تعب وحالة نفسية ( زيرو )

السلام عليكم ورحمة الله وبركاتة

باقول لكم مشكلتي على طول
دائما تجيني حالات من التعب الشديد و الارهاق , ابكي بدون سبب , حساسة لابعد حد ,,
احيانا يمزح معي زوجي ما اتقبل مزحة ( احس مزحة ثقيل )))
انا هادئة بطبعي ومسالمة لابعد درجة ( يعني لا اهش ولا انش على قولتهم ))
زوجي دائم الانتقاد لي يقول لي ( انتي دائما ساكتة وغير مبتسمة ,, احيانا يقول : ترى تبسمك في وجه اخيك صدقة ))
طبعا انا مو على طول على هالحال لكنها فترات تجيني احس بغصة وان العالم خانقني , واذا تضايقت رحت لاهلي اجلس عندهم كم يوم الين تستقر نفسيتي

احيانا اتكلم عن حياتي لزميلاتي في العمل ,, بعدين اقول ( ليه قلت لهم ليه ما اسكت عن حياتي )) لكن احس اني كلما بغيت امنع نفسي من الكلام اتكلم عن حياتي مرة ثانية ( ( ما ادري وين السبب )) :16:

دائما احس اني حزينة وان زوجي ما يستحقني ,, متضايقة وطفشانة على طول ,, احس اهتمامة باهلة هو سبب مشاكلنا
يعني لو طلبته نطلع ما يطلعني احيانا يكون مشغول لكن لو قلت له (( مرت اخوك بتروح معنا ولا بنت اخوك )) على طول يوافق ويقول خلاص باوديكم

احس انه يهتم بغيري كثير هذا اللي يسبب عصبيتي الزايدة == لكن ما اقول له شئ :06:

انا عندي طفل عمره تقريبا ( 3 سنوات و11 شهر )):04: يعني خلاص بيكمل الاربع سنوات لكن دائما ما اتحمل تصرفاتة ولا اتحمل حركته (( على الرغم ان عندي شغالة ))

احس اني راح اهدم بيتي بنفسي ==
على فكرة (انا عندي خمول في الغدة الدرقية ممكن تكون هي السبب )) لكن اخذ علاج لها وهي مستقرة الان ..

8 تعليق 903 مشاهدة

شاركي في النقاش

سجلي الدخول لإضافة تعليق.

التعليقات

7
  1. @frashh_hntyh

    اسباب الغده نفسيه وسعي صدرك علشان تقدرين تبسطين زوجك
    ويمكن لما تبين تطلعين مايطلعك الا معك احد لانك تسكتين ماتوسعين صدره في الطريق
    حافظي على قراءة القران والاذكار وينشرح صدرك
  2. @logn_2009

    الله يشافيك ويعافيك حتا انا نفس اشي خاصه الحين لما حملت عندي اكتاب مرة لعب في نفسيتي يالله اكلم احد
  3. احيانا تجي الانسان فترات يكون كذا بس وده يصيح ولا له مزاج يكلم احد او يضحك ويجامل ولا حتى يطلع من بيته ويالله بعد كم يرم ترد الحالاله زي ماكانت طبيعيه انا كذا والله تجيني ايام حتى وانا ارتب والا انظف ودي ابكييييي لكن حاولي اذا جتك الحاله تشغلين عندك قران وصلي ركعتين والله يبعد عنا هموم الدنيا...
    ويمكن طبيعة المراة يكون لها دخل بعد في تقلب نفسيتها والله اعلم

تابعي تجارب أخرى من هذا القسم.