السلام عليكم
لكل ام تعبت وعلمت اتمنى مساعدتي بهذه المشكله واللي راح اكتبها لكم بعد ما اكلت حبة بندول من وجع راسي:icon33:
المشكله
ولدي بعمر 13 الله يصلحه وعيالي اختي مقاربين لعمره يعني اكيد راح يكون فيه صداقه وراح اعطيكم نبذه عن طريقتنا بالتربيه وشخصية ولدي
انا حريصه عليه فيه رقابه نتابع معه بالمدرسه من يصادق ولااحاول اخليه يحتك بابناء الحاره لان عليهم ملاحظات الله يصلحهم عطيته جوال ولكن عادي دون كاميرا ولا بلوتوث او وسائط وقلنا بنعطيك كميرا لكن كل شي بوقته حلو
دايم نثني عليه وانك افضل الاولاد اخلاق والكل يحترمك ندخله دورات وحلقات تحفيظ عشان تزداد ثقته بنفسه وبصراحه خجول ولكن دائم اقول لابوه (الحياء لايأتي الا بخير )
اولاد اختي الله يصلحهم
لي ملاحظات على تربيتها عادي يروحون عند الجيران وكل من هب ودب
عادي يلعبون مع اولاد الحارة الصالح والطالح كم مره وصلت لها ملاحظه على عيالها تقوم وتحط ان ولدي كذاب ويمكن يتخيل (تغار من ولدي )
نظام تربيتها خلي لهم الحبل وهم بيربون انفسهم وماشاء الله فيهم جرأة كبيره لكن تكون على عربجه غالبا او وقاحه
المشكله
وهي اللي اتعبتني وكم تمنيت انهم عيال جيران عشان اقطع علاقتي وارتاح منهم فللاسف حياة ابني فيها مميزات افضل من حياتهم وانا ماعودت ولدي انه يتفشخر قدامهم ويقول سافرت والا سوينا والا اشترينا
لكن هم لا يحبون الفخفه وتضخيم الأمور وانا احس انه دليل تفريغ غيرتهم من ابني تخيلوا لو يروحون الخرج وهي قريبه كانهم رايحين اسبانيا من المدح وسوينا وحطينا وشفنا وانت ماشفت ولارحت
اذا اشتروا شي وعند ولدي مثله يحطمونه بأن اللي معهم الأصلي وهو التقليد
اخر شي هم اخوان ويقولون لولدي مسكين لو عندك اخ يلعب معك كيف عايش
والحين اختي جايبه لهم للاسف جوالات كاميرا وتعالوا كل يوم ناطين عند اهلي ويغايرون ولدي وهو يجي يقول (ياماما فرحانين بجوالاتهم وقلت لهم لو ابشتري قدرت بس ماودي !!!!!!!!!
(يعني مقهور منهم ويحاول يوصل لي الامر لعلي اشتري له )
اخر شي اليوم جوالي قدم استقالته ورحت شريت لي جوال ومجرد مادخلت البيت وفكيته وجلست اركب الشريحه سحب نفسه وراح غرفته وجلس يبكي لانه توقعه له انا انفعلت وتكلمت عليه وجبت كل اللي بقلبي وقلت انت ماعندك ثقه بنفسك مع انك تتمتع باخلاق ومميزات ماهي عندهم انت تروح وتسافر يمين ويسار وانا وابوك معطينك ثقه كبيره ونخاف عليك من شدة حبنا لك وهم يسون كذا قدامك من غيرتهم ....الخ وبعدها ندمت والحين افكر اقلل روحتي لاهلي لان اختي من النوع اللي يزعل والا خطأ انها تربي عيالها على الفشخره الكذابه علما ان واحد من عيالها سبق وانتقدها قدام امي وقال ياحظ فلان (يقصد ولدي ) امه تحضنه وتبوسه وانتي لا
تكفون يامربيات وامهات ما ابغى تعبي يروح ولا ابغى اهمال اختي يدخل حياتي :44:علما اني اخجل من زوجي دايم يقول سبحان اللي خلق وفرق خوات لكن هي غير وماشاء الله لو تشوفون برودها بعكسي تمام حاره وكل اشوفي اتفقد اولادي والله لايضيع التعب ويصلح لي ولها وجميع ابناء المسلمين
افيدوني بتجاربكم وحلولكم :(:(
معليش اخواتي اللي عندها خبره او نصيحه باسلوب محب تدخل ولها الاجر واللي دفشه او بتنقد من غير مطرود وتخلي عندها كرامه لاني اطردها من الحين لان الوحده احيانا تكتب موضوع برجاء خير وتخفيف مو عشان ناس يدخلون ويرفعون الضغط وهذا صاير بشكل كبير بالمنتدى
شاركي في النقاش
سجلي الدخول لإضافة تعليق.
التعليقات
63- الله يخليه لك
- :icon33:
اذا اشتروا شي وعند ولدي مثله يحطمونه بأن اللي معهم الأصلي وهو التقليد
نفس المعاناه بس انا بنتي وحسبي الله عليهم زعزعو الثقه في نفسها وماعندي غيرها بنت بالونه مفقوعه الله يخليه لك
يارب يوصل وزنك 60 وانتي بأتم صحة وعافيه على هالدعوة:)ام فيفو :icon33: اذا اشتروا شي وعند ولدي مثله يحطمونه بأن اللي معهم الأصلي وهو التقليد نفس المعاناه بس انا بنتي وحسبي الله عليهم زعزعو الثقه في نفسها وماعندي غيرها بنت
يارب اصلحهم خلك متابعة الموضوع كلي امل بالله ثم بالعضوات اللي اولادهم اكبر ومروا بنفس الحاله
الله يعني واياكالناصحة 2 يارب اصلحهم خلك متابعة الموضوع كلي امل بالله ثم بالعضوات اللي اولادهم اكبر ومروا بنفس الحاله الله يعني واياك
نفس المشكلة بالضبط بس مع بنتي وبنات أختي مو بنات --- سعالوة الله يهديهن
قللت الروحة لهم
وعند أهلي أطلب من أختي ما تجيبهن إذا جيت
وإذا اتفقنا على الاجتماع اشري لبنتي لعبة مبهرة تتقوى بها عندهن كل مرة كذا
ولا أطول بجمعتهن نروح للبيت بدري
بنتي ونفسيتها أهم عندي من جمعة خواتي
خواتي الله يخليهن يساعدني على حل هالمشكلة
مواضيع مشابهة
تابعي تجارب أخرى من هذا القسم.