حياتي ستنهار ......

الله يساعدك ويعينك قدمي شغاله ورتاحي

وحيد من يومي تسلمييييين
أنا مقدمه زمان بس تصدقين لها أكثر من سنه
*********
والاخت اللي تقول يبيلي هزه لا أحتاج زلزال يغير كياني جيتي على جرحي ودواه
تسلمين ياقلبي

اختي الغاليه اصحي وفوقي قبل ما تسمعين كلمه تهزبدنك من ابو الشباب معليش انا ابغى اصحي احساسك ماتنقهرين اذا دخلتي بيت اهل زوجك اواخوته ماتنحرجين منه انه يشوف بيتهم مرتب وبيته>>>>>>مزبله معليش عشان يصحي الي ميتسماش لي هوه الاحساس انا وحده قالت لي انه زارهم واحد من اصدقاء زوجها قال ياسلام على النظافه طبعا هذا الواحد طلق زوجته بسبب اهمالها بيته هل ترضين ان زوجك يطلقك ؟استعيني بالله وتعوذي من ابليس صحيح ان ا لوحده ذا ولدت ورا بعض تتعب بس ماتوصل الى الموعين تجلس بالاسابيع ولبيت مايقدر احد يمرمن النفايات والملابس بعدين بناتك بيصيرون زيك وبكره اذا تزوجو بيدعون عليك لانك ماعلمتيهم على النظافه سبحان الله طريقه الام في لبيت تتقتبسها البنت حتى لوعارفه انها غلط لالالالالالالالالالالالا وانا اختك غيري طريقتك ان الله لايغير مابي قوم حتى يغيرو مابأنفسهم >نضمي وقتك وقولي للهم اعني على شكرك وذكرك وحسن عبادتك يالله قومي ان كان عندك غسيل مواعين غسليهم واذا كانت ضروفك زينه اشتري غساله مواعين والله انها ررهيبه قليله فيها واذا كان عندك غسيل ملابس حطيها بالغساله تفحط عبال ماتخلصين ان النظافه من الايمان وتذكري ان الشياطين تعيش في البيت الوسخ وتعيش في الزباله وتأذي اهل البيت القذر معليش كلماتي قاسيه بس صراحه مانصحت الا اختي بارك الله فيك

جربي قول الرسول عليه الصلاه والسلام عندما اشتكته فاطمه من العمل في المنزل ماذا قال لها

أن فاطمة عليهما السلام شكت ما تلقى في يدها من الرحى ، فأتت النبي صلى الله عليه وسلم تسأله خادما فلم تجده ، فذكرت ذلك لعائشة ، فلما جاء أخبرته ، قال : فجاءنا وقد أخذنا مضاجعنا ، فذهبت أقوم ، فقال : ( مكانك ) . فجلس بيننا حتى وجدت برد قدميه على صدري ، فقال : ( ألا أدلكما على ما هو خير لكما من خادم ؟ إذا أويتما إلى فراشكما ، أو أخذتما مضاجعكما ، فكبرا ثلاثا وثلاثين ، وسبحا ثلاثا وثلاثين ، واحمدا ثلاثا وثلاثين ، فهذا خير لكما من خادم )

جربي اختي ولن تندمي وستشعرين براحه اثناء العمل في البيت وبدون شكوى ايضا والامور ستتيسر بين يديك

فقط تخيلي احد يطب عليك وبيتك بهالمنظر ؟؟
انتي ماتحسين بالمسؤوليه وتفضلين راحتك على اطعام اطفالك وزوجك والاهتمام بهم وهذي انانيه
انتي محتاجه تغيرين نفسك محد بيقدر يغيرك لاننا بنغيرك يوم يومين اسبوع وبترجعين لان احنا بنعطيك جرعه حماس لاغير

نصيحتي لك اجلسي مع نفسك
وخذي ورقه وقلم
واكتبي وجباتك كزوجه وام كامله الي المفروض تؤدينها يوميا وانتي ماسويتيها..
وورقه ثانيه اكتبي الوجبات الي سويتيها ..
وخليك صريحه مع نفسك ولاحظي الفرق بين الورقتين
بتشوفين انك مقصره حيل

