بنات طلبتكم توقفون معــــــــــي



السلام عليكم ورحمة الله وبركاته

صباح الخير أخواتي العزيزات
مدري كيف ببدأ كلامي لكن أتمنـــــى توقفون معي قدر جهدكم ومعرفتكــم

أخواتي الغاليات

مكتوب لي إني انفصل عن زوجي بعد شهرين من الزواج
بعد أن أخذت مبلغ ( سلف ) من ناس طيبين جداً بمنطقتي
المبلغ السلف هذا أخذته أكمل فيه احتياجاتي لأن المهر كان قليل ..

ورقة الطلاق وصلتني بعد سنة ونصف من رجوعي لأهلي

جلست فترة ارتاحت فيها نفسيتي والحمدلله وبعدها طلبت
من أهلي يقدمون لي في الشؤون الاجتماعية والحمدلله سلموني البطاقة قبل أيام

كان هدفي من المبلغ هو تسديد الدين اللي علي ناس أكرموني وقدروني وشافوا حاجتي ولبوها لي
وعلى مدى الشهور الماضية مافكروا يطلبونها مني لأنهم عرفوا بظروفي الجديدة
لازم أرد لهم فلوسهم بأسرع وقت تقدير لمعروفهم معي

كلمت ناس كثير أطلب منهم يدلوني على طريقة معينة أقدر أرجع للناس مبلغهم بالكامل وأبدأ أسدد المبلغ شهرياً للي أعطاني المبلغ الكامل ويكون مقدار السداد 400 ريال شهــــــــــــــــــــــرياً ثابتة بدون انقطاع في أي شهر مهما كانت ظروفي .. الحمدلله مصروفاتي قليلة كثير فاتورة جوالي مابين 200 إلى 300 والباقي لأغراضي الشخصية
وال400 خاصة بالتسديد

سويت اتصالات هنا وهناك
بعضهم دلني على بنك التسليف واتصلت عليهم قالوا لابد يكون عندك أطفال وتعيلين أحد
أو ممكن الإدارة العامة للبنك تستثنيك وتعتبرك من الحالات الخاصة بس بشرط تشرحين لهم ظروفك بالكامل
مع أوراق ثبوتية للدين قلت لهم ماعندي اثباتات ولايمكن الناس اللي أخذت منهم المبلغ بيعطوني اثباتات
لأنهم أعطوني تقدير لمعزتـــــــــــي عندهم

كلمت ناس ثانين واشترطوا علي ضمانات وبعضهم قال ترجعين لي المبلغ الضعف !! لأنك بتسددين لي شهرياً 400 وهي مبلغ قليل جداااااااااااااااااااااااا وانتظاري عليكم بيطوووووووووول

أرجو يابنات اللي عندها طريقة تساعدني محتاجة قرض بأسرع وقت
نيتي صافية ولله الحمد ودي أعيد للناس فلوسها قبل مايهل رمضان علينا بخير
والله يابنات إني أعيش بقلق وحسرة بسبب هالمبلغ اللي علي

أدعولي ربي يفرجها
واللي عندها طريقة أو تقدر تساعدني أرجوووووو إنها ماتبخل
حتى لو تواصلت مع بالهاتف وأرسلت لها بطاقتي حتى تضمن حقها بشرط
ترسل لي 400 شهريا


انتظركـــــــــم /

57 تعليق 3,092 مشاهدة

شاركي في النقاش

سجلي الدخول لإضافة تعليق.

التعليقات

54
  1. @smra_hnh

    والله ماعندي طريقه اساعدج فيها الا الدعاء

    ان الله يفرج همج ويسر أمر و الله حاسه فيج والله العظيم وعافه معانات الدين شلون

    يارب ماتمر السنه هذي الا كل مديون مسدد ديونه


    حاولي تسعين وكثري من الاستغفار والله مفتح اول طرق للفرج وانشراح الصدر


    - حاولي وأنتي تصلين في السجود تدعين دعاء الهم والجزن ودعاء قضاء الدين .

    وان الله يشرح صدرج

    والله يسخر عباده الصالحين لج يارب العباد.


    أسفه على الكلام اللي مو مرتب
  2. @hanooo

    حبيبتي ماذكرتي كم المبلغ المطلوب
    يمكن وحدة يكون متوفر معاه وتسلفك اياه
    الله يفرجها ويسهلها عليك ويعوضك بزوج افضل ان شاء الله
  3. @slm_15

    صاحبة الموضوع
    مشكــــــــــــورات أخواتي
    المبلغ بحدود 10 آلاف ريال .. ربي يعين ويساعد
    والله إنه هم على قلبي لكن الشكوى لله
  4. @smra_hnh

    أختي الغاليه حاولي تخلين فتوره جوالج 100 ريال بالشهر الى ان تسددين ديونج

    وحاولي تخلين مصروفج الشخصى 200 ريال حاولي قد ما تقدرين تتكيفين ويا المصروف 300 ريال بين الجوال والمصروف الشخصى


    والباقي سددي ديونج مهما كانت الظروف المده لبد من انها مرحله وبتنتهي ان شاء الله.


    حاولي تبيعين في المنزل أي شى يحبونه المحيط اللي أنتي فية وان شاء الله بتفرج



    وان شاء الله البنات بساعدونج بالافكار .

تابعي تجارب أخرى من هذا القسم.