يزاكم الله خير خواتي .. حمستوني صراحة .. عندي مبلغ لا بأس به ومو حابة يظل مجمد ..
ومن خلال قراأتي لأفكاركم الحلوة .. صرت محتارة بين ثلاث أمور :
1) الأسهم .. بس أنا خوافة ..وبعد أستحرم الأسهم العقارية أخافها تبني فنادق وما يندرى شو فيها .. والأسهم الثانية أخافها تقترض من البنوك أو تتعامل تعاملات ربوية .. عن نفسي أرتاح يوم أسمع عن شركات الراجحي لكنها سعودية .. شو اللي ممكن يضاهيها عندنا في الامارات .. خاصة من ناحية الحلال والحرام ؟؟؟
2)شراء أرض ونسيانها فترة ومن ثم اعادة بيعها .. علم بأن المبلغ المتوفر حالياً لا يتجاوز المئة ألف .. بس ينفع في رأس الخيمة .. على ما أعتقد ؟؟؟
3 ) الشراء بالجملة ثم البيع بالتجزئة .. بس ما قادرة أحدد بالضبط شو اللي بأشتريه .. المهم ما يكون كريمات ولا عطور .. أخافها تسبب حساسة للبنات وبعدين يدعون علي ...
ممكن الجلابيات والشنط .. بس أستحي أبيع مع أن علاقاتي حلوة ومتشعبة !! وأخاف إذا شريت شي يكسد عندي وأخسر ثمنه ويطيح في كبدي .. كيف أصحاب المحلات يصرفون بضايعهم ؟؟ معقولة يبيعونها كلها ؟؟؟ ولا بس يسوون لها تنزيلات ؟؟ بعدي متخوفة .. أخاف أخسرهم على الفاضي ؟؟؟!!!
شجعوني خوات .. وانصحوني أكثر .. ترى صارلي كم يوم فيني حماس زايد لهذا الموضوع ..
وشكراً مقدما ً ....
****مكسب مادي للأخوات الغير عاملات**** موضوع للمشاركه
متابعة النقاش، صفحة 53