انتي تركتي مواعينك اكثر من يوم وهاذي بحد ذاتها جريمه
لان تركتي بيئه اطفالك مليانه جراثيم وطفيليات وكانك صرتي توكلينهم بها وانتي ماتحسين لانك باختصار ماتحسين بهم

اطفالك يشوفون البيوت الثانيه ويحز بنفوسهم ان امهم وسخه وبيتهم قذر و بيوت الناسنظيفه واطفالهم سعيدين وهاذي نظره الاطفال

زوجك بيشوف البيوت الثانيه و يشوفك على انك وحده مهمله وسخه كسوله و نظرته ماراح تتغير بسهوله

الرجال مايتكلم و لايقول باللي يحس به لو انه يقول كان صحيتي من زمان بس زوجك مقدرك وساكت ويمكن يحاول يشجعك بس انتي

ماتبين تتعبين نفسك وهم طز فيهم ..

الرجال يصبر ويصبر ويصبر ويمل ويفضح فيك الاقصى والداني ان حرمته وسخه ويبي وحده نظيفه
وعيالك بيكونون شايفين انه معه حق وساعتها كسلك مابينفعك لان ضيعتي كل شي بجلستك وتضيعك لوقتك

انتي تقولين انك جبتي اطفال ورى بعض
خلي شغل البيت رياضه لك عشان تستعيدين جسمك وتشدينه
خلي دافعك ان اذا انتي ماوكلتيهم ماراح احد يوكلهم
واذا انتي مانظفتيهم ماراح احد ينظفهم

اخيرا الجدران لها اذان على قولتهم
فلا تتوقعين ان وساخه بيتك سر فاكيد شخص ما يدري وساكت لان الموضوع محرج لهم ولك

تخيلي جارتك تجي تبي عندك فجاه وش بتسويين بتطردينها

انتي باهمالك موبس قتلتي علاقتك باطفالك وزوجك حتى علاقاتك الاجتماعيه بتقتلينها

الشي الوحيد الي يخلي الاطفال يحسون بحب امهم لهم هو لما تنظفهم وتقولهم انهم حلوين ونظاف ولما توكلهم وهي تضحك وتقولهم كلوا عشان تصيرون كبار ولما تسويلهم كيكه حلى اي شي يفرحهم ويحسسهم ان عندهم ام مافي زيها بالدنيا

لكن اطفالك شايفين ام كسوله متوتره قلقه عصبيه طفشانه قرفانه ويحسون بذنب ويحسبون ان هم السبب
وهم فقط ضحايا

زوجك بيحس ان ماتقدرينه ولاله كلمه عندك وصدقيني ان ذا ناقوس الخطر
فصحصحي الله يرضى عليك

والله ماقسيت عليك الا لاني ابيك فعلا تتغيرين لان قريبتي جداااااا كانت مثلك والان مطلقه ومعها 3 اطفال وزوجها بعد ماكان يموت باصابع رجولها الحين مخرب سمعتها ولااحد خطبها لان الناس سمعوا ان زوجها طلقها لانها رفلى ووسخه
وهي مثلك تحب النظافه والذرابه بس استسلمت للكسل في فتره زواجها وكانت النتيجه قاتله لها ماتتصورين نفسيتها الان كيف مدمره تتمنى ترجع تغسل حتى بالوعات الحاره اهم شي ترجع اسرتها


فانتي قدري نعمه الامان والبيت والزوج والاطفال وحسي بالمسؤوليه اتجاههم واعترفي فيها واعترفي بقدر تقصيرك وتاسفي
وابدي بدايه من داخلك وفاجئيهم ببيت مرتب ونظيف وبيئه سليمه وصحيه عشان تكون طفولتهم سليمه ويركزون على الاشياء الثانيه ويعيشون حياتهم

لاتكرهينهم في البيت تراهم بذمتك

باطمن عليك كل يوم
الحين لما تقرين ردي ابيك تمسكين غرفه تنظفينها بالمنظفات وبخريها وقفليها
لما تشمين الريحه الحلوه بتفرحين وتحسين انك سويتي انجاز وهذا بحد ذاته دافع يخليك تكملين بقيه البيت
تخيلي فرحه زوجك واطفالك
والله فرحتهم تستاهل فكافحي عشان توصلين لها وتذكري انك لك اجر برسم البسمه عليهم
موفقه