شاركي في النقاش

سجلي الدخول لإضافة تعليق.

التعليقات

31
  1. @bnt_nas_4

    والله احنا نعاني نفس المشاكل
    بس ياحبيبتي انا بعد تجارب مريره معا زوجي عرفت له والله ما سار يخليني زعلانه ابد
    بس ترا الرجال مراضاتهم افعال مو كلام مثل الحريم يعني يجي يمسك ايدك شعرك ممكن يقول يالله ابغا اطلعكم من البيت كذا ولا تنتظري انه يقول انا غلطان ومارح اعيدها مو اسلوبهم ولا يجي في بالهم
    بس اذا جا يحاول لا تصدين بس تدلعي بحب وغنج ولا تقلبين وجهك ابدا
    الطريقه السحريه (اذا زعلتو لا تحسسيه انك طلعتي من طورك سيطري على مشاعرك سوي اي شي يخليك مبسوطه و مسترخيه بس تجاهلي نظراته ولا تبداي الكلام معاه اصمتي من غير غضب بكل هدوء ورقه ودلال اذا قلبتي وجهك ومديتي بوزك وتلفضتي بكلام جارح رح يكرهك ويحاول يتخلص منك ومن وجهك النكد .........بس اذا صار شكلك غير مباليه من غير تحقير له بس اصمتي ومارسي حياتك انا احب استحم وقت الزعل عشان احس بالاسترخاء او اسوي شاهي واجيب شابوره واقعد على النت وسولفي بالتلفون واضحكي والعبي معا عيالك واذا كلمك ردي رد بسيط بالبتسامه دلع ولا تطالعي بعيونه ...........كانك تقولي عادي مافيه شي يزعلني انا رايقه وحلوه وواثقه من نفسي
    وتجنبي النقاش في اي مشكله لان الرجال اشطر مننا في الجدال ولا تخرجي من صمتك الا الين يحترم وجهة نظرك مو ضروري كل مره تمشي كلامك عناد وبساهم شي انه يقدم حلول او تنازلات تناسب ظروفه واذا راضاك كلميه بدلع مو شوفة نفس اهم شي تحسسيه ان الموضوع بالنسبه لك صغير وانك جبل ما يهزه ريح
    واذا رضيتي لا تجين كللك مره وحده وتبكين وتنفعلين وتقولين ماكان قصدي ازعلك وسامحني وتطيحين الميانه من اول كلمه لالالا
    ارضي ومشي الحياه من غير ما تعيدي الحكايه بس بعدها بفتره قولي( والله ياحبيبي ما اتمنى اني اسمع منك كلام مهين مره ثانيه لاني وقتها مارح اسامحك) وقوليها برقه من دون ما تطلعي عيونك وتسوين شريره
    وقفلي السالفه اعادة نبش المشاكل يجعلها تشتعل مره اخرى ولا عاد كل مره تذكرينه (تذكريوم زعلتني) هذا الكلام يجعله يكرهك لانه بيحس انك حقوده وماترضين ولاتسامحين ولا عاد بيعطيك وجه
    الله يسخرلك زوجك ويوفقك


    والله طولت عليك بس لاني كتبت من قلب لاني كنت مثلك اعاني وكنت اتمنى حد ينصحني

تابعي تجارب أخرى من هذا القسم.