اللى ولدت قيصرى تدخل ربنا يجازيها الجنة ويباركلها فمولدها

أخواتى غريبة نجد ومدام بوفارى ربنا يجازيكم الجنه يارب ويباركلكم فأولادكم
وأدعولى أن ربنا يرزقنى ساعه سهله وولاده ميسره

اختي الغاليه توكلي على رب العالمين هو اللي يساعدك بعدين لا تستعجلين
الدكتور يشوفك اذا تحتاجين طبيعي او قيصري والله وحده سبحانه هو المسهل
لا تفكرين كثير والله يساعدك ويسهل عليك

حبيبتي القيصري تالم موت ان جربت ادعي ربك تولدي طبيعي وجع ساعه ولا وجع دوم

بصى ... سيبيها على ربنا أحسن :) .. و لو الدكتورة لقتك مستعدة للطبيعي .. هتنصحك بالطبيعي .. و لو لقتك مستعدة للقيصري .. مش هتتأخر ...

أنا مثلاً .. كنت بخاف من الطبيعي .. بس كنت عايزة أولد طبيعي .. يعني قلت عشان أحس بأمي و كل الأمهات .. بس قبل يوم الولادة بيوم الدكتورة قالت لي لازم نولد قيصري عشان الحبل السري كان ملفوف على رقبة الجنين .. ( عمالة تلعب جوة نط الحبل:laugh2: )

فقلت اللي فيه الخير يعمله ربنا .. و كان معادي الساعة 9 الصبح في المستشفى .. لكن سبحان الله جات أعراض الولادة الساعة 6 الصبح .. و نزلت الماية اللي حوالين الجنين .. و جالي بتاع 3 أو 4 مرات ألم الطلق .. بس برضه الدكتورة قالتي لي قيصري ...

و أخذت المخدر النصفي اللي في الظهر ... و ولدت قيصري ...و التخدير و العملية بجد سهلين و ما فيش أي قلق أو خوف ... و حمدت ربنا بصراحة في الآخر إني ولدت قيصري لأني ما اقدرتش اتحمل الألم اللي جالي الصبح :) ... مع إن الناس كلها قالولي ده كده الألم في أوله أمال لو قعدتي شويه :icon31:

و الألم بسيط على فكرة مش مؤلم ... بس كنت بنام عادي .. بس المشكلة كنت لما اجي أقوم .. بقوم بالجنب ..:ohwe: ... و لما كنت أضحك ممكن برضه يؤلمني ... لكن ما كانش فيه ألم لا يمكن تحمله مثلا الحمد لله .. و خفيت على مدار أسبوعين تلاتة أعتقد :2thmup: .. الحمد لله أولا و أخيراً

و البطن محتاج تمارين .. و مش بينزل بسرعة ... أنا قريت جملة حلوة قوي ... إنه إذا كان الحمل بياخد 9 شهور ... يبقى أكيد آثاره مش هتروح في أقل من كده :)

ربنا يوقفك و إن شاء الله يرزقك ساعة سهلة زي ما بيقولوا :) .. و طمنينا على أخبارك .. مستنياكي :)