احلى تجمع واروع لمه واطعم ولادات **تجمعنا30 مواليد الصيف يوليو واغسطس وسبتمبر 2009

متابعة النقاش، صفحة 316

شاركي في النقاش

سجلي الدخول لإضافة تعليق.

التعليقات

1,965
  1. ام فوفو
    مو شرط يختلف من واحدة لواحدة..انا عني اعوشر..وغيري ماشاء الله من اول التاسع يولدون..ماله دخل بكرية والا عندك عيال قبل.. الله يهون عليك ويسهل امرك.. لالا تعوذي من ابليس ولا تشربينه..ماشفت احد شربه وفاد معه وانا اولهم الا يهد الح…
    لالا تعوذي من ابليس ولا تشربينه..ماشفت احد شربه وفاد معه وانا اولهم الا يهد الحيل ويضعف جسك ويضعف نبض الجنين وممكن بسببه يلجئون للعملية..
    ياحبيلك كنت مسويه بحث ولقيت فيه بنات فادهم
    بس خفت وقلت فرج ربي انا شاء الله اقرب
    تعبت انام وان جالسه وامشي مثل البطه وكل اللي معي ولدوا وانا باقي لسا:44:
    استغفر الله واتوب اليه
    يارب سامحني ويسر لي
  2. @lms_hnan_4

    مبروك للي ولدو وربي يسهل علي الي مولدو

    وصوله
    ماشاءالله التعتيق مرره حلو بالبركه وتولدين بسلامه ان شاءالله وربي يحفظلك اهلك ويطول بعمرهم


    بنات انافي حيره وش افضل للقيصري بنج نصفي او كلي اناخفت يوم قريت ان النصفي تسبب الشلل الله يكفيناشره وموعدي قرب لازم اختار

    والدعولي بتساهيل
  3. بنات سويت اقتباسات كثيرة وما ادري وين طارت<<<<مقهورة اهئ اهئ
    المهم
    مالحب بلاوصال التعتيق رووووعه ما شاء الله
    سراب مليون نقطه الف مبروك الولادة ويتربون عزكم البيبيات
    طالعه من الشر شوشو
    وبس خلاص هذا اللي اذكر <<<اهئ اهئ
  4. @aal_althkr

    مرحبا ويا مساء الورد وأروع ذكريات واحلى تجمع
    بنات والله اشتقت لأيام الحمل <<<<<<<< بتقولون وحده غاوية هم وشقى لكن لا والله فيها ذكريات حلوه الانتظار والخوف والرعب والهم والثقل والتعب وووووووووووو
    لكن الحين احلى واروع والذ واجمل واغلى وامتع احساس الله لا يحرم اي مسلمه من هالاحساس يارب
    والله يخلي لنا بيبياتنا ويرزقنا برهم ويأجرنا على التعب يالله ياكريم


    طبعا في البداية أشكر كل أخت لي هنا بالتجمع باركت لي بولادتي وحتى اللي ما باركت اكيد بقلبها قالت ماشاء الله الله يخليه لها
    قصة ولادتي والله مغامره لكن سبحان اللي خلق النسيان وانعم به على الانسان
    مع انها لحظات لا تنسى لكن حلاوتها بصعوبتها وفي سكرات الموت اللي عشتها والله يأجرنا يارب
    طبعا انا من دخلت التاسع بأسبوع صار ينزل معي دم احيانا بافرازات واحيانا لا دم صافي والطلق ماسك معي لكن خفيف >>> طبعا كنت غبية ما اعرف وش معنى طلق اللين زلزلني موت عرفت الطلق الصدق
    يازين البكرية وولادتها ما تعرف شي كل شي مفاجأة
    المهم انا تعبت اكثر يوم الاثنين والثلاثاء وغير كذا شلت هم اني دخلت في العاشر 4 ايام خلاص صارت النفسية زفت
    وكل من شافني يتوقع لي توقع لو انه يسكت يكون احسن اللي يقول الاسبوع الجاي واللي يقول الاثنين واللي يقول اخر الشهر
    المهم
    انا خلاص قفلت معي
    يوم الاربعاء صحيت الا وفيه دم ينزل معي وكان معي زكام وصداع وحسيت انه زكام النفاس لان امي تقول بعضهم ان قربت ولادتهم يزكمون
    المهم طبعا ما قلت لأمي عن الدم ولا عن التعب لانها كانت بتروح زواج هي واخواتي وانا ابروح بيتي اخر يوم كان لي في البيت على اساس ابمشي شوي والاربعاء اجازة ابو الشباب وابسهر معه قبل اولد ومشوار الاربعين وهمه وووو
    المهم رحت البيت وانا تعبانه يوم الاربعاء وجلست واحس باحساس غريب
    وانا اقول لزوجي احس اني ابولد بكره قالي وجهك مو وجه ولاده:mad:طبعا انا عصبت ابيه يقول ان شاء الله الله يهون عليك لكن هو بكل برووووووووود يحطمني لانه مل من الانتظار وقلت له وشلون وجه الولاده بس ابي اعرف
    علشان ان صار اروح

