الي تحب الزين وعندها اراده بس هيه الي تدخل :)

حياك الله وبياك وادخلني الجنة وإياك (( اختي الغاليه البــــــــــــــــــــــــــــــــــــــــــــــــــــــدر ))

فرحت جدا ان الموضوع سوف يستمر الله يجزاك عني وعن اخواتي في المنتدى كل خير كلماتك رائعه سلمت يمينك .

تــــــــــــــــــــــــــــــــــــــــــــــــــــــــــــــــــــــــــــــــــــــــــــــــااااااااااااااااااااااااااابعي ونحن في انتظارك .

الله يعطيك العافيه
ويرضي عليك ويسلم يدك الله حطت هاذا الموضوع لاعدمناااااااك
تقبلي مني ارق تحيه لهفه الخاطر

الله يجزاك كل خير اختي البدر وينولك كل ما تشتهين في الدنيا والاخره

وكثر الله من امثالك

اختي البدر الله يسعدك اذا تعرفين اي شي يسمن الوجه ويعطيه عرض شوي

لا تتاخرين عليه الله يخليك فيه ناس خطبوني ويمكن يجون اهله يشوفون هل عروس

الاسبوع الجاي او اللي بعده وودي اسمن وجهي شوي قبل يجون وقبل الزواج اذا الله كتب نصيب الحمد لله انا حلوه بس عيب وجهي هو النحف وشوية طول فيه

وودي اطلع خدود واعرضه شوي عشان يوم يشوفني هو اول مرة اطلع اهبل بعينه :27:

والله هل موضوع مسويلي عقده لانه الشي الوحيد اللي ينقص وجهي فلا تتاخرين عليه الله يرضى عليك دنيا واخره

وعقبالك وكل البنات بالازواج الصالحين

ونسيت اقول ادعيلي انتي وكل من تقرأ كلامي هذاانه يطلع زوج صالح واذا غير صالح ان الله يصرفه عني

السلام عليكم ورحمة الله وبركاته

أعذروني خواتي اني ما ارد على كل وحده وكل مره اقول برد ولا ارد :(

أريد اكمل الموضوع وانا قريت ردوووووووودكم الي تفرحني وتشجعني والي تبا تتواصل معايه على الخاص حياها قلبي مفتوح للكل اكمل جزء معاكم وبعدين بقولكم بسالفه ابصراحه جذبتني

بسم الله الرحمن الرحيم

اللهم صلي وسلم على سيدنا محمد صلى الله عليه وسلم



1_ الجســـــــــــم بشكل عام (( اقصد السمنه والنحافه ))
2_بشرة الجسم(( ترهل اسمرار عدم توحد الون بثور ندبات تشقاقات ))
3_ شعر الجسم
4_ شعر الرئس
5_ شعر العين (( الرموش ))
6_ العين
7_ شعر الوجه
8_ بشرة الوجه
9_ حجم الوجه والخدود
10_ الشفايف
11_ الاسنان
12_ الصدر ( صغر كبر ترهل وغيره )
13_نعومة الجسم
14_ الاطراف اليدين والرجلين (( نعومتهن ))
15_ الاظافر
16_ صحة الجسم من الداخل





نحن تكلمنا عن اول نقطه بالتفصيل ومن ضمنها حلول للمشاكل أخرى ومنها النقطه الثانيه الي بحاول قد ما اقدر اكتب كل شي عنه اريدكم في البدايه تعذروني لان بالي جدا مشغول ويالله يالله اكتب بس عشان وعدتكم ولا تنسوني من دعائكم .


2_بشرة الجسم(( ترهل اسمرار عدم توحد الون بثور ندبات تشقاقات ))

بشرة الجسم جدا مهم ولابد انا نعتني فيها عشان نحس بالثقه في انفسنا والرضا التام
وللعلم ما في شي في العالم اسمه مستحيل دائما الانسان يتوكل على الله سبحانه وتعالى والله بيخذ بيده في كل شي

قبل لبدأ باي مشكله في بشرة الجسم بحط الترهل على كرسي الاعتراف ليش !!!!

1_لان هذا الترهل نتيجة السمنه هذا واحد
2_وبعدين لانج ظلمتي جسمج وما كنتي ترطبينه فصار في الجسم تشقاقات ( استرج مارك ) فسببت قطع في الانسجه يريده مجهود جبار عشان يستعيد الجسم مرونتهويشد
3_ ان عدم توحد الون بسبب الترهل ايضا لو تلاحظون في الثنايا يكون شكل الجلد
اغمج من الجسم الطبيعي ومع شد الجسم يزول هذا الون .

