الملف الخاص بأسئلة و مواضيع أحلى بنات فى مصر ( الجزء الثانى)

بلوند دوف ودادو وهدهودة وسمسمة وام اييها ومخلصة شكرا يا احلي بنات وكل ابنات اللي زي العسل اللي معلش مش ملاحقة احفظ اساميهم كلهم


ازيكم جميعا واخباركم ايه والله وحشني جدا

وانتم نعمة الاخوات فعلا بتهوني علي غربتي جدا وباحس اني معاكم في مصر
ربنا يبارك فيكم ان شاء الله ويرزقك الخير كله

حمدالله علي السلامة يامصراوية يارب تكون الاحوال اتحسنت وربنا فرجها يارب

انا للاسف اعاني في بعض الاماكن عندي من الخطوط البيضاء دي يابلوند
ودي بتيجي من ان الواحدة بتتخن وبعدين تنزل تاني شوية تزيد وشوية تقل....مشكلة محيراني لاني عارفة ان ملهاش حل
وخل التفاح نتيجته ضعيفه علي حسب اللي سمعته..بس نفسي استعمله واشوف يمكن يخفيها شوية...بس المشكلة في الكسل
كل يوم اقول قبل مانام هحط زيت خروع علي رموشي وزيوت في شعري...وييجي الليل واقول خليها بكرة انا مستعجلة علي ايه

هدهدة حبيبتي معلش ربنا معاك والف مبرووووك علي العفش تتهنوا بيه في بيتكوا يارب

بسم الله الرحمن الرحيم

ازيكم يا احلى بنات :27:

mokhlesa ,blond dove ,hodhoda,omahmed
كلكم زوق يا بنات وانتم بجد الى منورين
semsema(سماح) ميرسى على ردك يا جميل وربنا يفرج كربك ان شاء الله :)

السلام عليكم يا جماعة:

وحشتونى ووحشنى كلامكو واللة

نمنمى1:_

اهلا بيكى معانا وماشاء اللة ام ابيها كفت ووفت وانا عن نفسى معظم جهازى اشتريتة من حمام الثلاثاء ال ف العتبة لانوة سوق كبير للادوات المطبخ وطبعا فصلى على قد ما تقدرى

بالنسبة لمحلات تويز ار اص موجودة عندنا فى اركاديا مول فى الدور الارضى

بالنسبة لو عايزة تعرفىا ماكن سياحية فى مصر ومطاعم فى الجزء الاول كنت عاملة ملف صغير جمعت فى الحاجات ال عرفتها ال جانب كلام ام ابيها كمان اللينك اهوة


http://forum.hawaaworld.com/showthread.php?t=252271&page=9&pp=15

فرط الرومان:
شكرا ربنا يكرمك يارب

زينب سلامة:_

اهلا بيكى معانا بس للاسف معرفش اى حاجة عن الجهاز ال بتسالى علية ان شاء اللة حد يفيدك

hansocgen:_

انا شفت اللينك بتاعك وانا مش شبرا ممكن تقوليلى انتى فين بالزبط او محلك فين علشان اجى اشترى بنفسى يا قمر؟ والحاجات دى مضمونة يعنى طبيعية متجربة؟

pelican:_

اهلا بيكى واحنا عرفنا نفسنا كتير قبل كدة بس نعيد تانى انا مروة 26 سنة مرشدة سياحية متزوجة عندى بنوتة اسمها رودينا
وحاولى تخلصى الجزء الاول حتسفادى منة كتير

om ahmed:_

شكرا ليكى وانتى ازيك عاملة اية؟ طمننينا

hadhoda

عرفتى تروحى المحل ولا اوصفهولك اكتر؟ واخبارك اية

blond dove

ازيك وحشينى خالص

dado:_

بتغيبى كتير وبتوحشينا برضة

mokhlesa:_

انتى كمان وحشتينى اوووووووى

semsema-miro:_

ربنا يفك كربك يارب ويعدى محنتك على خير امين يارب

ومعنديش حاجة اقهولهاك غير دعاء فك الكرب عن الرسول صلى اللة علية وسلم

((لا الة الا اللة العظيم الحليم,لا الة الا اللة رب العرش العظيم,لا الة الا اللة رب السموات والارض ورب العرش الكريم)))

وان شاء انا بجمع حاليا موضوع عن الصلوات المختلفة للدعاء او قضاء حاجة او فك الكرب

لانى وقع تحت ايدى كتاب ما شاء اللة على معلوماتة الدينة ال حبيت افيدكوة بيها قريب ان شاء اللة