بشائر والله على ما اقول شهيد

بسم الله الرحمن الرحيم

طبعا هذا اول موضوع اكتبه في هذا القسم وماكتبته الا للاجر ابي المتحطمين يستبشرون ولا ييأ سون من رحمة رب العالمين يا اخواتي تصدقون اول ما تزوجت قالوا لزوجي انت ما راح يجيك عيال الا باطفال انابيب وعسى
وتخيلوا انواع التحطيم والياس اللي حصله لكني وقفت معه وقلت لا تياس واذا ربي كاتب لنا ذريه بتطلع غصب عالجميع واني ما ابغى عيالي الا منك ومن هالحكي اللي يطمن
وبعدين بدينا العلاج وهاك يا ابر وماماكلها الا انا بس الحمدلله صابره ومحتسبه وسوينا عملية الانابيب وخذ ياام و وجع :09:والحمدلله.... ولكن لم تنجح وكل هذا وما احد يدري الا اهل زوجي لانه قالهم وقت العمليه ما عاد قدر يخبي وبيني وبينكم ارتحت لاني احسهم يحسون اني انا السبب بتلميحاتهم وكلامهم بس ساكته عشان زوجي:arb:
المهم اهله جابو لنا وصفه مستخدمها رجالين كان مافيه امل بالانجاب ابدا تقريبا يعني الحيوانات المنويه قليله جددددددددددا
ماءة الف والثاني يائس مره بس ما ادري كم وكلهم جابت معهم نتيجه ماشاء الله شفتوا رحمة ربي وكرمه وجربناها وتعالج زوجي في مستشفى الحرس مساء بفلوس والحمدلله حملت شفتوا وين كلام الاطباء ومافيه امل وخسرونا وتعبوا نفسياتنا ليش هذا الدكتور عالج زوجي وما قال مافيه امل زيهم
الزبده حملت بدون انابيب وعمليات ابحثوا اسالوا مره ومرتين وثلاثه لا تياسوا
علطول وتستسلمون:44:طبعا مع اهم شئ وهو الدعاء والثقة القويه في الله سبحانه جلت قدرته

31 تعليق 2,031 مشاهدة

شاركي في النقاش

سجلي الدخول لإضافة تعليق.

التعليقات

30
  1. @bny_almtr_1

    ماشاء الله تبارك الله

    الف مبروك الله يتمم لك على خير

    بس ياليت تقولين العلاج حتى نستفيد ومن الدكتور اللي عالجكم الله يرزقنا جميعا يارب
  2. @h_wwa

    صاحبة الموضوع
    نسيت اقول الخلطه
    كاس من كل من رشاد وحبه سوداء وحلبه وربع كاس مر تطحن وتوضع في علبه
    ويؤخذ منه عالريق ملعقة صغيره مع ملعقه كبيره عسل يكون كيلو 15 با لميه منه غذاء ملكات النحل تمزج الخلطه مع العسل ويسف وراها حليب طازج زي نادك وعالحليب حطوا ملعقة بيره شعير ساده بدون نكهه ياكلها الزوج والزوجه مع بعض كل صباح وبدون جماع لمدة اربعين يوم والحمل باذن الله بعد سبع شهور
  3. @h_wwa

    صاحبة الموضوع
    نسيت اسم الدكتور اذا صحى زوجي راح اساله
    لي رجعه باذن الله.

تابعي تجارب أخرى من هذا القسم.