صابتني حالة اكتئاب من صمته

السلام عليكم ياحوائيات
عندي مشكله وابي لها حل يريحني لاني تعبت منها
زوجي اتعبني بصمته تخيلوا انه مايتكلم معي في اليوم غير مرة او مرتين وش السبب الله اعلم
قلت يمكن طبعه
بس لمى شفته وهو يكلم اصحابه بالجوال او هو قاعد مع اهله
انفجع منه مو هذا اللي دايم قاعد عندي وباط كبدي بسكوته
يضحك ويسولف وينكت ويعلق
ولا كأنه الانسان اللي اعرفه
حتى اني اول مااتزوجته كنت احب اسولف واحب انكت وامزح
بس مع كثر مااشوفه ساكت صرت حتى السوالف ماعرفها
تخيلوا يابنات اني صرت اكره الجمعات والطلعات لاني اتوهق
ماعاد عرف اسولف واحاور مثل قبل
ماادري هو اعداني بسكوته ولا انا صابتني حاله منه
واللي قاهرني انه اليوم كان فيه عشاء عند اهله الحريم في البيت والرجاجيل في مخيم
بدل مايجي يسولف معي من جاء ومن ماجاء على العشاء
دخل عند اهله قبل لايجي وسولف معهم واخذ علوم السهره
لمى جاء عندي نام على طول وانا كنت ابيه يجلس معي كنت متوقعته بيسألني وبيسولف معي
طلع مآخذ الاخبار كلها من عند اهله
بنات انا تعبت كيف اخليه يسولف وكيف انا اطلع من الحاله اللي دخلت فيها ماعاد
احب الاجتماعات والسبب اني صرت ماعاد اعرف اتكلم.. ساعدوني الله يحرم وجيهكم عن النار
بنات ردوا الله يخليكم بسرعه لان اتصال الكونكت بينقطع واخاف ينقطع وانا ماشفت ردودكم.

39 تعليق 2,440 مشاهدة

شاركي في النقاش

سجلي الدخول لإضافة تعليق.

التعليقات

38
  1. @amy_aghl_maaandy

    اه عجزت من التفكير بهالموضوع والله لو يغير لغيرته من كثر صمته المشكله اذا فتح فمه كانه حاكم يعني يعرف يتكلم بس ليش الصمت المشكله انه يموت علي يعني فيه اشياء لازم يبطل حلقه ويهرج تصدقين ودي احط ملعقة بين شفايفه علشان اشوف اسنونه
  2. صاحبة الموضوع
    الماسه المجروحه ورد الجوري
    اسعدني مروركن حبيباتي
    ظل الياسمين بجرب اني انطم مع اني صرت منطمه خلقه بسببه
    وشكرآعلى الرد

تابعي تجارب أخرى من هذا القسم.