موضوع شاغل بالي .. أبي رايكم فيه !

السلام عليكم ورحمة الله وبركاته

الصيف قرب وكثير منا بيزور ديرته
وأغلبكم يفكر في موضوع الصيانه :D << متابعه الموضوع :D

بس أنا اللي شاغل بالي شي ثاني :angry:
أنا صارلي 3 سنين في أمريكا ولظروف ما قدرنا نزور الوطن

وخلال هال 3 سنين كان بيني وبين أمي وخواتي اتصالات
وكل أخبارهم كانت مشاكل في مشاكل
بيت خالي مقاطعين العايله والله لما عرفت السبب ماأدري اصيح ولا اضحك على تفاهته
وبنت خالتي تزوجت ومن تزوجت وهي صايره نفسها في خشمها !!
فلانه تزوجت ولد فلان والناس مستغربين اشلون ولد فلان رضى فيها !!!!!!!!!!

ولد خالي تزوج وزوجته في عرسهم لابسه ثوب قديم وبعض الناس شايفينه في عرس ثاني وبنات خالي ( خوات المعرس ) زعلانين وهااات ياحش فيها قدام العالم

وغيرها وغيرها ...........

وغير المواضيع اللي اشوفها في المنتديات والقنوات والبرامج اللي طلعت لنا مدري من وين !!!

حتى خواتي احسهم تغيرو وبعضهم كانو ملتزمين حييييل وألحين أتفجأ من طريقة كلامهم وتفكيرهم أحس قل إلتزامهم

مره متخوفه من الزياره حتى قررت أني لما أنزل ما اتكلم أو اسولف مع احد يعني احذر منهم لمده لين اتكيف مع الوضع وأعرف شلون صارو يفكرون

احس أني بطلع من غربه وبروح لغربه :(

5 تعليق 945 مشاهدة

شاركي في النقاش

سجلي الدخول لإضافة تعليق.

التعليقات

4
  1. @fairy_tale_1

    اهلين اختي الغاليه
    شوفي انا لو مكانك كيف اتصرف
    بالعكس افرح لرجعتي للبلد ولشوفه الاهل والاقارب واتصرف بعقلانيه ووعي وتطنيش نوعا ما طبعا هذا بالمور التافهه اما الامور الي فيها جد طبعا فيها حزم لكن عن طريق المسايره والاقناع بسلاسه مو بالعصبيه والعناد ودائما ما تطلع مني غير الكلمه الرايقه ولي فيها ذكر الله يعني راح تقوليلي كيف وضحي اكثر
    راح اقولك مثلا

    ( بيت خالي مقاطعين العايله والله لما عرفت السبب ماأدري اصيح ولا اضحك على تفاهته )
    بهذه معك حق فيها انك تضحكي او تصارخي لتفاهت الامر لكن بس ترجعي البلد حاولي تقريب القلوب بين بعض وحاولي انك ما تتحيزي لواحد بينهم وبينيلهم انهم تخاصموا وقهروا نفسهم على شيء ما يستاهل هذا كله طبعا عن طريق التحنين والتذكير بايام زمان والذكريات الحلوه وكثري من ذكر صله الرحم بالاحاديث وان الدنيا فانيه ما تستاهل الزعل بين الارحام

    (وبنت خالتي تزوجت ومن تزوجت وهي صايره نفسها في خشمها !!
    كوني عاديه جدا اذا جات اهلا وسهلا وبكل ترحيب واذا صايره نفسها بخشمها كمان اهلا وسهلا وكوني عاديه جدا معها وما تبينيلها ابدا انك ملاحظه غرورها مع شويه تطنيش لان المغرور ما يجي الا بهذه الطريقه ساعتها ياتبعد لحالها او تنتبه لحالها