    المهم سكت طبعا مسكت اوراد تسهيل الولاده وجلست ارددها طول اليوم وشربت من موية زمزم ومسحت فيه على بطني
    والالم كل ماله يزيد وما صدقت ان زوجي يطلع من البيت وبديت احبي مثل البيبي هذي وصفه قالتها لي اخت زوجي
    الله يجزاها بالخير وفعلا جابت نتيجة والله جلست نص ساعة بين حبي وامشي شوي بالبيت وحسيت كل ماله الالم في زياده
    المهم يوم جت الساعة 12 ونص واحس بالالم يزيد والدم مع كل مغص يكثر استأذنت زوجي ورحت انوم طبعا مو ابنوم لكن ما ابيه يلاحظ اني تعبانه وامي في الزواج ما تهنت كل ربع ساعة تكلم ياقلبي كأنها حاسه
    المهم الساعة 6 الصبح من يوم الخميس خلاص ما قدرت اتحمل وجع يزلزلني موت الم ما اقدر اجلس ولا اوقف
    وكل شوي ابي الحمام وانتم بكرامه
    اخذت دش دافي وكلمت امي أسألها ونزل دم قالت امي خلاص نروح انا كنت خايفه من الكشفيه لانها تعبتني طول التاسع وانا اكشف المهم رحت اول ما دخلت الطوارئ في العسكري قالت الرحم مفتوح 4 سم ولاده والالم قوي قصدها الطلق
    وعلى طول اعطتني مغذية وطلعوني غرفة الولاده وانا مو مستوعبه شي كل شي كأنه حلم
    بعد كذا جلست في ملاحظة الولاده مع التخطيط وشوي شوي اموت المهم من الساعة 7 الين الساعة 5 العصر كلها طلق
    واخيرا ولدت وجبت خالد
    لكن انا توقعت القصة كذا انتهت وخلاص طلع ولدي حبيبي لكن اشوف الا والدكتورة وجهها متغير والنيرز الملاحظة تصيح لانها كانت معي لمدة 11 ساعة ولاده وكل شوي يدخلون مجموعة اطباء وانا ما ادري ليه اخيرا عرفت ان المشيمه رجعت فيني بعد طلوع البيبي وحاولت تطلعها ما قدرت والله يابنات اني تعبت من المشيمه اكثر من الولاده
    ورجعت لان البيبي طلع والحبل السري ملتف على رقبته الدكتوره علشان تنقذ البيبي قصت الحبل على طول ورجعت المشيمه
    المهم والله بعيني شفت اجهزة ما عمري شفتها تدخل فيني ووسعت زياده على الوسعة الاولى ويدينهم تشتغل والخوف
    على وجيههم اخر شي دخلوا اربع دكاتره كلهم رجال واخذوني لغرفة العمليات بنج كامل وعملية تنظيف
    دخلت غرفة العمليات الساعة 5 ونص العصر وطلعت الساعة 8 وثلث في الليل
    وكل هذا ولله الحمد والشكر نعمة من عند الله اني رجعت عشت من جديد لان الضغط انخفض مرتين وانا بالعملية كان ممكن اموت وانكتمت في الولاده مع الانخفاض كان بيغمى علي
    لكن الحمدلله اللي رزقني خالد الله يجعلة بار بي ويرزقه الهداية والصلاح
    وبصراحه تعامل العسكري جدا راقي الله يجزاهم بالخير كلهم والله تعامل ممتاز واسلوب رائع واللي صار اصلا مكتوب
    لي كان بيصير باي مستشفى
    والحمدلله على كل حال
    اعتذر للاطاله لكن حبيت تشاركوني ختام اروع مرحلة في حياتي مرحلة استمرت تسع شهور بتعبها باحلامها بالامها بمعاناتها بمتعتها الى اخر مطافها الولاده
    واكرر شكري لكل اخت هنا بالتجمع والله ييسر لكل حامل ويسهل ولادتها ويبارك في كل والده بمولودها
    وملاحظة اختي مليون نقطه ولدك الله يحفظه كبر خلودي ولدي في نفس اليوم 8\8 الله يخليهم لنا يارب ويرزقنا برهم اعتذر للاطاله

تابعي تجارب أخرى من هذا القسم.