طيب الحين انتي يافلانه بتسافرين ....وبتخلين عيالك ...اوكي
هالعيال بس ياكلون ويشربون ....ولا يبي لهم شي ثاني ؟؟؟
اكيد طبعا .؟؟؟ يبي لهم ملاحق ومراقبه عشان ماحد يفقع عين الثاني
وعشان ماحد يطيح ويتعور .....وعشان ماحد يطلع بالشارع ...ولا يطيح بالمسبح :42:
ما اختلفنا ...اسبوع او اسبوعين بالسنه
ولما بتروحين مشوار بتخلينهم
ولما بتروحين زواج بتخلينهم
ولما بتروحين لصاحباتك بتخلينهم
ولما بتسوين ليله حمرا بتخلينهم
وعمرة رمضان ...فوق البيعه :22:
وعلى ذا الحال ......
وعندك اخت ثانيه ...وبرضه بتحط عيالها :icon28:
وكم مشوار على كم طلعه على كم زواج
....لااااا ولو عندكم اخت ثالثه متزوجه ....ياسلااام كملت ...وكله على راس الام
ياقلبي ...طيب هالام ما يحق لها ترتاح عقب سنين الشقاء وتنام مرتاحه لو كم يوم ؟؟؟؟
ولا لازم تشقى فينا ...وتزوجنا عشان تشقى بعيالنا
لا واللي يبط الكبد لما تصير الدعوه مجاكر ....
اختي سافرت وحطت عيالها ....انا بعد بسوي مثلها
ليه طيب ؟؟؟
يعني عشان امي طيبه وساكته وماتقول لا ....اقوم استغلها
لازم يعني تتكلم وتقول لا
وهمن عقبها تصير الزعله الكبيره ....ونتضايق لانها ماقدرت تاخذ عيالنا
لا والادهى والامر ....الرجال
يجيك الواحد متحمس ....ويالله حطي العيال عند امك .....ولا امي
وكن الدعوه لعب ....مو مسئوليه ولا اهتمام ...
يعني بدال ما نعين امهاتنا ونريحهم
نعين ونعاون عليهم ....وكل واحد هل من مزيد
اعرف ناس ...حتى ما يطقون الباب .....ما تدرين الا الباب مفتوح والبزران مدرعمين
لا وعقب اسبوع الاخوات الثانيات .....غارو وسوو نفس الحركه
والام والخوات الصغار يرحمون البزران وما يقدرون طبعا يرجعونهم لان اهاليهم يكونون بالطياره
شفتو لحد وين وصل المجاكر :(
نصيحه .....اللي تسوي هالحركه ....تفكر الف مره وتقيس كل شي قبل تسويها
الحل بنظري ....كل وحده تتفق مع خواتها اللي متزوجات مثلها ......تمسك اولاد اختها ...وبالمقابل الاخت الثانيه تمسك عيالها وهكذا
وتراني ماكتبت كل شي :22:
ترك اطفالنا عند اهلنا(موضوع نقاش)
متابعة النقاش، صفحة 4