    (فلانه تزوجت ولد فلان والناس مستغربين اشلون ولد فلان رضى فيها !!!!!!!!!!
    كمان عادي اذا نقال الكلام قدامك قوليلهم عادي ليش ملاحظين هذا الشيء يمكن البنت فيها مزايا واخلاق وخوفها من الله وتقربها له زوجها يشوفها اجمل واحلى البنات وبنظره قمر 14 بس كمان خلي كلامك عن طريق المزح والرواق يعني ما يكون كانه استفزاز لهم واعملي انك مو مباليه لهذا الموضوع

    (ولد خالي تزوج وزوجته في عرسهم لابسه ثوب قديم وبعض الناس شايفينه في عرس ثاني وبنات خالي ( خوات المعرس ) زعلانين وهااات ياحش فيها قدام العالم )
    قولي بالمزح مالنا ومالها هي حره يمكن البنت ما قدرت تخلص فستانها يمكن ظرفها ما خلاها تقدر تعمل فستان والبيوت اسرار ايش درانا حالهم وظرفهم او ظرف العريس كيف حتى لبست القديم

    (حتى خواتي احسهم تغيرو وبعضهم كانو ملتزمين حييييل وألحين أتفجأ من طريقة كلامهم وتفكيرهم أحس قل إلتزامهم
    كمان كوني عاديه لان كل الناس هيك تتغير ونحنا المغتربات تلاقينا متمسكين بعداتنا وتقاليدنا وديننا اكثر من غيرنا والحمد الله هذه نعمه من رب العاملي بس طبعا حاولي انك تكوني الاخت النصوح بالطرقه اللينه والي تعرفي انها تدخل راسهم وتقنعهم مو بالزعل والصراخ او المعانده والاخر الي عليكي عملتيه صارت مسؤليتهم لانك قدمتي النصيحه ووضحتيها


    (مره متخوفه من الزياره حتى قررت أني لما أنزل ما اتكلم أو اسولف مع احد يعني احذر منهم لمده لين اتكيف مع الوضع وأعرف شلون صارو يفكرون
    لا باختي ما تحطي ببالك هيك تفكير لا تخافي ولا شيء وكوني مرتاحه البال ما في احلى من شوفه الاهل واكيد لازم تبيني طبيعتك وشخصيتك مو تقعدي ساكته بس بنفس الوقت بوعي وبدون الانجرار ورى كلام فلانه وعلتانه وخلي ذكر الله ديما على لسانك

    راح توصلك كم كلمه عليكي وعلى تصرفاتك اكيد وحتما ههههه بس طنشي تعيشي تنتعيشي ههههههه ( خربتها اخر شيء البنت ) لا منجد طنشي وانبسطي وخذي الامور ببساطه والله اعلم مافي الصدور هو الي شايف

    ان شاء الله اكون فدتك برأي
  2. @hrm_aldktor

    لافض فوك ام تامر

    والله مااقدر ازيد على نصايحها شئ كفت ووفت جزاها الله خير

    بالنسبة لاحساسك بالغربة
    طبيعي جدا انك راح تحسي بهالاحساس لما ترجعي لوطنك لان 3سنوات بعيدة عنهم مو شوية
    بس باول الوقت وبعدين راح يزول هالاحساس وترجعين لحياتك الطبيعية
    لاسيما اذا كانت رجعتك نهائية

    بالتوفيق اختي وترى كلنا تمر علينا هالمشاعر والاحساس بتغيير الناس علينا
  3. صاحبة الموضوع
    home2004
    ألف شكر
    وعلى قولتك الواحد لازم يحرص على نفسه لما يشوف هالتفاهات اللي قاعد تصير
    الله يهدي الجميع
    :26:


    أم تامر
    جزاك الله ألف خير على ردك اللي يشرح الصدر
    وباخذ في كلامك اني اخذ الأمور في بساطه مع حذر
    والتطنييييييييييييييش :D
    :26:



    حرم الدكتور
    زي ماتفضلتي 3 سنين مو شوي
    وأنا صاير في الفتره الاخير وكلما يقرب الموعد اهوجس وأوسوس كثير
    الله يوفق الجميع
    :26:

تابعي تجارب أخرى من هذا القسم.