فيه ناس موب فاهمين وش هدف المنتديات وليش موجودة
وموب فاهمين وش معنى نعمة عندك إنترنت
غير هذا موب عارفة إن خلف الشاشة ناس ممكن تكون موجوعة محرومة وناس حسودة وناس تكره اللي يفرحك لو ماتعرفك
وناس تغبطك من موضوعك اللي كتبته أو صورك اللي فصلت حياتك
أنا الحمدلله ربي منعم علي بس فيه صور لما أشوفها أفكر في إحساس ناس أقل
بتقولون الناس مقامات ومستويات
طيب تخيلي لو مستواك أنتي أقل
تخيلي لو وضعك مثلاَ مزري الله لايقوله
طيب اللي حطت مواضيع فيه صور بيتها وحمامها الله يكرمكم وخزان بيتها
وش أستفااادت!
يعني ممكن تشاور وش أسوي ووش أحط
لكن توها فارشة المجلس وتقول وش رأيكم!
بالله أنتي ياللي دخلتي موضوعها وش أستفدتي!
هل فصلتي مثلها!
فيه أشياء نأخذ شور الناس وفيه أشياء أحكم فيها عقلي وذوقي وميزانيتي وظروف مجتمعي ووضعهم
يعني بالله كل بنات النت ناس ذووووووووق وفاهمة الموضة في الديكور عدل وممكن تحل مشكلتك
أو رأيها بيكون محله!
بس هو إحساس الأنثى..تعبير عن رضاها عن ذاتها وفرحتها بأي شي جديد يخليها تصور كل شي يطيح في يدها وكل شي تشتريه
يعني لو صورت الوحده كريم أو شامبوا هنا بتكون وضحت المنتج اللي مدحته
وياكثرهم البنات اللي قلبت حياتهم عقب ماعرضوا بيتهم لكل العيون
ليش لا؟!
فيه ناس حتى النت داخلته بالصدفة يامن عند جيران ولا أقارب والا صديقة يعني حتى نت ماعندها
والعين موب شرط تكون شافتك أو تعرفك
العين تجي أحياناً على شي يذكر لك وأنت ماشفته واللي موب مؤمنة في العين فهذي ماجاها شي يوريها إن الله حق
ناس ماتوا من العين
ناس تطلقت
وناس أحترقت
وناس عاشوا في غيبوبة بسبب العين
غير هذا جربتي كريم تفتيح...تعالي أمدحيه وحطي صورته لكن بدون تفاصيل
بعضهم شوي وتأخذ لك صورة للمنطقة اللي أبيضت أو صارت ناعمة
أذكر موضوع تتكلم وحده عن المؤخرة عندها كيف تغيرت حتى زوجها أستانس...ياعيب والله!..وش بقيتي وش خليتي
والا تتكلم عن المنطقة الحساسة كيف قل الشعر فيها وماأدري أيش
والله ثم والله أكون زائرة..لارديت ولا شي بس أستحي من كلامها...
أو موضوع كل وحده تتكلم عن حجم مؤخرتها ياليل الليل
أو تعطي وصف عن صدرها كيف أمتلى وصار......
واللي يبط الكبد تجي وحده صار معها موقف عااادي
يمر فينا كل يوم إلا وغصب تجي تفتح موضوع على حسابه
وتبي ردود توصل 100
أو تشتكي زوجها وأهل زوجها وتعطي تفاصيل يعني حتى مرة جيرانهم ممكن تعرفها!
أنا لي حياتي وظروف تحكمني
وأنتي لك حياتك وظروف تحكمك وظروف عشتيها
أنا لاني رب ولا أخصائية إجتماعية
أنا يالله يالله أحل مشاكلي في بيتي
كيف بحل مشكلتك..
فضفضي بس وجهات النظر بتخربطك وتنهي حياتك أو تشكلها في مسار مو طيب
بالأخير ممكن الوحده تشتكي وتسود عيشتنا معها لكن بعد ماتهدأ تحس إنها كبرت الموضوع أو بدت تحس إنها قادرة تحل وضعها بحكمة تناسب وضعها اهي....
كمان لما تجي وحده تمدح زوجها..ياحبيله ماقد قال لي كلمة شينة
طيب وش نسوي فيه!
طيب أنا تحسرت لأن زوجي مايعرف يتفاهم إلا بمدة اليد!
بس ماراح تحسين بكلامي إلا لو جاك كف يصحيك ويعلمك إن فيه نعم يتكتم عليها..الواحد حتى مرات ممكن يحسد نفسه...
الموضوع يطووووووووول وأكيد فيه ناس عندها رأي مثلي وأمثلة تفقع القلب
وأكيد فيه ناس بتجي تنتقدني وتحط فيني مليووون عييييب
والعاقل خصيم نفسه..
لابسة من غير هدووووووووووووم
متابعة النقاش، صفحة 2