تجمع مافوق الثلاثين ولا يهينون الصغيرين/ ملفات قسم الأسرية محددة من قبل الادارة

السلام عليكم
يالله أنك تحيها هلا فيك
أنا ماني بعيدة عنكم عمري 28 ... بنت
وأبغى أنظم لكن وناسة لووووووووووووول

السلام عليكن ورحمه الله وبركاته ..


اذكركن ونفسي في هذا اليوم الفضيل (يوم الجمعة) :

بـــــــــ قراءة سورة الكهف
والصلاة على النبي صلى الله عليه وسلم
والدعاء في ساعة الإجابة

واذكروني بدعوة في ظهر الغيب

تقبل الله مني ومنكن صالح الأعمال..


:26:

طيب بقول لكم عن التغير اللي حصل لي يوم بديت ادخل الثلاثين ..
بس عندي رجاء ..
كل وحده تذكر شي مر عليها في حياتها او موقف او كتاب او اي شي غير طريقه تفكيرها او مجرى حياتها ...عشان نستفيد من هالموضوع :)

انا يوم قربت للثلاثين جاني اكتئاب غير طبيعي ...وحسيت اني عجوز وصرت دايم اردد مابقى كثر اللي مضى ...
واني خلاص ياعالم بعيش قد ماعشت ولالا...
انا شخصيه مرحه جدا على فكره قدام الناس لكني بيني وبين نفسي ...كئيبه ومتشائمه ...شديده القسوه على نفسي ..ابحث عن الكمال والكمال لله ...الوم نفسي بعد كل عزيمه وكل مناسبه ...احاسب نفسي جدا جدا جدا ....والنتيجه كابه دائمه ..
وحزن دائم ...
ليه قلت لفلانه كذا ...
ليه ضحكت بصوت عالي ؟؟
ليه بالعرس الفلاني رقصت ؟؟
ليه مارديت على فلانه ؟؟
وهكذا مسلسل ماينتهي من اللوم والحزن ...
كنت اعيش احزان الماضي ...واحب اتكلم فيها ...واحب المسلسلات الحزينه ...
اسمع الاخبار واشوف غزه مثلا ويمر اسبوع حزييييييييييييييييييييييين وبكاء ماينقطع على حالهم ...
وهكذا ....
هذا من ناحيتي مع نفسي
من ناحايه زوجي ...
كنت الوم والوم والوم ...
ليه كنت اول تسوي كذا وكذا والحين لا؟؟؟
ليه قلت لي قدام فلانه كذا وفشلتني ؟؟
ليه بتسافر وتخليني ؟؟؟
رومانسيه بزياده كنت اتمنى انه رومانسي ...واندب حظي ....
اقارنه بغيره ...وفلان اوجه ...وفلان اكثر ثقافه ...و وو و


لاتصورون اني كئيبه ..انا قلت لكم مرحه جدا قدام الناس ومااحد يدري بالصراعات الي داخلي وافكر فيها ...
الحزن داخلي فقط والمقارنات داخلي ...لكن الظاهر للناس اني اسعد وحده ...


عطيتكم نبذه عن نفسي ...
يوم دخلت الثلاثين ...
قررت اغير طريقه تفكيري ...لاني بنجن ..اذا استمريت كذا...
بديت اجمع كتب nlp
وكتب العقل الباطن وقوه التفكير الاجابي ...
قلت في نفسي انا ماراح اغير الكون ولا قدرت اغير زوجي ولا قدرت اغير الحروب ولا اساعد بشي ...
خليني اغير طريقه تفكيري ...
جبت كتب كثيييييييييييره ...
وبديت احاول ابرمج نفسي ..
هالموضوع اخذ مني فتره طويله طبعا ...
وصرت اي فكره سلبيه اطردها بفكره ايجابيه ..
واكتشفت شي كبييييييييييير حزني ...
وضايقني ..
ان دروس الدين والاسلام علمنا اشياء كثيره حفظناها بدون فهم لخلفياتها ...مجرد ترديد كلام ...
يعني : (تفاءلوا بالخير تجدوه)
هذا الحديث معروف ...
لكن ويني عن تطبيقه في حياتي ؟؟؟
بدل مااقول هذا حظي ...وياقردي ...
وجت الحزينه تفرح ...الخ من الامثال الللي تعزز الافكار السلبيه وتحسسك انك عمرك ماراح تسعدين ....
ويني عن(انا عند حسن ظن عبدي بي ؟؟)
كنت مشبعه نفسي كلام..انا عارفه انا مو وجه سفر ...انا عارفه حظي مايجيب ...
و و وو
غيرت الطريقه هذه..
وصرت اقول ...
الله كريييييييم ...والخير جاي ...لاي شي اتمناه ..بدل العبارات السقيمه ...اللي كنت استخدمها اني مالي حظ..

