*(ملف لحوامل التؤأم)*

البنات اللي يعانون من الامساك وياخذون حبوب حديد
ترا الموز ممكن يزيد حالة الامساك عندكم ..
يمكن يفرق من شخص لشخص .. بس انا يسببلي امساك
فاذا حسيتوا بطنكم مسك بعد أكله سووه عصير مع الحليب يكون افضل.. هم تستفيدون منه و من الحليب في نفس الوقت

بنات وين الكنووووووز

ما تعودنا تجي كم ساعه من غير مشاركاتها

بنت الطواش

الكنوز امس دخلت تقول ولد اختها منوّم في المستشفى
أكيد مشغوله معاهم
ربي يشفيه و يعافيه و يقومه بالسلامة يا رب

نونو

ان شاء الله تشوفينهم بأحسن حال لا تحاتين وايد
بالنسبة للحديد هذي معروفة انه اكبر مسبب للامساك لأنه يبطئ الهضم عشان الجسم ياخذ كل الحديد من الأكل
عشان جي لازم الحديد ناخذه مع فواكه لأن فيها فيتامين سي تساعد على امتصاصه و ألياف تحرك البطن
واللي يداوم على الفواكه ان شاء الله ما يصيبه امساك
وشي ثاني .. الحديد لا تاخذونه مع اي شي فيه كالسيوم مثل الحليب والجبن والروب واللبن لأن الكالسيوم يمنع امتصاص الحديد أو يقلله
فما تستفيدون منه
أما بالنسبة للموز والله هذي تجربتي .. حتى اني يوم صغيره اول ما اييني اسهال امي تعطيني موز وروب هههههه و يوقف
بس يمكن يفرق من وحدة للثانيه