قلبي عورني منها ساعدوني

السلام عليكم ورحمة الله وبركاته

اللي دفعني اني اكتب لكم ابي اعرف هل انا على حق ولألا

ياجماعة الخير مشكلتي مع أهل زوجي الله يهديهم ناس مايحبون احد يجيهم وليزورهم ابداا يتضايقون من الحوسه ومن الشغل . المهم السالفه اني إنا وعيالي نروح لهم بالاسبوع مرره وفيه وحده من خوات زوجي على طول معصبه وتهاوش العيال وماتخليهم يلعبون ابدا إذا شافت احد بالحوش هاوشت وقالت ياويل احد يروح للحوش تحوسون الدنيا وإذا شافت احد بالغرفه قالت ليه انتم جيتوو مالت عليلكم ماعندكم بيت تجلسوون فيه ماغير دائم جاين .
والله العظيم اني اتضايق منه مرره احس أنهم يتضايقون منى إذا جينى والله العظيم اني اعتبرهم مثل خواتي والبيت ا شوفه بيت اهلي . مره من المرات سمعت بنتي الكبيره تصيح ورحت اشوف الاهيه ماسكتها من صدرها وتقول لي بنتي يمه تقول لاعاد تجون عندنا وقلت لها وش فيك يا.. قالت طفشتونى لاعاد تجوون كذاا والله العظيم قلت منت صاحيه تطردينى قالت ايه اطردكم قلت لها إذا صار البيت لك تكلمي إنا ببيت عمي وهو اللي يقرر يطردني ولألا إما انتي مالك ملك فيه المهم كانو خواتها كلهم فيه وامها ولاعلقوو على الموضوع حتى مافيه احد قال أنها قالت شي غلط حسيت انهم كلهم معها ماصدقوو أنها تكلمت المهم إنا رحت للبيت وانا معصبه وزعلانه شك زوجي فيني وسالني وقلت له ولاحرك ساكن على طول قال لي اكيد انك قايله لها شي زعله قايم يدافع على اخته وانا ماعاد تحملت عصبت وقلت ماعاد إنا رايحه لهم لأنه مايبغون احد يجيهم المهم جلست اسبوعين مااروح وجت عزيمه وطلعت اجباري وقابلتهم عادي جداا وسولفت معهم ولاكان صار شي نسيت كل شي المهم البارح كنى عندهم ووقالت بنتي يمه تقول ليش تجوون ليه ماتقعدون ببيتكم خشش .انا قلت لبنتي عادي ياماما عمتك تعصب تحمليها ووولدي قال ياماما حتى الكوره حقتي سطحتها على بيت الجيران وقالت ياويلك تجيب كوره مره ثانيه . انا ماقدرت اتحمل احسن ظغطي ارتفع منها ودقيت على اخت زوجي الثانيه اكبر منها كلمتها وقلت له السالفه وقالت لاياشيخه اهيه والله ماتقدصدهم بعدين انتي ليه تزعلين اهيه تقصد العيال كلهم ماخصت عيالك قلت مشاء الله يعين هذا شي مايزعل عمتهم تقول لهم ليه تجوون قالت تخيلي لو احد يجيك بالاسبوع ثلاث مرات رح تسكتين مره مرتين يمكن لمد ه شهر لاكن لابد تتكلمين قلت يعني احنى عثيناكم قالت لا لاتقولين كلام إنا ماقلتها قلت طيب لوا خت زوجك تقول لعيالك هذا الكلام وش رح تسوين قالت أول شي رح انظر بالامر إذا والله هذولاء الناس دائم عندي مارح ازعل رح اتحمل عادي قلت اجل مع السلامه حتى الحق والله ماقدرت تقوله على اختها إنا تعبت وطفشت مرره وش رايكم مع حق ازعل ولألا ويعلم الله اني معهم قايم انظف واغسل واي شي يسون عيالي اقوم انه به والله العظيم ياعيالي انهم هادين وعاقلين ولايحسوون بس ماادري وش قصتها افيدوني تكفوون وكيف اتعامل معها ومع زوجي اللي يقول اهله كل شي يسونه على حق والله العظيم ماابي مشاكل معهم :44:

51 تعليق 4,460 مشاهدة

شاركي في النقاش

سجلي الدخول لإضافة تعليق.

التعليقات

47
  1. @ghla_tmym

    أنا رأيي تروحين لهم مرة بالشهر عصرية وخذي قهوتك وحاجاتك معك قهويهم وارجعي بيتك..
    بعدين عندي استفسار إذا ماعندك مانع...كم عمر أخت زوجك اللي تهاوش عيالك؟!!!
  2. صاحبة الموضوع
    غلا تميم
    أنا رأيي تروحين لهم مرة بالشهر عصرية وخذي قهوتك وحاجاتك معك قهويهم وارجعي بيتك.. بعدين عندي استفسار إذا ماعندك مانع...كم عمر أخت زوجك اللي تهاوش عيالك؟!!!
    ابد يالغلا ماعندي مانع عمرها 24 يعني كبيره وعاقله مو صغيره وماتفهم اللي بعد قاهرني اكثر االثانيه تقول المفروض انك ماتزعلين وزوجي بعد يرفع الظغط يقول المفروض انك ماتكلمتي ابداا ماله داعي
  3. @danya_aldloaah

    سبحان الله الناس تغيروا(وانا منهم)
    ماعاد احد يتحمل احد
    انا محد يجيني لكن اولادي الله يحفظهم يزعجوني
    وافرح لاراحو (التحفيظ )هذا وهم قلبي وعيوني اللي اشوف بها
    خلاص ياقلبي هم لمحو مافهمتي صرحوا مافهمتي صدقيني ماقالوا كره فيك او في اولادك
    لا خلاص ظغوط الحياة والجلوس على النت صاروا الناس يحبوا الوحده
    فأنا اشوف مره وحده كل 3اشهر زين
    او اقتصري على العزايم والمناسبات الضروريه فقط
    لا تقولين صلة رحم صلة الرحم تكفي لو كل سنه لو سؤال بالتليفون لو هديه ترسليها تكفي
    ونصيحه لاتشيلي بقلبك اعذريهم

تابعي تجارب أخرى من هذا القسم.