ماهي القناعات و الافكار الي كنتي متمسكه فيها و مع النضج غيرتي هالقناعات

والله كلااامج حلو وجزاج اللله خير انا متاكده انى تغيرت بس ماعندى شى احدده الابعض النقاط اتفق فيها مع رايج اولااا مااجامل على حساب بيتى واعيالى مثل اول وثانياا اسوى الى انا مقتنعه منه وماهم شى مايغضب الله والناس ما اخلى رايهم تسيطر على تصرفاتى رغم انها موثره بس احاول اطلع من هالشى واشياء كثيره ومنها صج انى مانتقد احد بصراااحه فالناس ليس جميعها يتقبل النقد والراى بصراحه وعدم التدخل بشوووون الغير مو معنى هذا انى كنت حشريه وادخل نفسى بكل شى بس اتخذت طريقه ماسال الناس ليش سوست شذيه او ليش اتخذت هالقرااار هذى اشياء تخصهم ولاتخصنى ارجو انى ماثقلت برايي ومشكوره عالموضوع

سابقا: كنت احكم على الناس من اللي اسمعه عنهم مو من معاملتي معاهم شخصيا.. و ظلمت ناس كثير بهالقناعة..
بعدين: غيرت اسلوبي و صرت اقرب من الكل و اعطيه فرصة و اطنش حتى التحذيرات و هم طحت على راسي و تعورت واايد..
الحين: صرت لا اروح بعيد و لا انصاد بالايد... تعلمت اني ما احكم على الناس من اللي اسمعه عنهم بس لو جاني تحذير من ناس معيين لازم اخذ احتياطاتي..

سابقا: كان عبالي الصداقة اني لازم اكون قريبة وايد من الصديقة.. اعطيها كل اسراري حتى اللي تخص اهلي و عيلتي .. و لازم نكون على طول مع بعض و لا نفترق..
الحين: تعلمت اني احتفظ بكل اسراري لنفسي الا الامور العامة و الصديقات خليتهم للوناسة و الفرفشة و الضحك.. مع الاحترام المتبادل طبعا.. صرت احس انه للصداقة طعم احلى و الذ..

سابقا: كنت اعطي و اعطي و ابادر و ابي اسبق كل الناس في الخير..
الحين: تعلمت انه مو عيب لو اني ما عطيت و مو عيب لو خذيت شوي..

سابقا: كنت ازعل و اعاتب اللي ما يواصلني و اللي ما يسأل عني..
الحين: اسوي اللي علي و بس و الناس كلن عقله براسه يعرف خلاصه..و هالشيء انعكس على تحسين علاقاتي بشكل كبير مع وايد ناس حتى الناس اللي كنت قاطعتهم..

سابقا: كنت لما ازعل من احد اقاطعه تماما و لااحب حتى اني اشوف وجه اللي جرحني و ضايقني..
الحين: قاعدة اتعلم انه مو غلط اني ارجع العلاقة بس بحرص و حذر شديد و بشكل سطحي جدا.. و بالعكس ردة الفعل هذي تخلي اللي جرحني يحس بصغر حجمه..(لحد الحين ما نجحت 100% في هالموضوع بس قاعدة احاول و اضغط على نفسي)..

سابقا: كنت استغرب من اللي يتزوجون من ناس من مذهب غير او جنسية غير او حتى عرق غير و كنت تقريبا ضد الموضوع بنسبة 90%
الحين: صرت اشجع هالشيء و ما استنكره و لا استغربه.. عرفت انه السعادة في الحياة الزوجية مو بالمذهب و الجنسية و العرق لكن بشخصية الانسان اللي نرتبط فيه و مدى احترامه للطرف الاخر كانسان قبل كل شيء.. و مصره اني اربي عيالي على هالنظرة.. اننا نتقبل الكل و نحترم الكل و نحب الكل و نتزوج الكل طالما اننا ما نغضب الله سبحانه و تعالى..

سابقا: كنت اهتم واايد لرأي الناس في و كان يهمني ايش بيقولون عني..
الحين: كل همي رضى ربي و خلاص.. لاني عرفت انه رضى الناس غاية لن تدرك..

هذا اللي اتذكره الحين و لو تذكرت اي شيء زيادة اكيد لي عودة :)

الف تحية لصاحبة الموضوع،،

1: كنت اول امشي عشان الناس لا تزعل مني
لان مصلحتي اهم من اي حاجة
2: كنت دايم اجري وراه الناس وخاصه الاهل ابغى اجلس معاهم واضحك معاهم بس هم يكارهوني عشان يكرهوا زوجي
لان صرت ولا افكر فيهم لان زوجي طيب مو خبيث مثلهم
2: كنت ماهتم في صحتي ورشاقتي
لان اهتم بنفسي كثير
3: كنت ما اسامح
لان اسامح لوجه الله

انا هالشيء عجزت ااوصل فيه لمرحلة التوازن، لان في اشياء تحتج تخطيط واشياء تحتاج تطنيش

انا كنت مرعوبه من شيء اسمه مستقبل، الحين جتني بلاده قويه، والمفروض اكون وسط.



صحيح كلامك ياقلبي،، وننتظر بعضا من قناعاتك الي تغيرت



ممتاز الي وصلتي ليه، عقبال مااوصل له 100%. ن احيانا اذا جيت اتناقش مع ناس قريبين مني

وهم ظالميني ابكي من الصدمه :44: المفروض اني مابكي لانهم دايم كذا



الي فهمته ياقلبي ان لسا ماغيرتيها، صح؟