-تعلمت الروحانيه ...
يعني الدين مو كلام ...الدين احساس وشعور وايمان ...
تعلمت اتأمل في خلق الله ...واتأمل في حكمه ربي من المواقف اللي تمر علينا ..
تعلمت افرش سجادتي وادعي ....بالليل ...اكلم ربي وادعيه ....واناجيه ...
فيه شي اسمه لذه عباده
وفيه عباده بدون تمعن ...
يعني تجيك وحده سمعت عن قيام الليل تصلي تبي اجر ..جزاها الله خير ...
وفيه قيام الليل ...باحساس ...انك مع ربك ...انك تكلمينه ...انه يسمعك ..
تبكين عنده ...تشكين له ....تطلبين القوه ...احساس ..ايمان ...
شعور رائع ...اتمنى كل وحده منكم تجربه ...
انا صرت مااشكي لامي ...ولا لاحد
اشكي لربي وهو اعلم بحالي ...على الاقل مااندم اني حكيت ....بالعكس اشعر براحه وهدوء ...

-كنت اول اتصدق الحمدلله ...لكن الشعور يفرق ....
كنت اتصدق ابي اجر ...
لكن السر اللي عرفوه حتى الاجانب ...وللاسف كنت اعتبره مجرد كلام ....او مااحس بمعناه او ربي عاميني عن التفكر في معناه..
ان الصدقه تدفع البلاء ...
قال الرسول صلي الله عليه وسلم ..(صنائع المعروف تقي مصارع السوء)
وفعلا هالشي عرفوه الاجانب لما قريت كتبهم ...
يقولون تبحث عن السعاده ؟؟؟اسعد الفقراء !
سبحان الله ...حقيقه ...والله انها حقيقه ...
جربي تصدقي ..اسعدي عائله ...شوفي السعاده اللي تجيك والراحه النفسيه ....

الصدقه مو بس اجر ...سبحانه ربي عظيم
الصدقه تريحك وتسعدك ....وتدفع البلاء عنك ...وسبب لرزق والبركه
قال الرسول صلى الله عليه وسلم:(داووا مرضاكم بالصدقه)
والله ان الاحاديث هذه مرت علي بالمدرسه لكن بدون استشعار ..او تمعن او ايمان ..
اتصدق عشان الاجر ..بدون ايمان انها فعلا تدفع البلا ...وتداوي المرضى


تغير مفهومي عن الصدقه تماما ...وصرت اتصدق عشاني انا ...بيجني اجر ..وبسعد في حياتي ...وربي بيبارك لي في رزقي ...وش ابي بعد ؟؟

-تعلمت استغفر ...وكنت استغفر من اول لكن بدون احساس ...اذكار اقراها والسلاام ...
الحين ...استغفر وانا اتخيل ذنب واستغفر ...
واتذكر وش سويت امس واستغفر ...
استغفر عشان ربي يرزقني ويغفر لي
والله ماكنت احس بقيمه الاستغفار ...للاسف
قال الرسول صلى الله عليو وسلم: (من لزم الاستغفار جعل الله له من كل هم فرجا ، ومن كل ضيق مخرجا ، ورزقه من حيث لا يحتسب
)
وانا لمست فوائد الاستغفار من نفسي



-تعلمت اني ماافكر بالماضي ..ولو كنت مسويه خطأ اسماح نفسي ...لاني بشر ...وربي يغفر ...ليه انا مااغفر لنفسي ؟؟
ليه مااحب نفسي ؟؟؟صرت من يجي طاري الماضي او احد يكلمني عن شي في طفولتي اسكر الموضوع على طول ...لان الكلام في الماضي الحزين يعطي طاقه سلبيه ...



-تعلمت مااصادق الناس السلبيه ..وياكثرهم ...الشكايات الحننانات اللي من تتصلين في التلفون فيهم بدت تشكي من الم رجولها وقسوه زوجها ومرض ولدها و وو وو الخ
كنت للاسف اتعايش معهم واحاول احل مشكلتها واظل مشغوله فيها طول اليوم
الحين ...خلاص ...ستوب ...

اوكي ادعي لاي وحده ان الله يسعدها لكن مااشغل بالي باي مشكله خارجيه ...ولا اتصل باي وحده تسبب لي قلق
وين الناس المتفائله الفرفوشه ..المقبله على الحياه
هذول اللي ابحث عنهم بس ...لانهم يجددون طاقتي ...ويعلموني كيف اتقبل الحياه ...بدل هالناس اللي لكتشفت بعدين ان نص شكاويهم لفت نظر ...وخرابيط الا من رحم ربي ...


