منو جرب زيت الخروع؟؟؟

مراااااااحب للجميع

شحالكم ان شاءالله بخير

عندي سؤال عن زيت الخروع سمعت انه زين حق الرموش وخاطري اجربه بس خايفه ماعرف متى يحطونه ومده الاستعمال وكيف ينحط ...
بليييز اللي تعرف تنصحني ودي اجرب الطريقه ...

وتسلمون حبيباتي


السموحه من الجميع

اختكم مفنودة بوظبي

3 تعليق 661 مشاهدة

شاركي في النقاش

سجلي الدخول لإضافة تعليق.

التعليقات

3
  1. @guesss

    حطيه بعود اذان على الرمش و جذور الرموش .. انا لاحظت انها طالت و كثفت
    ما ادري .. يمكن اكون متوهمة
    حطيه قبل النوم و اغسليه لما تصحين بس اصحي تفركين عينك عشان ما يدخل بالعين ..
  2. @noth

    انا ماجربته الا على شعرى بس
    الرموش والله ماادرى عنها

    بس دامه يكثر الشعر اكيد بيكثر الرموش
  3. @mrym_alhb

    السلام عليكم ورحمة الله وبركاته

    مرحبا الشيخه

    صراحه هو فعلا يطول الرموش

    اختي قبل لا تتزوج كانت تاخذ الزيت وتصبه في علبة ماسكار فاضيه وتحط منه قبل لا تنام

    تصدقين انا لما اشوفها كل أفكر مركبه رموش

    ويوم دققت شفت رموشها لا هذه صدق طولت

    والله يا اختي اني سويت مثلها

    احط قبل لا انام

    وتدرين نسيت الموضوع بس كم يوم استخدمته ماذكر بالظبط

    الا بعد فتره اشوف كل من شافني يقولي ماشاء الله رموشك طويله


    هههههههههههه

    اخوي ماصدق خبر
    هههههههههه

    قام يحط في شعره
    هههههههههههههههههههههه

    جد والله ترى الخروع له مفعول

    وانا جربته بعد على رجلي حق مسامير الرجل

    خذت مقدار منه مع كلونيا وخلطتهم

    غسلت رجولي ودهنتها بالخلطه ولبست جواربي ونمت ظليت على هذه الحال يمكن 4 او 5 ايام

    والله يااختي لو تشوفين رجولي تقولين مثل الاطفال ردت

    ناعمه وحلوه ومن غير مسامير

    :)

    عاد الحين ماعدت اسوي كسلت

    متروك الى اشعار آخر

    عقبالكم

    انا قلت لكم تجربتي ان شاء الله تستفيدون منها

    موفقين ان شاء الله


    في امان الله

تابعي تجارب أخرى من هذا القسم.