أشياء غريبة في غرف أطفال عضواتنا

شاهدت كم موضوع لبعض العضوات منزلين فيها صور غرف أطفالهن ولاحظت أشياء غريبة في أكثر من موضوع
ومدري وش تفسيرها ..الشي الغريب الأول هو:

الكم الهااااااااااائل من الألعاب المحشورة في غرفة النوم والعجيب أن البعض مابعد جاها غير هالطفل وهو توه ماكمل 3سنين ومع ذلك مابقى سيارة ولا لعبة ماحطتها!!!متى أمداها تجمع هاللألعاب هذي كلها !!الطفل متى بدأ يفهم حتى يمشي حتى تمتلي غرفته بهالكم الهائل من الألعاب!!

الشي الغريب الثاني الكم الهائل بعد من الدمى وخاصة الدببة!!تلقينها حاشرة الرفوف حشر بهالدمى وبغض النظر عن حكمها لكن هل طفلك فعلا يحتاجها!!وهل طفلك فعلا يلعب بها!!المشكلة إننا نجيب أشياء حنا نعتبرها ديكور ونخلي بزاريننا بس يناظرونها وياويلهم لو يلمسونها!!وخاصة أثاث غرفهم(هذا إذا سلمنا فعلا إن الدمى هي ديكور كما يفعلن بعض النساء)


الشي الثالث:خلط الألوان بشكل عجيب الفرشة ملونة والسرير ملون والجدار ملون والسيراميك ملون ووو!!
حاشا لله!!هذي غرفة نوم أهم شي فيها الهدوء والراحة ومن وين تجي الراحة وكل هالقراشيع والألوان الصاخبة ماليه الغرفة
الشي الرابع:كيف يرتبون هذي الغرف!!!!!وإذا انكبت سلة وحدة بس من سلال الألعاب المنترسة وش يضفها!!:09:

الشي الغريب الخامس :إنه كل مانزلت وحدة صور
كل العضوات يدخلن(الحريم يحبن اللقافة)
وكلهن يردن ويقولن:

يجنننننننننننننننننننننننن!!!!
هل هو فعلا يجنن وإلا الحريم يحبن المجاملة!!



ماودي أطول عليكن بس ودي أنبه أن كثرة شراء الألعاب للطفل هو أسلوب غير صحيح في التربية ونتائجة غير طيبة في الغالب فاحذري منه ياأختي الكريمة
وإن غرفة النوم من أسمها غرفة نوم مو غرفة لعرض الألعاب!!

51 تعليق 4,908 مشاهدة

شاركي في النقاش

سجلي الدخول لإضافة تعليق.

التعليقات

47
  1. @hdooaaallyl

    تفسيرها قلة ثقافة ومعرفة في أبسط أمور الديكور وقلة خوف من الله في بعض الناس الله يهدينا وياهم
    تظن أن الكشخة والزين في كثرة التحف والصور والخرابيط في البيت تجي وحدة حاطة كنب مليان شجر والستارة كلها شك وخرابيط ويقولون لها بس ناقصك كم مفرش مطرز على الطاولة والبيت أصلا زحمة ومنظره يجيب الإكتئاب
    من ناحيتي لايمكن أرد على مثل هالبيوت لابزين ولابشين
    الزين أر عليه وأقول زين واللي مايعجبني أتركه لأنها حاطته وبازة به ولو قلتي لها هذا كذا ولا كذاك ردت بنفس شينة وقالت الناس أذواق
    طيب الناس أذواق المفروض تتقبلين كل الأراء لأنك معترفة أن الناس أذواق
    ولا ليش تطلبين رأيهم مادمتي لاتتقبلين النقد والنصائح
  2. @frash_17

    مااتفق معاكي ومع الاخوات اللي ردوا عليكي
    مع انه ماعندي اله ولد واحد ولسه ماسويت له غرفة

    بس بقولك الام مو هي اللي تتشتري الالعاب وتترسها للطفل

    الناس اللي يجيبونها هدايا لو كان صغير جدا ولو كان كبير اكيد اصر وطلبها بنفسوا

    والالعاب اللي تقولينها بالرفوف ومتروسة بالغرفة يااختي لو انا عندي طفلين ومشترية العاب لطفلي الاول وكبر عليها ليش ارميها

    الافضل احتفظ فيها لطفلي الثاني وهكذا لبقية الالعاب اللي ماانعدمت


    وبالنسبة للديكورات مو كل وحده تقدر تسوي مثل اللي تشوفينه بالصور والمجلات من ديكورات للاطفال وغرف تفتح النفس

    اكيد المادية ماسمحتلها او البيت مو ملكها ومستخسرة فيه

    وكل وحده لها ذوقها الخاص بترتيب بيتها

    والديكور والذوق مو مثل بعض حبيبتي الديكور لو اساسات ومساحات وانظمة لازم الشخص مايتعداها وابتكار وتصميم للاثاث والاسقف والجدران والارضيات ولازم توجد وحدة لكل هالاشياء

    والذوق اي ست تقدر ترتب بيتها بنفسها وتنسقوا بدون ماتحتاج لمهندس ديكور



    وبالنسبة للردود في مواضيع الاخوات اللي يعرضوا بيوتهم لا تكسرين بخاطرها ولا تنافقين وتقولين حلو

    لو عجبك اكتبي لها حلو ولو ماعجبك اكتبي بس باسلوب وحاولي تساعديها وتبيني وجهة نظرك بطريقة لطيفة


    ارجوا ماتكوني زعلتي من ردي لك

    وسلامتك

تابعي تجارب أخرى من هذا القسم.