صابونة كركم رووعة وأيورفيدية

طبعا مرة استعملت صابونة بياري الكركم و جف وجهي تماما
و بشكل فظيع .. وريحتــه قوية ..

المهم كنت عند هندية في الصالون مالت تنظيف البشرة
فسألتها عن الصابونة .. ردت علي انه صابونة بياري فيها
مواد صناعية و عطور تسبب الحساسية .. وما صدقتها لما قالت
لي إنه فيها عطر بو مظلة اللي علبته سودة عليه مظلة ذهبية << مال أول
عشان جذا ريحته مركزة و يجفف البشرة ..

لكن صابونة شاندريكا قالت انها طبية و مطهرة وممتازة ..

و أخيرا خبرتني عن صابونة كركم و أعشاب طبيعية
اسمها ( تشاكولاس ) و سعرها أقل من درهمين
ومحتوياتها : كركم (للتطهيرو التبييض ) _ نيم _ ألوفيرا (تنقية البشرة)
وعســل _ و ثمار أملا ( اللي يسوون منها الزيت للترطيب )
و حنــا _ و أكاسيا ( صمغ عربي ) _ و روزماري
و زيوت و عطور نباتية .. ( ريحته نفس المطحنة اللي ورا بيتنا )

و هذي صورته .. ومن يوم خذته وأنا كل شوي أفكر في السباحة
مع إني ما أحب أسبح إلا بالغصب ..



نصيحة : جربي الصابونة إذا ما ناسبت بشرتج .. وتحسست منها اتركيها ..

لبنات الامارات الصابونة موجودة في السوبرماركتات الكبيرة وانا خذتها من

سوبرماركت اللولو ، عنده كل الصابونات اللي ذكرتهن و أسعارهن
بين الدرهم و الدرهمين .. بسسسس


و سلامتكم .. و تمنياتي للجميع بالبياض ..و الصفاء

10 تعليق 2,052 مشاهدة

شاركي في النقاش

سجلي الدخول لإضافة تعليق.

التعليقات

10
  1. @hobaty

    صاحبة الموضوع
    يــزاكم الله خير .. و ينولـــكم اللي في بالكم ..

    يكفي كلماتكم الحلوة ..

    زويا .. انتي من وين ؟؟

تابعي تجارب أخرى من هذا القسم.