بتقولن شو الحل طبعا اذا قلتلكم كريم وغيره وبيكون مفعوله كسحر للاسف بوهمكن
هذا النقطه ماتي الا بعد اتباع رجيم ممتاز عشان تقللن من حجم هذي المشكله
لان النزول السريع في الوزن يسبب ترهل مخيف يصعب شده وللاسف مرات تلجئن للطبيب الي قطعا حله غير مناسب ( الجراحه ) عشان جيه في التاني السلامه ولاتنسن الرجيم الجيد يقلص من هذي المشكله

بتقولن شو الحل بقولكن انتي اول ما تبتدين تمشي بتحركين الدوره الدمويه في الجسم ويسخن الجسم يبدى الجسم يعالج نفسه يا سبحان الله انتي بتكونين تمشين عشان تضعفين وبتستفيدين اشيى كثيره
1_ فقدان الوزن الزايد
2_ مساعدة الجسم من التخلص من السموم ( عشان جيه شربي ماي طول اليوم لتر ونص اذا تمشين اكثر من ساعه .
3_ تساعدين الجسم في بناء نفسه من جديد بانه يقوي العظلات والانسجه
4_ تتخلصين من الاسترج مارك ولو القليل منه ويخلي مفعول الكريمات وغيره اقوى
هذا مش كلامي كلام طبيبه وبتلاحضون ان الاجانب ما يعانون كثر ما نعاني نحن العرب ليش الرياضه يدخل بشكل طبيعي في حياتهم اليوميه عكسنا ما تمشي الوحده الا عشان تضعف وللعلم فقط كل ما كنتي تمشي وكل ما كنتي رياضيه المنطقه التناسليه بتشد وغير هذا بتنظم نفسها مثلها مثل الجسم وبتلاحظون ان الافرازات تكثر في البدايه او متى ما استفاد الجسم من المشي وغير هذا تساعد المنطقه
( المتزوجات ) استعادة مرونتها وتخليها مع الوقت طبيعيه والاهم من هذا تساعد المرئه في حياتها الجنسيه بشكل 100% يعني المشي كنز من كنوز الله انعمها على الانسان وببلاش وتعتبر حل سحري للكثير من الامراض .


1_فاول خطوه للتخلص من الترهل المشي غير هذا لن تتخلصي منه مهما حاولتي للاسف الشديد .

بتلاحضين ان اول ما تبتدن تمشن .....
تغير ملمس البشره والتكتلات الي في الافخاذ والمأخره تبدا تقل بس شي مهم لا تنسونه مشي بدون شرب الكثير من اللماء تكون نتائجه ابطء وغير هذا ناقصه لان معروف عندما نبذل جهد يبدي الجسم بطريقه طبيعيه يطلع السموم عن طريق العرق او البول

2_ لازم تحاولين تلبسين مرتين في الاسبوع مش كل يوم الحذر لان كثرت هالشي
ايب نتائج عكسيه طبعا ( شراء بدله خاصه لخروج العرق من الجسم )
تكون هذي البدله مصنوعه من الجلد الرقيق او النايلون مشهوره ومعروفه خاصه
عند محلات ارياضه ...

3_ هنيه اباكن تركزن في الي بقووووله وهالكلام مش من عندي لا قريناه في الكثير من الكتب والمنتديات ووايد الي جربن وياب الموضوع نتيجه مرضيه هل فكرتي انج تحطين اي شي على جسمج قبل المشي !!!! يمكن تسالني مثل شوه في وايد جربن هالموضوع وشد الجسم ورسملهن الجسم وخفف عندهن التكتلات والبطن والزوااايد
وساعد وخل مفعول المشي اقوى بكثير هيه ثلاث اشي وهيه

أ _ خل التفاح ....

ب_ العسل ....

ج_ القهوه ...

معروف خل التفاح كيف يساعد على اذابة الدهووون وشدها وتصغير المكان الي ينحط عليه بس اذا صدرج صغير لا تقربينه اياه لانه فعلن بعد شهر من المشي ووضعه بتحسين انه يصغغغغغر ويشد


العســـل في وحده من الاهل كانت تشكي من بطن وسط وكانت قبل لا تمشي تخلط عسل مع ماء ساخن اول ما تحس ان ايدها تتحمل الماي تمسحه على بطنها بشكل دائري مع القليل من المساج وتيب ورق النايلون الي نستخدمه للفواكه وتلف على بطنها وهيه شافطتنه للاخر وبعد ما تمشي وتخلص تتسبح بعد شهر راح البطن بس
هيه متبعه المشي مع الرجيم وهذي الطريقه ورياضة البطن ...

