كيفكم يا حوائيات
ان شاء الله تكونوا بخير
اليوم بوريكم شغله عملتها في البداية لصديقة عمري (( فكرة بدل دفتر التوقيع للعروسة )) الهدية كانت لبنت اختها وكانت تبغى شي مميز وغير مألوف
فطلعت معاي هالفكرة يارب تعجبكم ولا تنسون ذكر الله فالعين حق
**********************
جبت عروسة حجم كبير 60 سم وشلت هدومها اللي كانت لابستها:35: ولبستها كيف لبستها اليكم الطريقة بالتفصيل الممل وللاسف ما صورت الخطوات
تجيبي الاكياس الاورقانزا الحجم الكبير وتقصي الراس اللي فيه الشرايط مع الحفاظ على الشرايط لانها اللي بنسوي فيها طبقات الفستان المزمزمة ((( كرانيش عللى قوله صاحبتي )) تقصين 3 اكياس ومن باقي القماش قطعة مستطيله تغطين فيها الصدر وتبدأين تدخلين الكرانيش في جسم العروسة من تحت مع ترك مسافة بين كل طبقة وطبقة
وتغطين من فوق (( الخصر )) بشريطة عريضة عشان يكون الشكل نظيف
نفس البوت اللي على الروسه لفيت عليه شرايط عشان يكون اللبس متناسق وشرايط على الافخاذ
جبت ورد مناسب وبديت من نص الخصر وعلى امتداد الصدر والرقبه الين الراس
طبعا رفعت الشعر ببكله (( سرقتها من درج ريما وفضحتني ))
الجهة الثانية خليتها الين فوق الاذن عشان ما تصير زحمة
عملت لها طرحة من نفس الفستان من تحت الشعر ((( امحق كوفيرة )) وذا شكلها من ورا
وهذا شكلها بالكامل بعد ما خلصت تلبيسها :09:
عملت لها اسورة في ايدها متصله بشريطة طويله في طرفها قلم للتوقيع القلم لفيت عليه شريطة ذهبي وزينته بنفس الورد اللي بالاكليل والفيونكات الذهبي
وكذا خلصت العروسة
تابعوني للموضوع بقية
رجاء لا تردوا الين اخلص
