شاركي في النقاش

سجلي الدخول لإضافة تعليق.

التعليقات

200
  1. @mgrd_mlkh

    وش شعورك وانتي طايررررررررة ع المدرسة وشوي متأخرررررررة

    وعندك مناوبة


    وطايرررررة بضمير ع الطابور تسكتين البناااات

    والطالبات والبشرررررررية يناظرون فيك ويتبسمووون

    وش السالفة يابنت اسكتي وش عندكم على عالصبح

    الا ومعلمة زميلتك جاييييييية وتقولك في اذنك

    بطنك طالع ماسكرتي ازرتك حقت البلووووووووزة

    فشيييييييييييييلة

    بعذر الطالبات يضحكوووووون
    <<<<<<<<<<<<<<<<<<<<


    في موقف صار لي انا وزوجي بصراحة يضحك

    يقول المثل (( انت معرس والا مجنون ))

    تزوجت الخميييييييييييييس


    المهم اليوم الثاني طلعنا من الفندق 11ونص الصباااح

    نبي نفطر برا

    المهم فرينا الرياااااااااااض

    ولا محل فاتح


    والشوارع هدوء

    المهم شغل زوجي اف ام الا قرآآآآآآآآن ونقلب الإذاعات كلها قراااان

    قلت وش في الدنيا


    قال زوجي اكيد أحد ميت من رؤساء الدوووول


    قلت الله يرحمه بس مو معقولة الرياض هاجدة

    وضاااااااق صدري

    ويروح زوجي يدق على اخووووووووه

    يقول الإذاعات كلها قرااااااان

    من اللي ميييييييييييت


    قال الله يشفيييييييييييييييييييييييييييييك



    اليوم





    جمعة يامعرررررررررررررس



    ومتنا ضحك


    بصراحة قمة الدلاخة
  2. @shkhsyh_gthabh

    صاحبة الموضوع
    يوووووه تكفون كملوا لاااااا توقفون مواقفكم المحبطه تححححححفه ههههههاي
    طيب وش شعورك لا ضاع لك لبس او ورقه مهمه ولا راحت حزت اهميتها لقيتيها بوجهك000
    وش شعورك لا رحتي لزواج اوعزيمه مهمه وسلمتي على كل الحضور وفاكه الكشره عالآخر وبعد شوي فتحتي مرايتك الصغيره بتتعدلين ولقيتي روجك داسم اسنانك دسم 000
    وش شعورك لااحلوت الجلسه مع اهلك واقاربك وجاء زوجك اوابوك او اخوك وقال يالله اطلعوا بسرعه وراي دوام وفيني نوم000 ويمكن حتى العشاء ماقلطوه00
    وش شعورك لا اشتهيتي تطلبين وبنص الليل تدقدقين بسرعه عالمطاعم00ويقلون لك خلاص ماما سكر مافيه توصيل000تروحين تبين تدهنين لك خبز بجبن وتفتحين الثلاجه تلقين الجبن خالص00ساعتها تنامين وبطنك يقرقر00يالله الخف رحمه0
    وش شعورك لاسهرتي زي حالتنا الحين ونمتي بعد الفجر ويوم احلوت النومه بالقايله دق عليك المحروس من الدوام يقول لااجي الا والغداء خالص000ههههه سادتنا حنا وهالسهور000
    وش شعورك لاجاء طفل مجرم وقطع شوشه بزرك اوعضه اومخشه بشكل مدمي000وتناظرين فجأه امه تحترين رده فعلها وش تسوي بولدها000وتصعقين فيها تقول شاطر حبيبي عيب ترى كذا خطأ وبس يعني فقط لاغير0000
    وهي لوبس ولدك طق ولدها انجنت او بس قلتيلها ولدك شقي علطول برطمت وجتها الصيحه000
    بنات تعبت 000احتريكم بمواقفكم00ترى بنغث لوما تكملون وبصيربموقف اكون فيه بقمه الاحباط ويمكن اصيح اهيء اهيء
    ناطرتكم لا تتأخرون00
  3. @tkronyh_shkraaa

    وش شعورك لادقت عليك ام الجيران تقول تجينا
    وتقومين وتلبسين وتتزينين انتي وبنتك بتروحين بعد المغرب ويروح زوجك يصلي ويقابل ابو الجيران ويكتشف ان هم الي بيجونك
  4. @tkronyh_shkraaa

    وش شعورك لابغيتي تكشخين عند ضيوفك بتقدميلهم كبتشينو
    يوم قدمتيه محد شرب يقولون طعم غريب صرتي حاطه مسمار(قرنفل)بدل النسكافيه لان الشغاله حاطته بنفس العلبه

تابعي تجارب أخرى من هذا القسم.