أخبرونا عن تحقيق الحلم
السلام عليكم ورحمة الله وبركاتة
أسعد الله أوقاتكم بكل خير
وأغرقكم الله بنعماً لا تحصى ولا تعد
وبارك الله لكم فيها وجعلكم من الشاكرين لها
<< بسم الله عليها تعرف تتكلم بس عطوها فرصة :biggrin2:
ما أدري يا بنات كيف أبداء بموضوعي ولكني ببداء
<< أحلفي :biggrin2:
راح أتكلم عن هالقسم شوي
برغم انه يريحنا ويفيدنا في أمور كثيرة, ويعلمنا أمور ما كنا نعرفها ولا راح نعرفها لو أحنا مو من رواد هالقسم
وصفات وتجارب ونصائح وخبرات كلها هنا وأكثر
وفيه بنات الله يجزاهم خير ما يبخلون عن أي معلومة ولا فائدة لاخواتهم ويعرفون أنه الاسطر اللي ضيعت شوي من وقتها في كتابتها أما فادات غيرها أو أحيت أمل في غيرها
فكل الشكر والتقدير لكل البنات اللي هنا ..
<< ترى لسى ما بدت :biggrin2:
ولا أنكر أني أتحطم كثير من بعض المواضيع, وتجيني حالة يأس لما اقرى عن التجارب الفاشلة
أو اللي تحكي عن تعبها سنين, وأنها فقدت الأمل,ومافيه حل, والحياة صعبة ...ألخ
صحيح من حقها تشكي وتفضفض ومن حقها علينا نسمعها ونواسيها
بس عني أتأثر كثير وتنكسر فيني أشياء كثيرة...
<< أخيراً بتبداء :biggrin2:
أنا يا بنات راح إن شاء الله اسوي تلقيح مجهري واستخرت وتوكلت على الله
ولما تفكرين بعملية مثل كذا أكيد أنك جربتي كل شي وما أراد الله يكون
ويعتبر التلقيح أخر الحلول تقريباً
لذلك تعتبر ايضا خطوة صعبة ومكلفة نفسيا ومادياً
يمتزج داخلك الأمل والخوف
تتغير نفسيتك وحياتك
يكون شغلك الشاغل هذي العملية كيف ومتى وش بيصير ....
.. لكن يا بنات دخلت هنا وبحثت في كل المواضيع اللي تتعلق بالتلقيح المجهري الطريقة التجارب وكل شي
وكأنهم قتلوا فيني التفاؤل
اغلبهم تجاربهم فاشله, وذكرياتهم سيئة مع هالعمليات
يحكون انها كلفتهم جهد ومال ولا تحقق الحلم
يحكون عن محاولات تعدت المرتين والثلاث والسبع وبرضوه الحلم بقى مجرد حلم
قلت للدكتور يادكتور أقرى في المنتدى ومن الصعب أطيح على وحدة نجحت معاها العملية وأنتا تقول هذي أنجح طريقة
قال لي اللي فشلت معاهم يدخلون ويشكون ويحكون عن معاناتهم, لكن اللي نجحت صدقيني أغلبهم ما يكلفون على أنفسهم ويحكون عن تجربتهم, لأنة خلاص حقق الله مرادهم واستغنوا
ويمكن من النادر يمرون على القسم لأنه ما عاد يفيدهم أو يهمهم
أنا عارفة يابنات أنه الله معانا والأمل بالله كبير كبير
وإن شاء سبحانة للأمر أن يكون سيكون
لكن أيضاً هذي التجارب الناجحة وذكرها راح يريحنا كثير ويقوي عزيمتنا ويرفع من معنوياتنا..
لذلك يا ليت يا بنات اللي كُتب لعمليتها النجاح تذكرها
ومالها منا الا الدعاء لها بالخير
وعاد سامحوني على الأطالة والحكي الواجد وتراني ما بديت توني
<< أمزح :biggrin2: