بنات احتاجكم ادخلو الله يسعدكم



السلام عليكم ورحمه الله وبركـــــــــــــــاته


بنات انا أول مره اكتب موضوع خاص فيني بمنتدى واحتاج تساعدوني لا اطول عليكم بدخل في الموضوع


انا متزوجه ولي سنتين وعمري 24 وبعد 6 شهور من زواجي سويت خلع بسبب مشااااكل مع زوجي واهله

وانا احب زوجي وهو يحبني بس صارت بينا مشااكل كثيره وانا عايشه مع اهله بنفس البيت وزادت مشاكلنا وصار كل شي يصير بيني وبينه يوصل لامه وابوه حتى اللي يصير في الفراش بيني وبينه المهم وفي يوم زادت اكثر مشاكلنا وصار يشك فيني ويكره صديقاتي ويكره اهلي وخواتي ومنعني من اشياء كثير مع اني احب اخواته ودايم اخليهم معاي واطلعهم معاي واعامل امه واهله بما يرضي الله .
وتدخلت امه وابوه وصارت تسبني ومره ضربتني وهو كمان ضربني وتكلمت في شرفي وتكلمت في اهلي وسوت فتنه لاخواتي مع ازواجهم وحبستني في حمام الله يكرمكم 4 ساعات ووووووو الين تدخلو اهلي ومارضو عاللي يصير فيني وسوينا خلع صار الخلع وانا ابيه ومتمسكه فيه غصبن عني بس كان لازم لانه زادت مشاكلنا ومو راضي ياخذلي شقه لوحدي وسمح لاهله يسوو كل ذا فيني :(


المهم بعد الخلع بفتره صار يكلمني ويبيني ارجع وانا اتقطع كنت الفين مرره عشانه وكنت ومازلت اتمناه ايش اسوي تعبت وتعبت نفسيتي سافرت عشان انساه و ماقدرت انساه المهم حاولنا نرجع ثاني وماصار نصيب وحاولنا وحاولنا وماصار بعد كذا قطعنا فتره لين صار عالخلع سنه ونص وجا وكلم اهلي انه يبيني ويبي يرجعني وانه كان غلطان وماراح يسمح ان احد يغلط علي ووووو واعتذر ووعدني بامور بس اهلي مارضو خافوا انه يرجع ومايتعدل ورفضوه ورجع ثاني كلمهم ورفضوه المهم بعد محاولات وانا بعد وقفت لاهلي وقلت اني ابيه وكلام كثير وافقو بس بشروط وكان مستعد وعلى اساس انه لي بيت خاص فيني واهله مالهم شغل فيني لانهم مايبوني ومايتدخلون في حياتي ووافق عالشروط ورجعت

ويوم الملكه والمملك موجود بعد ماعقدنا دقت امه وسوت مشاكل وسبتنا وهددتنا وولدها قال ماعليكم انا بتصرف وراح لهله وطردوه من البيت وبهدلوه ووووو والله اعلم ايش صار بينهم المهم انا الحين لي شهرين من يوم مارجعت بنات والله ماتهنيت بس مشاكل بسبب اهله سويت المستحيل عشان يرضون مافي فايده بس يتكلمون فيني حاولت اكلمهم حاولت اصلح اللي بينا رااافضين ايش اسوي انا ميته قهر وتعبانه لانه زوجي صار متغير علي للعلم بعد مارجعنا قعد عندي شهر ونص عند اهلي وللحين ماجاب شقه ولا سوا شي من اللي وعدني فيه ولا كانت عنده وظيفه وانا ساعدته وووووو كلاااام كثير بس الحين يبي يطلق والسبب اهله بالله ايش اسوي انا منهاااره ساعدوني انصحوني الله يسعدكم دلوني ايش اسوي :44:

17 تعليق 2,349 مشاهدة

شاركي في النقاش

سجلي الدخول لإضافة تعليق.

التعليقات

17
  1. @nbodh88

    والله مشكله تزوجتي وخلعتي وتزوجتي وبتطلقين وكل هالمصايب من اهله اللي مايخافون الله

    حسبي الله ونعم الوكيل

    ادعي الله في جوف الليل واكثري من قول حسبي الله ونعم الوكيل وروحي لمكه اعتمري وادعي الله يختار لك الخيره المباركه

    دعواتك لي..
  2. @um_amal_2

    الله يسر امورك يارب وذا جت منه هو بطقاق خليه يطلق ادري والله وحاسه فيك بس والله الي مايبيني ماااااااااابيه الي يتخلى عني علشاااااااان اهله الله لااااااااايرده لاتهيني نفسك له اكثر من الازم اكييييييد هو حاس فيك ان انتي مارح تستغني عنه بس انتي لاااازم تصارحيه انا انا كرامتي فوق كل شي واذا تبي تطلق طلق رح القى احسن منك واستخييييييييييييييري والله يكتب لك الخير وين ماكان
  3. @ataabny_ghmodk

    والله لو بغيتي نصيحتي فكري في علقلك وقولي لنفسك وش ابي بواحد ماعندة شخصية
    ولا عندة غيره على اسرار بيته وش ابي بواحد امه تطقني وهو ساكت وش الفايده منه
    اذا مو حاسه معه بالأمان هو يمكن من حقه يطقك بس امه تخسي ماتطقني >>>اسفه على الكلمه بس الحق حق
    اذا هي ما عاملتني مثل بنتها ليش اعاملها مثل امي لا وفوق هذا كله سب وشتم لييييييييييييييييييش
    ليش تجيبين لهلك المذله ترى هو مو نافعك بلحظه يرميك اذا هذي سواياه لاكن اهلك الي مارضو لك المذله
    انتي تذلينهم
    واذا تبين تروحين ورى عواطفك تحملي امه وتحمليه وانسي تكون لك كرااامه

    والله لو مكانك ما ارضى على نفسي وترى الحياة مو زوج وبس


    لاتحسبني بتبعك كـان صديـت
    مااتبعك دام الراس وسطه كرامـه
  4. @aars_almtr

    حبيبتي الله يكون في عونك

    الطلاق ماهو لعب , هذا ابغض الحلال عند الله

    زوجك من كثر المشاكل ماهو عارف كيف يتصرف ويرضي مين فيكم انتِ ولا أهلوا ولا نفسوا

    قبل لا يسوي اي شيء لا زم يستخير رب العالمين

    تاني شيء لو يكلم استشاري يكون افضل , مثلاً الدكتور طاهره ميسره

    يشرحلوا الحكاية من أولها لأخرها ,

    لان احياناً عدم رضى الوالدين في امراً ما تخلي الابن في حيرة تامة من امره

    اسال الله لكِ أن يصلح أحوالك و أحوال زوجك

    ويحنن قلب أهل زوجك , ويرضون فيكِ زوجة لابنهم
  5. صاحبة الموضوع
    يعطيكم العافيه وياااااااارب يسعدكم وشكراا عالردود
    وعالنصيحه

تابعي تجارب أخرى من هذا القسم.