدارين نبيتي غامق.. بيطلع واو لو فرشك بيج والمخدات و الكلف نبيتي..

و بعدي عن الأشياء يلي ما بتقدري تنقليها معك.. دائماً جيبي شي بينفك و بيتركب و سهل النقل..

و الله يرزقنا جميعاً بالبيت الملك الواسع و يوسع علينا بالدنيا و الآخرة

انا من رايي .. انا اضبط المكان اللي بأعيش فيه .. لأنه ينعكس على نفسيتي ..
وخصوصا إذا كنت بأطول فيه .. يعني مو سنتين وطالعة !!
وأهم شيء يكون محدود التكاليف .. يعني ما أتكلف بجبسات وبويات غالية .. يعني ديكورات غير مكلفة .. وقطع يمكن أخذها بعد تسليم البيت ..