تجمع جديدلامهات اطفال الشلل الدماغي

شي طبيعي لانه ما تنسيانه الطفل بيكبر و بتكبر معاه كتلة جسمه و العضلات حتبطل تحمله زي ما كانت اول فلازم يظل مواظب على التمارين و ياما شفت اطفال كانوا يمشوا بصغرهم و بطلوا لما كبروا لانه عضلاتهم بطلت قادرة تشيلهم زي اول
حاجه تانيه هاد بيعتمد كتير على حالة الطفل بالمقام الاول مثلا اذا الطفل عنده شد بالاطراف لازم المدوامه بالجلسات لتخفيف الشد لانه التقطاع بيزيد الشد و ساعتها يمكن يحتاج عمليه لتطويل الاوتار فالعلاج هو ليس فقط لتطوير قدرات الطفل بل ايضا لحمايته من مضاعفات اخرى
و لا تنسي انه اطفالنا ما بتحركوا زي الاطفال العاديين و لازم العضلات تمرن بشكل يومي و الا بتضعف و بتزداد حالة الطفل سوءا و الي اشتغلت عليه سنين يمكن يروح بسهوله مع الاهمال و الوضعيه الخاطئه للطفل

فالعلاج الطبيعي ليس فقط لتنطوير قدرات الطفل بل ايضا للمحافظة عليها و المنع من حدوث مضاعفات او تشوهات مستقبليه للطفل

هلا اختي
بنتك واضح عندها تأخر بالنمو الفكري مقارنه بالأطفال الي بعمرها و الدليل تأخرها عن مهاره الحمام الي بتكون متقنه عند سن 3 سنوات بالكثير, الا اذا كان غندها مشكله بالاعصاب اللي تحت مثل القيله السحائيه بس ما اعتقد هادي حاله بنتك
اكتر الأهالي لما يجو للمراكز بكون طلبهم انه بدهم الطفل يمشي و يتكلم و كأنه الكلام مقياس لتطور الطفل مع انه شفت اطفال يستطعون القده على الكلام لكن لا يفهمونه مثل parrot talk " echolalia "
بحيث انهم بقلدوا شو بنحكا قدامهم من دون ايا وعي للكلام
بينما في اطفال اخرين لا يتكلمون بس بيعرفوا يوصلوا شو بدهم بالأشاره و هدول افضل و ظيفيا من النوع الأول
الكلام عمليه معقده مو بسيطة لازم يكون عند الطفل لغة مخزونه قبل ما يعرف يحكي و تخزين الكلمات تحتاج الى قدره معينه من الفهم
تاني جزء من الكلام هو عضلات الفم و المفصل اذا فيهم مشاكل و لا لا و هاد اكتر شغل اخصائي التخاطب
يعني الطفل مرات بيكون عنده لغه مخزونه بس مو عارف يحكي لانه مافي تناسق بين حركات عضلات الفم او صعوبه في حركة المفصل او رخاوة بعضلات الفم ... الخ
في حاله تسمى oral apraxia هون بيكون الطفل عنده لغة مخزونه وتطور عقلي طبيعي و ما عنده مشكله في في عضلات فمه و لكن لا يستطيع الكلام لانه عنده مشكله بالتخطيط الحركي و هاد ما بيبن الا بالتقييم من قبل متخصص
الاطفال الي بستفيدوا من برامج النطق الي بكون عندهم مشكله في عضلات الفم او بكون عندهم بوادر للكلام مثل انه بيحاول يحكي و يعبر عن حاله بس الحروف مو طالعه معه صح او لتصحيح مخارج الحروف و الكلمات مثل الداون سيندروم اغلبهم بيحكوا بس الكلام مو سليم و النطق محتاج لمتابعه
بالنهايه و دائما بنصح الأهالي بتطوير قدرات الطفل الموجوده لانه تباعا رح يكتسب قدرات اعلى منها فاذا كانت بنتك تستخدمن الاشاره طوريها بهاد المجال حتى تتواصل معك خاصة بالحتياجات الاساسيه متل الاكل و الحمام و لاحقا اربطي الكلمات بالأشاره
بالنسبه للحمام لازم يكون عندها برنامج مو ضروري تنبهك هي بالبدايه و اذا ما عندها انا بساعدك و بحكيلك كيف تعمليلها واحد و بعدين اربطي الحمام باشاره معينه حت تتواصل معك بهذه الاشاره

السلام عليكم اخواتي
كيفكم وكيف زينة الحياة يارب يكونوا بالف خير وصحة من رب العالمين
مرحبا الياقوته كيفك حبيبتي وكيف ابنك يارب تشوفي في احسن حال ومن احسن لاحسن يارب ياكريم مبارك عليكي حبيبتي والله يفرحك في وهو حامل الشهادة وعريس اللهم آمين
الياقوته الحمدلله ابني كويس والحمدلله راحت من التشنجات من رب العالمين لاني بصراحه والله اعلم كل ما اعطيه حبة التشنج بقرأ عليها وبسمي بالرحمن بس في شيء بحسه انه البكاء عنده قليل غير اول هاي شي طبيعي بالتسبه لشلل الدماغي او لا
يعني لما يجوع ما ببكي اللهم يارب يا اكرم الاكرمين وارحم الراحمين ترحمهم وتشفيهم وتلبسهم ثوب الصحه والعافية وترزقنا الصبر وقوة الايمان على ما ابتلينا فيه اللهم آمين

اهلا اختي الله يجزاك الخير على ما تقومين فيه
اختي انا عندي ولد عمره 4شهور عنده رخاوة بالعضلات طبعا الرضاعة صعبة كتير عليه ممكن

اعرف كيف اقوي من حركة الرضاعة وفي حركات ممكن اعملها للايدي والارجل تقويها او لازم اجهزة لانه لحد الان ما حولوه للعلاج
الطبيعي بس بلاحظ انه بحرك ايديه ورجوله وكمان دائما راسه مخليه جهة اليمين وانا بحاول انه يكون في كل الاتجاهات صح هالشي او غلط مني ويعطيكي العافية وجعله في ميزان حسناتك اللهم آمين