السلام عليكم ورحمة الله وبركاته
باختصار شديد
انا متزوجه لي سنتين وحياتي مع زوجي جميله جدا متفاهمين ومتعاونين ويموت فيني وانا عرفت هالشي من تصرفاته وحنا اصحاب لدرجة انه قالي عن علاقاته الي قبل الزواج مع البنات وانه تركها بمجرد انه ملك علي
الاكيد قبل ست شهور لاحظت عليه انه يحاول ينعزل بلحاله على الجهاز ويسهر واذا جلست جنبه يحاول يلف الجهاز عني
انا بصراحه ماشكيت فيه بعد فتره طلع رقم جوال وبديت اشك
طبعا كنت حامل لي 3 اشهر
سبحان الله مره لقيت جواله على المكتب واخذته وفتحته
وانصدمت لقيت رسايل وراقام مسجلها باسماء بنات
تعووذت من ابليس وجلست لاني حسيت اني انهرت جاء من برى واستقبلته مثل كل يوم
ومر اليوم عادي بس من كثر ماكبت القهرداخلي جاني نزيف الصباح
طلع دوامه ورحت جهازه وفتحته ودخلت سجل المحادثات ولقيت له 3 صديقات
ولقيت له مع كل وحده قصة حب
سكرت الجهازوسكت وكبت
وليتني ماكبت الهم داخلي
من بكره الصباح فقدت البيبي
والحمدلله على كل حال
ورحت بيت اهلي 20 يوم وبعدها جاء واخذني
كنت مقرره انفصل عنه بس فكرت اشوي قلت يمكن فيني عيب مقصره في شي
بعد اسبوع من رجعتي لبيتي
سويت له حفله شموع وحركات وكنت لابسه كالعاده سالته ان كنت مقصره في شي اسلوب مايحبه كل شي
مع العلم يابنات والله قبل لانام كنت اساله حبيبي راضي علي اليوم زعلتك في شي مقصره بشي
كان يحب راسي ويقول مانتي مقصره وكل يوم تجديدين وكل يوم اشوفك حلوه ومن هالكلام الحلو
قلت بعلم معه اشوي من خلال الماسنجر انا عندي جهاز مستقل خاص فيني بحكم تخصصي بالجامعه الحاسب
طبعا انا عارف ايميله المهم في مره من المرات سويت ايميل جديد وارسلتله اضافني بكل سرور
واخذنا اسبوعين سوالف وحب وعزل انا كان قصد من هالحركه اعرف ليش يسوي كذا فيني
بعدها عرف انه انا لانه دخل علي بالغرفه وانا كنت اسولف معه قبل اشوي
سكت والله ماقال شي
قال انتي الي كنتي تسولفين معي قلت ايه
سكت اشوي وقال بعصبيه والله ان فكرتي مره ثانيه تسوين هالحركه او فكرتي مجرد انك تشكين فيني بيت اهلك اولى فيك
انا ساكته
جاء في اليل وضمني وقال حبيبتي انتي تشكين في حبيبك معقوله تشكين فيني انا ماعمري فكرت اسولف مع احدغيرك او اخونك قلت ليش اضفتني وسولفت معي
قال وبكل ثقه الاني عارف انه انتي
ابيكم تعرفون شي زوجي يعرف ينهي الموضوع بسرعه ويعرف يقنع انه بري
وانا مقدر اقوله نا فتحت جهازك لانه عصبي لدرجة انه يمكن يذبحني
المهم ومرت الايام وقلت اكيد ماعاد يسوي هالحركات غلطوحس على دمه
بس للحين ماخلاها للحين يسولف مع صحباته على المسن
الي قاهرني
انه يعاملني احلى معامله ويفقدني بسرعه ولازم اكون معه بالغرفه ويمشيني ويطلعني ويسولف معي
وانا تعبت من كثر ماكشخ واغير في نفسي وشعري حتى والله سرت اغير بسلوب كلامي وادلع عليه واتغنج واجيبله هدايا واسوي ليالي رومنسيه
مدري وش اقول لكم انا نفسي اعرف ليش يسولف معهم
ولا صارت حاجه ماعاد الشباب يستغنون عنها
مع العلم انه محافظ على الصلاة ومايفوتها
شاركي في النقاش
سجلي الدخول لإضافة تعليق.
التعليقات
49- والله مادري ايش اقولك
وضعه غريب
الله يهديه ويسخره لك يارب - الله يعينك والله مادري وش اقول لك المهم لاتغلطين في حقه وحاولي تنصحينه باللين وربي يفرج همك ويهدي زوجك يمكن احد لاعب عليه او حب يرجع لايام زمان عليك بالدعاء
- الله يعينك وعليك بالدعاء
- غريبه ليه يسوي كذا
اذا مو ناقصه شي ويحبك ومتافهمين الله يديم عليكم
الله يهديه ويسخره لك ويحنن قلبه عليك - المصارحه افضل شي ليش اللف والدوران
مواضيع مشابهة
تابعي تجارب أخرى من هذا القسم.