تجمع للمصابات بمرض الذئبه الحمراء

رافيلو....وش فايدة الكبسولات يالغلا....ووقت نشاط المرض تحسين بحكه في جسمك والا لا...واذا جتك تقرحات في الفم وعلى الشفايف ايش تستخدمين لها...

انا فيني الذئبه من 9 سنوات
جابت لي طفح جلدي _ صداع _ تقيحات بالفم
التهاب بالاذن_ جلطات بالساق والفخذ _حراره _
ضعف بالشهيه_ الم بالمفاصل _التهاب في الغشاء المناعي الكلوي_
الذاكره راحت فيها""

الان عمري 27 سنه """

عالجت في مدينة الملك فهد الطبيه "" عند الدكتور صالح المطيويع""
العلاجات""
كرتازون_سلسبت_بلاكينول _ اسبرين_ سبرام_كالسيوم_ فاتمين دال_

""""""""""""""""

والحمدلله ان شاء الله اني في تحسن

""""""""""""""

بداية ياأخواتي جاني تعب غريب عجيب ماكنت اقدر اوصفه ولا اشكي منه والشكوى لغير الله مذله اصلا ماكنت ادري وش فيني قلت يمكن مس اوعين او شيطان او من هالقبيل
خلوني اكلمكم عن نفسي اول كنت بعمر 25 سنة جميلة بشهادة الكل من فضل ربي ومتميزه عن غيري بفضل من ربي وحده حياتي مع زوجي كانت حياة كل زوجه تحلم فيها ياربي لك الحمد زوج واولاد ووضيفه محترمه بس كان ناقصني شي مهمممممممممممم جدا :44: ماكنت احصن نفسي وهذي كانت بداية معاناتي
انعزمت على زواج زميلة لي ورحت طبعا متكشخه (كنت معروفه بكشختي وماالبس الا المميز ) باربي لو ترد ايامي حتى زواجات مااحضر
المهم ياعزيزاتي جاني بلا بالقصر دقيت على زوجي قلت تعال خذني ومن ركبت معه حسيت راسي بينفجر الم فضيع اخذت مسكنات مانفع ومن يومها والم الصداع مافارقني صار شقيقه لمدة ثلاث شهور وانا بعذاب مايعلمه الا الله صداع وألام متفرقه من جسمي احس بقشعريرة تجي من رجليني وتطلع لراسي اكتئااااب فضيع ضيق علي عيشتي كرهت بيتي وزوجي وعيالي ماعاد اطيقهم كل يوم رايحه جايه من شيخ لمستشفى لعياده لمركز قريب
شعري تساقط طلع بفروة راسي حبوب حمرا كثيييره وللحين مااحد عارف اش فيني وبالاخير ماعاد عندي طاقه اسوي اي شي حتى صلاتي يالله وبالله وانا قاعده احس مافيني قوة ولا طاقه يالله بس اقدر اتنفس ومقفله على نفسي عند اهلي عيالي وزوجي يروحون ويجون علي

بنات يتبع تعبت

تابع

الله يسامحني يابنات دخلت دوامة المشعوذين والدجله وكل اهلي ربي يسامحنا جميع بس مايدرون وش يسوون وهم يشوفوني اموت قدامهم



ومرة بيوم دق على زوجي الدكتور الي اعالج عنده وقال لازم تجي بصراحه توقعت الشي الشين وطول ماحنا بالطريق واحنا نقول الله يستر طبعا الدكتور استشاري امراض مخ واعصاب لاني كنت اتعالج من الصداع المزمن الي مالقى له سبب ولما وصلنا للدكتور قال انه طلعت نتائج تحليل الدم وانه عندي نقص شديييييد بالصفائح الدمويه ومعرضه للنزيف ولازم ا تنوم كل هذا والذئبه الحمراء مااحد شخصها قال زوجي اوكي لازم اقلها تشوف وش فيك وانا كنت رافضه خايفه من شي مجهول ماادري
المهم قال الدكتور انتظرو شوي عشان يعرضني على استشاري ثاني وفعلا قالي اجلسي انتظار هنا لما يخلص الدكتور من مرضاه يشوفك ويقرر طبعا حولن يعلى استشاري رماتيزم وعظام ربي يوفقه وييسر له اموره وهو الدكتور صالح المطيويع وفعلا دخلت عنده اول ماشافني قال اكشفي وجهك وشاف الحساسيه بوجهي الي كانه صبغه على خدودي وطبعا هذا من علامات الذئبه ويسمونه جناح الفراشه على طول قال بسوي لك تحاليل اتاكد بس الغالب 90 % عندك مرض الذئبه الحمراء
ومن يومها بدت معاناتي مع الذئبه وكيف تعايشت معها



يتبع