السلام عليكم ورحمة الله وبركاته
اهلين حوائيات ... كيف الحال
انا نزلت موضوع قبل فتره وكان عنوانه {دفتر ذكريات للزواجات}وكان لزواج اخت زوجي وهذا الربط للاطلاع...
http://forum.hawaaworld.com/showthread.php?t=1705416
واليوم ان شاء الله راح انزل {المناقيش}ضيافة بعد العشاء والغريب انها بعلب الكبريت وكانت مرررررره حلوه<<مداح نفسه كذاب
اول شي الاغراض المستخدمه وللاسف نسيت اصورها
{فلين مضغوط..الرول الموجود جوا الجلاد..قماش شيفون..شرايط..اعواد خلال..بخاخ..لولو ذهبي..عروسه..قماش ستان لفستان العروسه..وقماش تل لطرحة العروسه..ورود لمسكة العروسه..ورق مقوى للطباعه..صمغ مسدس..واهم شي علب الكبريت..}
ماشاء الله...تبارك الله
بسم الله نبدأ الخطوات
هذي علب الكبريت
وهنا بعد مابخيت نصها بالعنابي ونصها بالسكري
وهنا جبت الفلين وقصيته دوائر ثلاث مقاسات وثبتته بالرول بعد مالفيته بالشريطه وحطيت على اطرافه اعواد خلال حتى تعطيني عمق ولبست الدوائر بالقماش الشيفون وزينته بالشريطه والفوينكه والورده{والفكره فيها انها تكون تشبه كيكات الزواجات}
وهنا من قريب
بعدين جبت العروسه وثبتت الفستان عليها بعد ما قصيته وحطيت فيه ورده وصلحت مسكتها
وهنا ثبتت المسكه في يدها
وبعد مانشفت العلب حطيت على الجوانب شريطه ذهبيه ومن قدام حطيت شرايط التطريز ولفيتها كانها هديه وزينتها بالولو الذهبي
وهذي الاوراق لزقتها في العلبه من ورا
وكتبت فيها
محتاره مدري كيف ابارك واهنيك
بالورد ولا بالشعر والقصايد
كـل التـهاني يـا عــمـــه ماتوفيــك
فرحة فؤادي بالغلا لك تزايد
