(قصه واقعيه عن حياة اغلى انسانه بحياتي) ادخلوا واعرفوا مين هذي الانسانه؟؟؟؟؟؟؟؟؟؟
السلام عليكم ورحمه الله وبركاته,,,,,,,
حدثت احداث هذي القصه قبل حوالي 40 سنه او اكثر شوي اكيد عرفتوا مين اغلى انسانه هي امي الله يخليها ويطول في عمرها والله بدونها مانسوى شي,,,,
راح ادخل في القصه ع طول توفت جدتي الاهي ام امي وامي طفله عمرها حوالي خمس سنين ابوها الا هو جدي تزوج ع طوووووول الشهر باقي ماكمل زي الناس المهم ربت امي جدتها ام امها كبرت شوي وبدات معاناتها مع زوجة ابوها كانت شغاله بمعنى الكلمه وهي عمرها ماكمل سبع سنوات كانت تشيل اثاث البيت على ظهرها وتطلعه برا وتنظف البيت وترجع الاثاث مره ثانيه كانت تطبخ وتغسل الثياب على يدها عانت كثييير:icon33: هذا فوق الضرب الا تحصله من ابوها وطبعا"بتحريض من زوجته كانت اذا الاكل صار له شي يعني انحرق مثلا"تنضرب حتى توصل للموت وفوق كذا تقولها دبري اكل من تحت الارض وياعيني على امي كانت تلف بيوت الحاره تشحت اكل :mad:عشان ترضي زوجة ابوها كانت برغم انها طفله كانت فوق شغل البيت تربي اخوانها عدت الايام وصار عمرها 13 سنه خطبها ابويه ولكن زوجة ابوها اعترضت بشده لانها تبغا تزوجها لاخوها طبعا"عشان تصير خدامتها العمر كله وطبعا"جدي الا هو ابو امي وقف مع زوجته بس هذي المره عماتها وقفوا معاها وتزوجت ابويه رغم المنازعات الاحصلت مع ان ابويه متزوج من قبلها ثنتين تزوجت وعاشت مع ابويه حبت ابويه بجنون لان ابويه كان يحن ويعطف عليها قبل مايتزوجها حبته بجنون بس اكتشفت ان ابويه مايحبها يحترمها فقط لان قلبه كان لزوجته الثانيه الا قبل امي وانه ماتزوج امي الا عناد في الثانيه لان كانت بينهم مشاكل امي سكتت وتحملت وقالت مدام يحترمني كافي بالنسبه لي برغم انها كانت تشوف الفرق في المعامله والهدايا بس تحملت حملت باختي البكر وتعبت في الولاده تعسرت جلست ثلاث ايام في المخاض لدرجة توقعوها تموت وجهزوا عدة الموت يعني الكفن وخلافه,,,رغم ذلك من حبها لابويه ثاني يوم ولادتها قامت تطبخ وتغسل ملابسه وتكويها المهم عاشت مع ابويه 12 سنه فقط وبعدها ابويه توفى:icon33:,توفى وعمرها 25 سنه يعني في عز شبابها وامي جميله جدا" لمهم توفى ابويه وترك لامي خمس اطفال ماكان احد يساعدها الا خاتي وزوجها يعطفون على امي عانت امي وتركمت عليها الديون لانها تربي خمس اطفال بدون مايكون عندها دخل دخل ابويه وبس الاصار 2000 ريال وهو قبل مايموت كان 20,000 تصدقون ان خالي جلس 12 سنه مايسال عن امي نهائيا"وهو ساكن بنفس الشارع كان اليوم الايزورنا نعرف ان فيه مصيبه يجي بس عشان يضرب امي حتى توصل للموت تخيلوا اطفال يسمعون صوت امهم وهي تنضرب وعلى ايش لانه سمع ان فلان يبغا يخطبها فهو بهذا التصرف يردعها ماتتزوج مع ان امي مافكرت نهائيا"تتزوج بعد ابويه((ياقلبي عليك يامي عانيت كثيرالله يجزيك الجنه)) وعلمتنا وكبرتنا وتخرجت اختي الكبيره وصارت معلمه وخففت عن امي وبعدها اختي الثانيه وتحسنت حياة امي بس احس ان امي ماوصلت للسعاده الكامله حتى يوم تزوجت ابويه وارتحت اكتشفت ان يحترمها وبس ولايحبها,,,,,,,,,,,
الله يجزيك جنات الفردوس يامي ويجعلك الصحابيات ويعوض صبرك خير
الله يخليك ويطول في عمرك ويجعلك تاج على راسي ياغلى ام بالدنيا
ارجوكم ردو بدعوه لامي ,,,,,,,