القهوه بعد ما اتين من المشي تخلين علبه عندج من القهوه المطحونه او تشترين علبه كبيره وكل ما تسوين قوه تحطينه فيها وعلى الثلاجه لن يتم بقاي وحثل وغيره لا ترمينه مفعوله فتاااااااااك بعد ما اتين تغسلين جسمج بماء داااااافء تيبين من القهوه وفركي الجسم جيدا وخليه 10 دقايق بس واغسليه وغسلي جسمج بصابون او شور جل لشد الجسم نفرض من جرجنز ممتاز مع الوقت بتحسون بالفرق


أنا اقترح عليكم التالي

هاتي مقدار من الخل + مقدار من العسل + القليل من الماء

ووضعه في رشاش وقبل لا تمشين ترجينه زين وترشين على الجسم بالكامل
وتلبسين البدله الي تخليج تعرقين لو تتبعينها مرتين بالاسبوع بس لو تسوينها كل يوم
افضل بس بدون البدله هذي البدله بس مرتين في الاسبوع ....

بتكون النتائج مبهره بعد شهر واحد اذا الترهل وسط واذا كثير بتحسين بالفرق
بس تاكدي ماشي حل يخلصج من اي مشكله خلال شهر مع الاستمرار بتخف المشكله حتى تنتهي ...

4_ طريقة المشي جدا مهم جدا جدا جدا المشي لازم يكون بنشاط وبحركات ثابته
مع تحريك اليدين بستمرار وشفت البطن وشد الجسم للاعلى وتمشين بسرعه متوسطه وتغيرين للسريعه وما تميت تتمايلين والحذر ثم الحذر الكلام والحديث اثاني
المشي حاولي انج تركزين على الزفير والشهيق عندج وتحاولين تتنفسين بشكل
مريح ومع خطواتج يعني لا تلهثين لا استنشقي من الانف واخرجي من الفم وحاولي
تستغفرين وتسبحنين لان مثل ما انتي تسوين للدنيا بالمقابل سوي للاخره والله بيعينج

5_ ويمكن تستغربون من كلامي بس صدقوني حل سحري لمشاكل كبيره وسبحان الله
الي سخر لنا هذا ( ماء زمزم ) اذا تعاني من مشكله جربي بعد صلاة الفجر وبنفس راضيه وانتي متاكده وحاطه يقينج في الله انه بيستجيبلج قولي الي تبينه واشربي وردي ادعي والله بيحققلج الي تبينه والله العظيم مجرب والله وحده كانت منى عينها تشوف رموشها ظليلها حلفت انها تمتتسوي جيه مع استخدام الخروع تقول لين شفت النتائج بعيني الله قادر على كل شي سبحانه .

6_ الكريمات من الشركات العالميه صدقوني في كريمات روعه مبهره ممكن تشترين واحد من الي اقوله وباذن الله تشوفون النتائج بس يابنات في نقطه لازم لازم
تعرفون اذا المشكله كبيره يبالها وقت اطووول ومجهود ومثابره يعني ممكن تستهلكن 5 علب لين تشوفن النتائج وحسب الاجسام طبعا فيه كن كريم انا مقتنعه فيهن وبسم الله مشالله اول مره يصدقوووووووون !!!!!!!!!!!
انا بصراحه ما كنت اصدقهم بس مع الوقت شفت نماذج جدامي وفادها
بس الكريم بدون الي فوووووووووق ما ينفع لازم غذاء سليم وصحي ومشي ورياضه لازم بدون هالاشيء وفري فلوسج لان النتيجه بتكون غير مرضيه لان كل شي يساعد شي وعشان ما تتسرعين يوم بتشترين الكريم لا تستخدمينه على الجسم
كله ويخلص بسرعه جربي منطقة الافخاذ او البطن او الصدر يعني اختاري جزء معين فقط لان الي يصلح لشخص ليس بالضروره يصلح للشخص الثاني

كلارنس انصح فيها وبقوه بعد ومنتوجاتها الخاصه بالشد والجسم والصدر روعه بس بكل امانه الي مجرب منها هذا الكريم وبصراحه يشل التكتلات الي في الافخاذ والمأخره ويشدهن مع المشي تحطينه قبل النوم واول ما تقومين اسمه
CLARINS
total
lift minccur


انتبهن على الكلام لا يعطونكم شي ثاني في اشيء وايد تتشابه



وفي مجموعه ثانيه من جيفنشي صراحه ممتازه ممتازه جدا جدا انصحكم فيها ومش بلاش الفلوس فيها بس اذا المشكله كبيره يبالها وقت طويل بس الي عندها مشكله صغيره بسرعه بتبتدي النتائج اسمها مجموعه نو كومبيكس

وممكن تكتشفن الكريمات المناسبه لجسمكم

يتبع :)