اللى مزاجها فى الطبيعى

أهلا بنوتات و يا سيدات


جايبالكم معايا شوية حاجات انما ايه لوووووز :icon18:


بصوا أنا جبتلكم سكرب طبيعى و حلو و شيك و دمه خفيف :S_45:
حطى ملعقة سكر فى طبق و أقطعى رأس الطماطم بس بسرعه
عشان ما تتعذبش :42: و ما تقطعيش الزعزوعه الخضراء اللى فوق
أقطعيها أكأنك هتحشيها بالظبط و خدى رأس الطماطمايه و أغمسيها
فى السكر و أفركى بيها وشك من الأسفل الى الأعلى ما عدا منطقة
العين و شوفى وشك هيبفى روووووووووووووووووووعه ازاى و ده أنا
مجرباه بنفسى هيخللى وشك ناااااااااعم و مناخيرك هتلمع زى عبقرينو
تماااام







الماسك اللى بعد السكرب

هاتى بيضه و أفصلى البياض عن الصفار و كل واحد منهم فى طبق لوحده
هاتى الصفار الأول و اضربيييه لحد أما يبان له صاحب :22: لحد لما يعمل رغاوى
و نامى على السرير و هاتى أختك توزعهولك و ما تقوميش الا لما ينشف تماما
و ما حدش يعمل ناصح و يجيب سشوار و ينشفه :42: و بعد كده أعملى نفس
الطريقه مع البياض و أدعيلى





فوائد البيض ع البشرة


كل اللى جاى ده منقوووول بس أنا عارفاااه

* البيض مغذ جيد للبشرة , يساعد على قفل المسامولعمل قناع من البيض اكسري بيضة نيئة واضربيها جيداً وضعيها على الوجه وتشطف البشرة بعد 20 دقيقة بالماء الفاتر .
* لتغذية الشعر تدهن فروة الرأس ببياض البيض ثم تغسل بالشامبو
* لتشقق الجلد يمزج القليل من " الجليسرين " بالقليل من زلال البيض ويدهن به المكان المتشقق عدة مرات .
* قناع لشد جلد الوجه والرقبة : يطلى الوجه والرقبة بنصف زلال بيضة ممزوجة ببعض النقط من عصير الليمون الحامض ثم يزال القناع بعد ربع ساعة بالماء الفاتر
* إذا كانت بشرتك دهنيه وأحببتي أن تصنعي لها قناعا فاخفقي بياض بيضه جيداوضعيها على وجهك فهي تمتص الزيت الزائد , أتركيها حتى تجف ثم أغسلي وجهك وكرري ذلك مره أو مرتين أسبوعيا .






و يا سلام عليكم يا بنات لو دعيتولى دعوه بأن ربنا ينولنى اللى ببالى
و مش شرط تكتبوها أدعوهااااا أسهل



أسيبكم بقى تلاقى ظهركم وجعكم ,بااااى :26:

9 تعليق 687 مشاهدة

شاركي في النقاش

سجلي الدخول لإضافة تعليق.

التعليقات

9
  1. السلام عليكم ورحمة الله وبركاته

    واللهي دمك شربات يا بت هههههههههه

    يعطيك العافيه على الطريقه و يارب ينولك اللي في بالك

    بس سؤال انتي كتبتي انه جيد لتشققات الجلد .. تقصدين تشققات اللي هي السترتش مارك(خطوط بيضاء) ولا تشققات القدم ؟

تابعي تجارب أخرى من هذا القسم.