-تعلمت اني اسعد نفسي بنفسي ..ولا انتظر من احد شي ...
يعني قبل كنت استنى م زوجي رومانسيه ..
واستنى منه طلعه وتمشيه
واستنى منه انه يقعد معي ويسولف ....
معتبرته مصدر السعاده ...وكنت اعتبر هذا رومانسيه ..
الحين لا
طلع ؟؟مع السلامه ربي حافظه
جا يااهلا وسهلا
مشاني ؟؟جزاه الله الف خير
صفطني ؟؟موب لازم ...انا اوسع صدري وابحث عن سعادتي بنفسي ...اروح لاهلي اكلم تلفون اشبك على النت ..اي شي ...
لكن مااستنى منه السعاده
راح سهر مع ربعه ...عليه بالف عافيه ...
احاول اواعد صديقاتي يزوروني او ازورهم او اي شي ...بس مااستنى منه شي ..
ماتتصورون كيف هذه لها تاثير في حياتي
ارتحت وهو ارتاح ...
بطلت الومه ماطلعتني ماسويت لي ..
هو ارتاح من الزن ..
وانا ارتحت نفسيا لانك لما تستنين من احد شي تظلين في حاله ترقب ...ولما مايصير الشي يجيك احباط ...
وبعد الاحباط كابه ...ولوم ....وبالتالي تكونين الزوجه النكديه بجداره ...:)

تعلمت اعامل زوجي كصديق ...مو كزوج..
كيف تعاملين الصديقه ؟؟؟تجاملينها احيانا ....فيه حدود بينكم ...بطريقه الطلب ...
اذا طلع عادي واذا جا يااهلا وسهلا
هو لما يحس ان الحصار قل ...مابيعاندك ..لانه الممنوع مرغوب ...ولما يشوفك تمنعينه من روحه اصدقاؤه بيحس انه لازم يطلع لو عناد
لكن لما يشوف مش فارقه معك ...وانك التهيتي باشياء ثانيه ...بيتغير ...وبححاول يلفت نظرك
ترا الرجل يحب الغموض ويحب يلحق المراه مش العكس ...
يعني جربي تصفطين زوجك ....مااقصد تصفطينه بالمعنى ...لكن انك تقللين حصار ولا تسالينه وش سويت وش حطوا لك بالعزيمه ..
وين رايح ...من تكلم ...ليه تاخرت ..
جربي وانتي رايقه مو تجربين وانتي بوزك شبرين ...؟؟:)
جربي ماتسالينه اذا جا ...واذا جا يطلع ماتقولين وين ....

حاولي تقللين من الاهتمام ...وشوفي الفرق بعينك ...



اللي الحين احاول اعلم نفسي عليه ..
اني ارد على الرحيم قليلات الادب والذوق في العزايم
اول كنت اقول لا مومعقول ارد هذول مايستحون ...
واسكت عن حقي والنتيجه ناس ماعندها ذوق تحب نبش الجروح او الاهانه المقصوده ...
الى الان انا متعلمت كيف ارد ببرود رد يحرج اللي قدامي ويريح خاطري ...
لاني اول كنت اعتبر ان الاحترام واجب ...وعيب نتلاسن واحنا في عزيمه ...
لكن للاسف الحريم بعضهم ماعندهم عقل ..تعتقد انها اذا فشلتك قدام الناس انها نجحت ومنتصره <<<ماكنت اعرف ان فيه ناس بالتفاهه هذه:(
والنتيجه قدام الناس كلام ماله طعم ولامعنى ...تقليل من شانهم ومن لبسك وم ن ومن لمجرد الغيره
انا بتعلم كيف ارد ..لاني الى الان ماتعلمت بصراحه ...
بس حبيت افيدكم بتجربتي بتغيررر افكاري ...والحمدلله ارتحت عن اول

والحين تغير تفكيري لعمر الثلاثين بدل ماكنت اقول يوه كبرت ..
الحين صرت ااقول الحمدلله اني عشت لحد هالعمر ...
الحمدلله اني تعلمت في هالعمر اللي ماتعلمته طول عمري ...
الحمدلله اني وصلت هالعمر وانا بصحه وعافيه وغيري يموتون وهم توهم بعمر الزهور ...

الحمدلله الف الحمدلله ....
تعلمت اشكر ..وهالشي فعلا كنت غافله عنه ....
لو جربتوا تشكرون الله على كل شي ....بترتاحون والله وبيجكم احساس بالرضا



ادري طولت عليكم بس حبيت افيدكم بتجربتي ...
وياليت اي وحده استفادت من كلامي تدعي لي ان الله يرزقني الحمل ويفرح قلبي بقدرته ...

اب