يابنات حواء توافقين على هالوظيفه

عقب كلامك هذا عرفت انك انسانه مو واقعيه

حبيبتي راعيات الشهادات متكدسين في البيوت ولا لقوا لهم وظايف

فمابالك في الي محتاجه وشهادتها على قدها

ايش كلمه اذا دورت بتلقى ووظائف شريفه

وبعدين هالوظايف على كل عميل تاخذ راتبها يعني اذا ماجابت عميل مااتاخذ اي مبلغ

ومن الي يحط نفسه في هالاماكن الا الي لها حاجه يعني ايش جابرك على المر قال الي امر منه والحاجه شينه والحياه صعبه والفراغ والله اثاره سيئه

علشان كذا قولي الله لايحوجك مثلها

انتي عندك من يصرف عليك هي ماعندها

اذا مجتمعنا مايتقبل الا المدرسه كمكان لعمل شريف وباقي الوظائف من ممرضه ولا استقبال ولا خدمه عملاء ولا مسوقات و و و الى اخره في نظر المتزوجات عمل غير شريف لانه بيجي يوم وتتكلم مع زوجها قلتوا تغارون قلنا ماعليه بس ماتوصل للذم في حاجه الناس زوجك لو بيفسد مايفسد من حرمه ولاصوت حرمه الشيطان حاضر بس خوفه من الله هو الي يحصنه

الله لايبلانا بس

مرحبـــا بنات كيفكم :)


اول شي احب اطمنكم اني متزوجة خخخخخ ولي خمس سنوات بعد واشتغل في وظيفة أحتاج اني ادق على
رجالكم عشان اكمل بياناتهم الناقصة ..


وثاني شي / أنا وزوجي ملتزمين اللهم لك الحمد والشكر وهو يدري اني ادق على رجال !! ويدري اني مديري رجال
ومع ذلك ما رفض وظيفتي لانه عارف اني ماراح اتخطى الخطوط الحمراء اللي ديني وتربيتي ومبادئي رسموها لي


ثالث شي / اللي جالسة تقول ان هالبنات قليلات ادب ومافيهم حيا وانهم يركضون ورى رجالكم أحب اذكرها بقوله تعالى ( ( إِنَّ الَّذِينَ يَرْمُونَ الْمُحْصَنَاتِ الْغَافِلاتِ الْمُؤْمِنَاتِ لُعِنُوا فِي الدُّنْيَا وَ الآخِرَةِ وَ لَهُمْ عَذَابٌ عَظِيمٌ ) [ النور : 23 ] .

البنات متربيات ومكالمتهم مسجلة وصدقيني انها منقرفة من الرجال هاللي تكلمة اكثر من ما انتي منقرفة منها !!

وثلاث أرباع الرجال اللي اكلمهم عشان يكملون اوراقهم هم اللي يغلطون علينا انا والبنات اللي معاي وهم اللي يتميلحون ويلمحون على ارقام جوالتهم ,, بس وع وع وع احنا يالله نكلمهم وبطريقة مختصرة جدا ونبي نسكر المكامة باسرع وقت بس هو مايبي يجلس ساعة يتميلح لدرجة مرة سكرت السماعة في وجهه والمكالمة كانت مسجلة وسوو لنا سالفه عليها ..


فرجاءا يا بنات هالكلام اللي جالسون تقولونه مو صحيح أبد .. اذا انتو مريضات بالغيرة الغير مبررة فاحنا منزعجين اكثر منكم
وماراح اترك وظيفتي اللي كنت احلم فيها عشان كم رجال مايقاوم صوت حرمة حتى لو كانت شغالة وبعدين تجي حرمته وتقول اييييه تبي رجلي ,عندها رقم جواله ,قاعدة تمييع صوتها قليله الادب ,,,

وعلى فكرة فيه رجال مرة قال لي ما ابي اكلم حرمة واحترم قرارة بس اوراقة للحين ما كملت خخخخخ وللحين حالته صعبة
احترم قراره اذا هو مايقاوم اي صوت حتى لو هو صوت عنز !! بس الدين يسر انا جايه اساعد الناس اللي محتاجة مثله
وما اخذت هذي الوظيفة الا عشان اكسب اجرهم

واخر شي اقول /

(( ان بعض الظن اثم ))



والله حسيبي وحسيبك
وتراني سعودية






ياليت توزنون كلامكم قبل لا تكتبونه وتعرفون ان قذف المحصنات من كبائر الذنوب

من زين هالرجال اللي مزعجينا عليهم :09:

والله انا اشوف ان الشغل اذا كان في اطار الادب والاحترام مافيها شي هذانظام عملها وهي تكون في امس الحاجه للفلوس والحين كلنا بحاجه للشغل مدام انه بشرف ولازم يابشر نصفي نياتنا تجاه الاخرين هي انسانه تؤدي عملهاماله داعي الغيره العمياء ولازم يكون فيه ثقه في زوجك ايش بتحجبيه عن الناس؟؟؟؟؟؟فكري بعقل ولاتقذفي بنات الناس هي انسانه بايطارعملها؟؟؟

يمه دخلت موضوعك وشفت اسمك جاني حول قلت متى كتبت هالموضوع اصلآمتى اعرست خخخخخخخخخ

ياحليلك نفس اسمي يالقلاده خخخخخ